Фото: thehansindia.com
Полицейлер автобус жүргізушілері құқық бұзушылығының алдын алу және оларды анықтау шараларын жандандырды. Шара барысында олар 1249 жол ережесін бұзу фактісін анықтады. Әкімшілік хаттаманың 241-і қоғамдық көлік жүргізушілерге қатысты толтырылды.
«Жүргізушілер көбінесе Әкімшілік құқық бұзушылық туралы кодекстің 591-бабын («Көлiк құралын басқару кезiнде жүргiзушiнiң телефонды не радиостанцияны пайдалануы») бұзды. Оларға қатысты 92 хаттама толтырылды. 41 жүргізуші әкімшілік жауапқа тартылды. Жүргізуші куәлігінсіз көлік басқару бойынша 28 факт тіркелді, 17 жүргізуші жылдамдықты арттырғаны үшін жазаланды», дейді жергілікті полиция қызметінің бастығы Қанат Айтбаев.
Былтыр 674 жүргізуші әкімшілік жауапқа тартылған болатын.
Өмір Есқали,
«Егемен Қазақстан»
Солтүстік Қазақстан облысы
