Алғашқы кезеңнің аяқталар тұсында «Барыс» ойыншысы Дмитрий Гурков есепті ашқан болатын. Алайда төреші бұл шайбаны есепке алмады. Бейне қайталау барысында елорда командасының ойыншысы шайбаны аяқпен соққаны белгілі болды. Сөйтіп ойындағы есеп екінші кезеңде бір-ақ ашылды. 31-минутта Дмитрий Шевченко «Барысты» есепте алға шығарса, арада алты минут өткенде Андре Петерссон есепті 2:0-ге жеткізді.
Үшінші кезеңді қонақ команда жылдам шабуылмен бастап, есепті қысқартуға мүмкіндік алды. Шайба авторы – Денис Осипов. Дегенмен 48-минутта Дастин Бойд ойындағы қорытынды шайбаны соғып, «Барысқа» жеңіс сыйлады.
Осы жеңісінен кейін астананың клубы ҚХЛ-дың Шығыс конференциясындағы жарыс кестесінде 6-орынға көтерілді. «Барыс» 18 кездесуден кейін 26 ұпай иеленіп отыр.
Дайындаған Әли БИТӨРЕ,
«Егемен Қазақстан»