Бейімбет МАЙЛИН (1894-1939)

Б.Майлин қазіргі Қоста­най облысының Таран ауданында туған. Бір жасқа толмай жатып әкесінен, алтыға шығарда шешесінен айрылған. Жетімдік зардабын шегіп, байларға жалданады. Ауыл молдасынан оқып, сауа­тын ашады.

1911-1915 жылдары Троицк қаласындағы Уәзифа медресесінде, Қостанайдағы орысша-қазақша мектепте, Уфадағы Ғалия медресесінде білім алады. 1916-1919 жылдары мұғалім болады, жазу­шылықпен шұ­ғылдана бас­тай­ды. “Қа­зақ”, “Ауыл” газеттері мен “Ай­қап”, “Садақ” журнал­дарына жа­зып тұрады.

Б.Майлин “Еңбекшіл қа­заққа” “Еңбек туы” болып тұрған кезде-ақ атсалыса бастаған. Алғаш мақалала­рымен қатысқан ол әдеби қызметкер, бөлім меңге­рушісі, хатшысы да болған, редакторлыққа дейін өскен. Бірақ көп істемеген. 1920-1922 жылдары газетті жасауға алғаш шығарушылар алқасы басшылық жасап, кейін жекелеген тұлғалар келе бастаған тұста басылымға Б.Май­лин секілді жеті-се­гіз адам жетекшілік ет­кені мәлім. 1923-1925 жыл­дары Қостанайдағы губер­ниялық “Ауыл” газетін шығарады. Сонан кейін қай­тадан “Еңбекшіл қазаққа” ауысады, Қазақстан АПП-ын ұйымдастыруға қаты­сады. 30-шы жылдары “Ауыл тілі”, “Қазақ әдебиеті” басы­лымдарының бас редак­торы болып істейді.

Б.Майлин – қазақ әдебиетін өркендетуге елеулі үлес қосқан қаламгерлердің бірі. Барлық жанрда ат­салысқан жазушы 1938 жы­лы жазықсыз тұтқындалып, қызыл қырғынның құрбаны болып кете барды.