Búgilgen bolmys

«Qaıran, Kamal! Amerıkany endi ashqandaı bolasyń. Biz bul «pálege ushyraǵaly» qashan...» dep kúrsinedi eken Sheraǵań, Sherhan Murtaza. Shyndyǵynda, burynnan belgili bolsa da, túıini bir tarqatylmaıtyn, dúrkin-dúrkin kóterilip turatyn máseleler bolady.

Егемен Қазақстан
10.09.2018 118
2

«Qaıran, Kamal! Amerıkany endi ashqandaı bolasyń. Biz bul «pálege ushyraǵaly» qashan...» dep kúrsinedi eken Sheraǵań, Sherhan Murtaza. Shyndyǵynda, burynnan belgili bolsa da, túıini bir tarqatylmaıtyn, dúrkin-dúrkin kóterilip turatyn máseleler bolady.

Taıaýda elordada «Astana daýysy» atty án festıvali ótti. Azııa men Eýropadan, alystaǵy Amerıkadan, bas-aıaǵy on memleketten kelgen ánshiler qatysqan festıvaldiń dabyly biraz jerge jetti. Shyny kerek, konsertti ózimiz kórmedik. Áıteýir, reseılik Fılıpp Kırkorov, Grıgorıı Leps, Egor Krıd, grýzııalyq Soso Pavlıashvılı, ózbek qyzy Sogdıana, shvesııalyq Loreen, amerıkalyq Brendon Hovard, latvııalyq Intarıs Býsýlıs, armenııalyq Sevak, moldovalyq DoReDos... biz keıbirin tanıtyn, endi biriniń áni túgili atyn estimegen biraz juldyz sol kúni Astananyń aspanynda shoǵyrlanypty. О́zimizdiń Qaraqat Ábildına, Mádına Sádýaqasova, Qaırat Baekenov,  Erke Esmahan, Qaırat Nurtas, Ninety One, RINGO syndy juldyzdar da sheteldik áriptesterinen qalyspaǵanǵa uqsaıdy. Naǵıma Esqalıeva men Baýyrjan Isaev «Astananyń alǵashqy tańy» týraly orys tilindegi ataqty ándi shyrqapty.

Festıval ótkennen keıingi kúnderi konsert týraly kórermenderdiń qyzý talqysy endi saıabyrlaı bergen tusta tanymal prodıýser Alýa Qonarova áleýmettik jelidegi jeke paraqshasynda eldi eleń etkizgen bir jaıttyń betin ashty.

– Qymbatty uıymdastyrýshylar, sizderge aıtamyn!.. Eger reseılik ártisterdiń saýndche­gine bergen múmkindik pen ýaqytty bizdiń qazaqstandyq ártisterge de bermeıtin bolsańyz­dar, bolashaqta ártisterimiz óner kórsetýge shyqpaıtyn bolady...– depti prodıýser.

 

Saýndchek degenniń ne ekenin aıta keteıik. Ánshiler birinen keıin biri sahnaǵa shyqqan saıyn qaptaǵan mýzykalyq qurylǵylardyń dybysyn retteıtin prosesti saýndchek deıdi. Oǵan jetkilikti ýaqyt bermese, apparat kúıine keltirilmese, sapaly án shyrqaý qıyn. Sirá, Alýa Qonarovanyń ánshilerine kelgende sol saýndchegi qurǵyrdan kiltıpan shyqsa kerek. Qalaı bolǵanda da, prodıýser aıtqandaı, sahna bárine ortaq, raıder de birdeı. Uıymdastyrýshylar sheteldikterge jaǵdaı jasaǵan eken, bizdiń mýzykanttarǵa da sondaı jaǵdaı jasalýy tıis. О́zimizdiń ánshilerdi óz jerinde sheteldikterdiń kóz aldynda tómendetýge bolmaıdy. Bul – prodıýserdiń talaby, bizdińshe durys talap.

О́zderińdi basqalardan kishi sezinip búgile bergendi qoıyńdar, tiktelińder, kerek bolsa úırete alamyn, – degen Qonarovany qoldaǵandar kóp.

Shoý-bıznestegi kóp daý-damaıdyń biri sanap, bul oqıǵaǵa kóńil bólmeı-aq  qoıýǵa da bolar edi. Biraq búginde shoý-bıznes – eldiń mádenıetiniń bir bóligi, ondaǵy ahýal – mádenı saladaǵy ahýaldyń kórinisi dep sanaımyz. Al mádenıetińniń bir bólshegin ózgelerdiń aldynda tómenshiktetip qoıýǵa bola ma?! Onyń ústine RINGO toby «Turkvizyon» syndy bedeldi halyqaralyq saıystarda eldiń namysyn qorǵap júrgen top.

