Жүзжылдыққа жаңа жобалармен

Елбасы Дүниежүзі қазақтарының V құрылтайында шеттегі қандастарымыздың атамекен қазығы – Қазақстанмен ақпараттық, мәдени-рухани байланысын нығайта түсу үшін оларға отандық мерзімді басылымдардың қолжетімділігін қамтамасыз етуді тапсырған болатын. «Egemen Qazaqstan» газеті Мемлекет басшысының  тапсырмасын орындау мақсатында Ақпарат және коммуникациялар министрлігінің қолдауымен ұлттық баспасөз тарихында тұңғыш рет Ресей аумағында газет таратуға лицензия алды. Бас басылымның 100 жылдық қарсаңында қол жеткізген осы және басқа да жаңалықтары Орталық коммуникациялар қызметінде өткен брифингте айтылды.

Егемен Қазақстан
12.09.2018 5702
2

«Egemen Qazaqstan» республикалық газеті» АҚ Басқарма төрағасы Дархан Қыдырәлі атап өткендей, газет көрші елдің мерзімді басылымдар каталогына енгізілді. Ресейдің Қазақстанмен шекаралас облыстарында тұратын ағайындарымыз енді «Егеменді» жаздырып алып оқуына мүмкіндік бар. Сол сияқты бұл жұмыстар Қырғыз, Моңғолия сынды елдерде де жалғасатын болады. Қазірде осы бағыттағы жұмыстар жүйелі атқарылып, бүгінде Қырғызстанда газетіміздің арнаулы тілшісі бар екенін айта кеткеніміз жөн.

Бас басылымның оқырмандарына ұсынатын тағы бір үлкен жаңалығы – әйгілі  америкалық алпауыт газет New York Times бетіндегі айтулы сараптамалар, шолулар, мақалалар легі алдағы күндерде «Egemen» бетінде беріле бастайтыны. Бұл жаңалық «Егемен Қазақстан» АҚ-ы мен New York Times арасында қол жеткізілген келісімшарт негізінде жүзеге асатын болады. Қазақстанның ақпарат кеңістігінің аясын кеңейтуге ықпал ететін бұл қадам отандық журналистикаға стильдік, мазмұндық және тілдік тұрғыдан да игі әсерін тигізеді деп пайымдаймыз.

Сондай-ақ Елбасының рухани жаңғыру аясындағы тапсырмаларын орындау мақсатында «Егемен» латын әліпбиіне көшуге де толық дайын. Бұл орайда, авторлық бағандарды латын әліпбиімен жариялай бастаған газет алдағы күндері «Рухани жаңғыру» сынды тұтастай бір бетін латын графикасындағы қазақ әліпбиімен басуға көшетін болады.

Тағы бір тоқталатын жаңалық, биылдан бастап Egemen.kz интернет редакциясы газеттің аудионұсқасымен бірге Egemen.tv видеоресурсын да іске қосты. Оның қатарында Youtube арнасындағы «Өрнек», «Стадион», «Egemen жаңалықтары» бейнежобаларын айтуға болады.

Газет басшысы сонымен қатар бас басылымның 100 жылдық мерейтойы қарсаңында ғасырлық тиражы электронды форматқа көшірілгендігін де атап өтті. «Цифрлы Қазақстан» бағдарламасы аясында атқарылған ауқымды істің бірі болатын бұл жоба да қалың оқырманмен қатар, зерттеуші ғалымдар үшін аса қажетті ресурс.  

Мұның сыртында «Егемен Қазақстан» газеті «Egemen-академия» жобасын жүзеге асыруды жалғастырып, II маусымын бастайды. I маусымда белгілі медиаменеджерлер мен журналистердің қатысуымен 14 дәріс өтіп, 50 қатысушы студентке сертификат берілген болатын. Сонымен қатар, жаңа маусымда өңірлік баспасөз ұжымдары өзара тәжірибе алмасу үшін «Егеменге» келетінін айта кету керек. Олардың алғашқы легінде Қызылорда мен Шығыс Қазақстан облыстарының журналистері болады.

Мирас АСАН,

«Егемен Қазақстан»

СОҢҒЫ ЖАҢАЛЫҚТАР

17.10.2018

«Алтын тамыр» – аймақ тарихының айнасы

17.10.2018

Алтай сынды ұлы тауды ұлықтауға тиіспіз!

