Үкімет • 09 Қараша, 2018

Өмірзақ Шөкеев сауда және инновация форумына қатысты

407 рет
көрсетілді
2 мин
оқу үшін

Премьер-Министрдің орынбасары – Ауыл шаруашылығы министрі Өмірзақ Шөкеевтің Қытай Халық Республикасына жасаған сапары барысында Қытайдың Бас кеден басқармасының төрағасымен келесі 2 жылда, 2019-2020 жылдарға Қытайға экспорттайтын 20 жаңа ауылшаруашылығы өнімдерінің түрлері туралы Жол картасына қол қойылды.

Өмірзақ Шөкеев сауда және инновация форумына қатысты

Бүгінгі таңда 13 тауар түрі бойынша 13 хаттамаға қол қойылды, тағы үш хаттама Қазақстан Премьер-Министрінің ҚХР-ға ресми сапары кезінде қол қоюға келісілді.

Сапар барысында қазақстандық делегация 130-дан астам ел мен ұлтаралық компаниялар қатысатын «CHINA INTER­NATIONAL IMPORT EXPO» им­порттық тауарлардың халық­­аралық көр­месінде болды. Еліміз­­дің ұлт­тық павильонында 30-дан ас­­там ком­пания өнімдері ұсы­ныл­ған, олардың негізгі бөлігі азық-түлік өндірушілер.

«CHINA INTERNATIONAL IMPORT EXPO» көрмесі барысында Ө.Шөкеев «сауда және инновациялар» форумына қатысып, халықаралық көрме қонақ­тарының алдында баяндама жасады. Ви­це-премьер өз сөзінде Қазақстанның ауылшаруашылығын инвестициялаудың артық­шылықтары туралы айтып берді.

Сонымен қатар «сауда және инно­­ва­­циялар» форумында көрме­нің ұлт­тық делегацияларының бас­шы­лары, Еуро­одақ елдерінің премьер-ми­нистр­лері және министрлері, Экономи­ка­лық ынты­мақ­тастық және даму ұйымы­ның (ЭЫДҰ) басшылығы, сондай-ақ Microsoft және Ali­Baba компания­лары­ның негізін қалау­шылар сөз сөйледі. 

Көрме барысында Қазақстан Ауылша­руашылығы министрлігінің, «Қаз­Агро» АҚ басшылығының және об­лыс әкім­діктері өкілдерінің қаты­суымен Қытай мен Қазақстан іскер топтарының екі­жақты кездесулері өтті. «Qazaq capital partners» мен «Wu­deli Flour Group Co. LTD» арасында Ас­тана қаласында астық өңдеу жә­не кес­пе өндіру зауытын салу туралы ме­мо­рандумға қол қойылды. Қытай ком­па­нияларының өкілдері Қазақстан­ның ауылшаруашылығы саласына қызы­ғушылық танытып, инвес­тиция салуды жоспарлап отыр.

«Егемен-ақпарат»