Jalpy, qandaı da bir merekelik sharaǵa sheteldik ánshilerdi shaqyrý qalypty qubylysqa aınaldy. Másele sol konsertterdi qarjylyq jaǵynan tıimdi, óz ónerpazdaryń ókpelemeıtin, ózge juldyzdar da dán rıza bolatyndaı etip ótkizýge baılanysty. Aıtalyq, Grýzııanyń týrıster eń kóp keletin Tbılısı, Kýtaısı, Batýmı syndy iri qalalarynda Check in Georgia degen jobanyń aıasynda ulanǵaıyr konsert ótkizý dástúrge aınalǵan.  Check in Georgia sózin bizdiń tilge erkin aýdarsaq, «Jarqyraǵan Grýzııa» deýge bolady eken. Robbı Ýılıams, Hose Karreras, Aerosmith, Scorpions syndy ataǵy jer jarǵan ánshiler men ujymdar qatysqan shara shyn mánisinde «Grýzııany jarqyratty», elge biraz mol tabys ákeldi.  Osy konsertte grýzın V.Meladze nemese S.Pavlıashvılıge jaǵdaı jasalmaı, renjip qaıtypty dep estimedik.

A.Qonarova aıtqandaı, elimizde «ózin kishi sezinip búgile berý» ádeti áli bar ekeni qynjyltady. Sheteldikterge tólenetin aqsha da molyraq, jasalatyn jaǵdaı da jaqsy. Soǵan úırenip alǵan ba, bizge kelýge olar da qushtar-aq. Máselen, 20 jyl buryn Astananyń alǵashqy týǵan kúninde sol kezde dúrkirep turǵan «Na-Na» toby kelgen-di. Bıyl 20 jyldyqqa sol topty taǵy da shaqyrdyq. 20 jyl buryn kelip, qyrýar aqshaǵa án shyrqap bergen «Na-Na» tobyn endi elorda kúnine jyl saıyn shaqyrmasaq bolǵany.

Sóz basynda Sheraǵańnyń sózin aıtqan edik. Bir qaraǵanda usaq-túıek bolyp kóringenimen, dál osy otandyq jáne sheteldik ánshilerge kórsetiletin qurmet týrasynda Kamal Smaıylov ekeýi baıaǵyda aıtqan eken. «Qadirmendi Sherhan!» dep bastap alyp, arǵy-bergini túgel qozǵap, kez kelgen problemany tereńnen túbin qoparyp aıtatyn Kamal Smaıylov:

– Keıingi kezde Almaty sheteldik «juldyz­dardyń» erigip, sergip, aqsha taýyp qaıtatyn qalasy boldy. О́z halqyn álemge tanytatyn óner ıeleri az ba bizde? – depti.

Qazir Kamal Smaıylov joq. Ol Sherhan Murtazaǵa jazǵan hatynda mysalǵa keltirgen óner ıeleriniń de birazy ómirden ozdy. Biraq so­dan beri sanamyz da, bolmysymyz da túk ózger­megen sııaqty. Sol baıaǵy búgilý. Sóz ba­syn­daǵy Sheraǵańnyń sózimen «Qaıran...» deısiń mundaıda. Qashan tikteler ekenbiz?..

Arnur ASQAR,

«Egemen Qazaqstan»

СОҢҒЫ ЖАҢАЛЫҚТАР

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

21.09.2018

Тұрмыстық қатты қалдықтарды өңдеу бойынша жоба әзірленді

21.09.2018

Кәрім Мәсімов терроризмге қарсы орталықтың отырысын өткізді

21.09.2018

Қостанайлықтар жарықдиодты шыны жолмен жүреді (ВИДЕО)

21.09.2018

Қанат Ислам мақтааралдық жас боксшыларға мастер-класс өткізді

21.09.2018

Алексей Луценко: «Алматы турын» апталық жарыс қылса керемет болар еді

21.09.2018

Бурабайда жаңа мешіт ашылды

21.09.2018

Онкологиялық қызметтің атасы Сәкен Нұғмановтың 100 жылдығы атап өтілді

21.09.2018

Дзюдошы Ерлан Серікжанов жартылай финалға шықты

21.09.2018

Қайрат өз құрамын жария етті

21.09.2018

Асқар Жұмағалиев Үндістанның АТ және телекоммуникациялар министрімен кездесу өткізді

21.09.2018

Шетелдік мамандар ауылдық мектеп оқушыларына ағылшын тілін оқытуды бастады

21.09.2018

Шыңғырлау ауданында төрт емдеу нысаны күрделі жөндеуден өтті

21.09.2018

Рани Мукерджидің қазақтарға сәлемі

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу