Бернияз КҮЛЕЕВ (1899-1923)

Б.Күлеев қазіргі Орынбор облысының Бөрте ауданында өмірге келген. 1917-1918 жыл­дары Орынбор мұғалім­дер семинариясында оқыған.

1919 жылы Заурал бөлі­мінің эмиссары болды. Өлең жазумен ертеден айналыс­қан. “Ұшқынның” бірінші саны Бернияз Күлеевтің “Ұшқынға” деген өлеңімен ашылды. Осы кезде оның Есенбаев, Сафиевтермен бірге газетімізге басшылық жасаған тұсы.

1920 жылдан өмірінің ақырына дейін Қазақ АССР Халық Ағарту комис­сариатының кітаптарды бастырушы өкілі ретінде Қазан қаласында жұмыс істеді.

Б.Күлеевтің “Қыздың мінәжаты” (1914), “Қызық­ты жаз” (1916), “Қазақ қызы” (1916), “Түн” (1917), “Бостандық күнінде” (1917),“Әйелдер сөзі” (1917) өлең-толғаулары бар. “Қайда екен” (1922), “Жорық” (1922) атты поэмаларында Қазақ елі бастан кешкен әлеумет­тік мәселелерді толғады.

Б.Күлеев – сыршыл ли­рик ақын. Ол орыс ақын­дарының да бірқатар шығармаларын қазақ тіліне тәржімалады. Таңдамалы шығармалары “Айтшы, ақ қайың” деген атпен 1969 жылы Алматыда басыл­ды.