17.10.2018

Қазақ әдебиетінің антологиясы Мәскеуде жарық көреді

17.10.2018

Жолдау-2018: Мамандар пікірі

17.10.2018

«Парасат» цифрлы хабында болды

17.10.2018

Зауытты көбейтуге зауық жоқ па?

17.10.2018

Маман дайындаудағы маңызды қадам

17.10.2018

Еуроодақ мемлекеттерінің тұрмыс деңгейі нашарлаған

17.10.2018

Жастарға арналған халықаралық форум өтеді

17.10.2018

Бірқатар нысанды аралады

17.10.2018

Армения президенті үкіметтің отставкасын қабылдады

17.10.2018

Дэнис Кин: Алматыдағы мозаикаларды сақтап қалғым келеді

17.10.2018

Михаил Бортник пен Манап Көбенов аурухана ұжымымен жүздесті

17.10.2018

Әлихан Бөкейхановқа Санкт-Петербургте естелік тақта орнатылады

17.10.2018

Ауаны жаппай ластау көрінісі

17.10.2018

Эфиопиядағы үлкен өзгеріс

17.10.2018

Индонезиялық аралдың басынан бұлт арылмады

17.10.2018

Ош форумы

17.10.2018

Меңдешев білім алған мектеп 150 жылдығын атап өтті

17.10.2018

«Педагог мәртебесі туралы» заң қандай болуы керек?

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Urpaq azsa – ultqa qater

J.Aımaýytov pen M.Áýezov keıbir qazaq mineziniń minin, sol mindi kórip ósken balanyń jamandyqqa salynatynyn 1917 jyly «Alash» gazetinde jarıalaǵan maqalasynda: «Ultym», – dep oqyp shyqqandar halyq arasyna kelse, qaraıa bastaıdy» dep, artynan: «Saıyp kelgende, qazaqta qalyp turǵan ózgeshe minezder: tili aıtqandy qoly qylmaıtyn – turaqsyzdyq, uıymsyzdyq, basynan aspaıtyn – ózimshildik, ezdik» depti. 

Сұңғат ӘЛІПБАЙ, «Егемен Қазақстан»

Megapolıster múmkindigi

Elbasy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty jańa Joldaýynda elimizdiń aýmaqtyq damýyna jańa tásilder engizýdi qamtamasyz etý qajet ekendigin aıta kele: «Búginde jetekshi elderdiń ekonomıkasy kóbine jahandyq qalalar nemese megapolıster arqyly tanylady.

Жолдыбай БАЗАР, «Егемен Қазақстан»

Izgilikke shaqyrý iriliktiń belgisi

Bıylǵy 10-11 qazan kúnderi Astanada ótken Álemdik jáne dástúrli dinder kóshbasshylarynyń dástúrli siezi óziniń halyqaralyq aýqymdaǵy asa mańyzdy únqatysý alańy ekenin taǵy bir ret dáleldedi.

Арнұр АСҚАР, «Егемен Қазақстан»

Jer emgender oza ma, toza ma?

Jalpy, bizdiń halyqtyń arman-maqsatynyń bir ushyǵy qashan da jermen baılanysty sıaqty. Jerdi keńeıtý, jerdi qorǵaý, jerdi óńdeý, jerdi qurmetteý... Mentalıtetimiz jerge jaqyn. Bul basqa halyqtarda olaı emes degen sózimiz emes, biraq bizdiń halyq úshin tym erekshe sıaqty. 

Анар ТӨЛЕУХАНҚЫЗЫ, «Егемен Қазақстан»

Qatygezdik vırýsy

О́tken ǵasyrdyń 80-jyldary rejısser R.Bykovtyń «Chýchelo» atty fılmi Odaq kólemindegi búkil eldi shýlatqan bolatyn. Kishkentaı ǵana 6 oqıtyn balalardyń boıynan sonshalyqty qatygezdikti kórgen qazaq qaýymy, bálesinen aýlaq, qalada ósken ózge ulttyń qatybastary ábden buzylyp ba­rady eken, bizdiń balalarymyzdan, keleshegimizden aýlaq dep shoshyǵan. Ol kezde mundaı zulymdyq qazaq balasynda kezdespeıtin jat qylyq sanalatyn. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу