Әбдірахман БАЙДІЛДИН (1891-1931)

Ә.Байділдин қазіргі Сол­түстік Қазақстан облы­сының Аққайың ауданында өмірге келген. 1917 жылы Омбыдағы мұғалімдер семи­нариясын бітірген соң “Бірлік” ұйымының мүшесі әрі хатшысы болады. Ақпан революциясынан соң Ақмола облысындағы Қазақ комите­тін ұйымдастыруға белсене атсалысады.

1919 жылы Алашорда делегациясымен бірге Уфа мен Самарада өткен кеңестік билікке қарсы күштердің мә­жілістеріне қатысады. 1920 жылы РК(б)П комитетінің мұсылмандар семинария­сының төрағасы, 1921-1922 жыл­дары Орынборда Қазақ АКСР Жер комиссариатының алқа мүшесі, “Еңбекші қазақ” га­зетінің редакторы болып істеген. 1923 жылы Орал облыстық партия комите­тінің үгіт және на­сихат бөлімінің меңгерушісі, “Қы­зыл ту” газетінің редак­торы, 1923-1925 жылдары Мәскеуде Орталық баспаның қазақ секциясының қызмет­кері, 1925-1926 жылдары Қазақ өлкелік БК(б)П коми­теті баспасөз бөлімінің меңге­рушісі, ал 1926-1928 жыл­дары республикалық оқу-ағар­ту қызметкерлері кәсіп­одағының төрағасы, сонан соң ҚазМУ-дің оқытушысы болды.

1929 жылы бас­талған қуғын-сүргін кезінде тұт­қынға алынып, 1931 жылы ату жазасына кесілді.

Ә.Байділдин “Алды­мыз­дағы мақсатымыз” (1926 ж.), “Оқытушылар мен кә­сіп­шілер қозғалысы” (1927 ж.), “Оқу қызметкерлеріне жолбасшы”, “Жаңа әліппе” (1928 ж.) деген еңбектердің авторы.