Спорт • 25 Қыркүйек, 2018

Жағажай волейболынан әлем чемпионатының іріктеу турнирі өтеді

318 рет
көрсетілді
1 мин
оқу үшін

Кеше Таиландтың Сатун қаласында жағажай волейболынан әлем чемпионатына іріктеу турнирі басталды.

Жағажай волейболынан әлем чемпионатының іріктеу турнирі өтеді

28 қыркүйекке дейін созылатын айтулы жарыс барысында 16 мемлекеттен келген ерлердің 37 және 12 елден келген әйелдердің 27 командасы бақ сынауда. Құрлықтық деңгейдегі осы бәсекелер барысында ең көп ұпай қорын жиған жұптар келесі жылдың сәуір айында өтетін іріктеу кезеңінің шешуші сатысында күш сынасу құрметіне ие болады. Ал сол турнирде алғашқы төрт орынды иеленген командалар Гамбургте жалауы желбірейтін әлем чемпионатына жолдама алады. 

Таиландта өтетін додада Қазақстанның үш ерлер және үш әйелдер жұбы өнер көрсетеді. Олар – Алексей Сидоренко мен Александр Дьяченко, Дмитрий Яковлев пен Сергей Богату, Алексей Кулешов пен Александр Бабичев, Татьяна Машкова мен Ирина Цимбалова, Бақытгүл Самаликова мен Елизавета Еропкина және Алина Раченко мен Кристина Жук.  

 

Ғалым СҮЛЕЙМЕН,

«Егемен Қазақстан»