Қысқы спорт • 17 Қаңтар, 2019

Галышева мен Рейхерд АҚШ-тағы әлем кубогі кезеңінде бақ сынайды

372 рет
көрсетілді
1 мин
оқу үшін

19 қаңтар күні АҚШ-тың Лейк-Плэсид қаласында фристайлдан әлем кубогінің төртінші кезеңі өтеді. Аталған сынға қазақстандық спортшылар да қатысады. Бұл туралы Ұлттық олимпиада комитетінің баспасөз қызметі хабарлады. 

Галышева мен Рейхерд АҚШ-тағы әлем кубогі кезеңінде бақ сынайды

Лейк-Плэсидте Қазақстан намысын Павел Колмаков, Александр Геберт, Дмитрий Рейхерд, Константин Горлачев, Олег Цинн, Юлия Галышева және Аяулым Әміренова қорғайды. 

Спортшылардың барлығы могулда бақ сынайтынын ескертеміз. 

Еске сала кетейік, Юлия Галышева осыған дейін өткен әлем кубогінің үш кезеңінде де жүлдеге ілікті. Финляндияның Рука қаласында күміс медаль иеленген ол Қытайда параллельді могулдан үздіктер үштігін тұйықтады. 

Ал Калгаридегі (Канада) үшінші кезеңде Галышева маусымдағы алғашқы жеңісін тойлады. Ол Олимпиада чемпионы Перрин Лафонды басып озып, алтыннан алқа таққан еді. 

Бүгінде әлем кубогінің жалпы есебінде Юлия Галышева франциялық спортшыға ғана есе жіберіп, екінші орында келеді. 

Ал ерлер арасында Дмитрий Рейхерд Қытайдағы әлем кубогінің қола медалін иеленді. Ол жалпы есепте алғашқы бестікке енді.

Еске сала кетейік, могулдан әлем кубогінің финалдық кезеңі 2-3 наурыз күндері Алматыдағы "Шымбұлақ" тау-шаңғы кешенінде өтеді.