Кездесуде халықтың әл-ауқатын арттыруға бағытталған мәселелер қызу талқыланды. Мәселен, депутат Елбасының Жолдауын жүзеге асыру мақсатында барша жұрт жұмыла жұмыс істеуі керек екендігіне тоқталды. Р.Әкімовтің пікірінше, экономика мен ауыл шаруашылығының барлық саласына жаңа технологияларды енгізу арқылы еңбек өнімділігін арттыруға болады.
Колледж директоры Қанат Сүйіндіков депутаттарға оқу сыныптары мен өндірістік шеберханаларды, материалдық-техникалық базаны көрсетіп, түлектерді жұмысқа орналастырудың жағдайы туралы айтып берді.
Кездесуге Астрахан ауданының әкімі Нұрлан Сейілов пен мәслихат хатшысы Мирам Қожахмет қатысты.
Байқал БАЙӘДІЛ,
«Егемен Қазақстан»
Ақмола облысы
