Qazaqstanda akcïya kezinde 5,7 trln teñge zañdastırıldı

Akcïyağa elimizdiñ 140 mıñnan astam azamatı qatısqan. Barlığı 5,7 trln teñge zañdastırıldı, onıñ işinde  4,1 trln teñgesi – aqşalay, 1,6 trln teñgesi — mülik türinde. 151 mıñğa jwıq jıljımaytın mülik, sonımen qatar zañdı tulğalarğa qatıswdağı 213 üles zañdastırıldı. Bul twralı Ükimettiñ kezekti otırısında qarjı mïnïstri Baqıt Sultanov Qazaqstanda jürgizilgen zañdastırwdıñ aralıq nätïjeleri twralı esep berw barısında mälimdedi.

Spïkerdiñ aytwınşa, akcïyanıñ soñğı aylarında xalıqtıñ joğarı belsendiligi bayqaldı – 2016 jıldıñ törtinşi toqsanında qarajattıñ 53% zañdastırıldı.

El işinde 5 trln teñgege, şetelderde 0,7 trln teñgege aktïvter zañdastırıldı, onıñ işinde 614 mlrd teñgesi – aqşalay, 70 mlrd teñgesi – mülik türinde. Aqşanı zañdastırw üşin jalpı 11 821 esep aşıldı. Zañdastırılğan 151 mıñ jıljımaytın mülik nısanınan 9,5 mıñ nısan kommercïyalıq jıljımaytın mülik retinde esepke alınğan. 5,7 trln teñgeni zañdastırw negizgi ékonomïkalıq körsetkişterge qoldaw jasadı.

Qarjı mïnïstri atap ötkendey, 1,9 mlrd teñge bank esepşottarında qalıp otır. Bul bank qorlarınıñ jäne ékonomïkanı nesïelendirwdiñ qosımşa közi bolıp tabıladı. Azamattar 2,2 mlrd teñge kölemindegi zañdastırılğan aqşaların banktegi esepşottarınan şeşip alğan.  Bul qarajat ïnvestïcïyalar, tutınw nemese jïnaqtawğa jumsalğan. Atalğan jıljımaytın müliktiñ 1,6 mlrd teñgesi – nesïe alw üşin älewetti kepil mülik.

Jalpı, zañdastırw kölemi boyınşa köş basında Almatı (3 trln 981 mlrd teñge) men Astana (533 mlrd teñge) tur.

Eske sala keteyik, mülikti zañdastırw mäseleleri twralı zañ 2014 jıldıñ qırküyek ayınan bastap küşine endi. Keyinirek, jürgizilip jatqan akcïyanıñ dïnamïkasın jaqsartw maqsatında, Memleket basşısı mülikti zañdastırw şarttarın qayta qarastırıp, zañdastırw swb’’ektilerine qosımşa kepildikter usınw twralı tapsırma bergen bolatın. Qazaqstan Respwblïkasınıñ oğan säykes keletin Zañına 2015 jıldıñ 13 qaraşasında qol qoyılıp, 2015 jıldıñ jeltoqsan ayınan bastap küşine engen.

Aydarı
Jañalıqtar
Äli pikir jazılğan joq

Pikir jazw

*

*

2 × 2 =

PDF nusqağa jazılw
Gazettiñ PDF nusqasına jazılsañız kündelikti nömirdi é-poştañızğa jiberip otıramız.
Atıñız
É-poştañız
Murağat
qañtar 2017
MTWTFSS
« Жел  
 1
2345678
9101112131415
16171819202122
23242526272829
3031 
QR-kod

Osığan uqsas