Jastar arasında jumıssızdıq deñgeyi tömendedi

Ağımdağı jıldıñ 1 qañtarınan bastap küşine engen önimdi jumıspen qamtw jäne jappay käsipkerlikti damıtw jaña bağdarlamasında jastardı tegin oqıtw jäne olardı eñbekpen qamtwdıñ mümkindikterin qamtamasız etwdiñ negizgi täsilderi qarastırılğan. Bul twralı QR Ükimeti otırısında QR densawlıq saqtaw jäne älewmettik damw mïnïstri Tamara Düysenova ayttı.

«Jañartılğan bağdarlamada bastı nazar jappay oqıtw arqılı naqtı dağdılardı qalıptastırwğa awdarılğan. Oqıtılğandardıñ alğan dağdıları olardıñ jumısqa ornalasw nemese jeke isin aşw mümkindigin arttıradı. Buğan Jumıspen qamtw ortalıqtarı men burınğıday awıldarda ğana emes, qalalarda da şağın nesïelendirw quraldarın qoldanw keñeytilgen jappay käsipkerlikti damıtw şaraları ıqpal etetin boladı», — dedi T.Düysenova.

Bul mindetterdi jüzege asırw üşin üş negizgi bağıt anıqtalğan. Birinşiden, orta arnayı nemese joğarı oqw orındarına tüspey qalğan, bilimi joq 100 mıñğa jwıq jastarğa erekşe köñil bölinetin boladı. Olar texnïkalıq jäne käsiptik bilim bazasında alğaşqı jumıs käsibin tegin alw mümkindigine ïe boladı.

«Ekinşiden, jastardı jumıspen qamtw şaralarında käsibï bağdar berw jumıstarın uyımdastırw da qamtıladı. 2017 jılı QR BĞM birlesip barlıq jalpı bilim beretin mektepterde, JOO-lar men kolledjderde käsibï bağdar berw kabïnetteri iske qosıladı», — dedi mïnïstr.

Üşinşiden, bilim mekemelerin tämamdağan jastardı jumısqa ornalastırwda twındaytın kedergilerdiñ biri — eñbek ötiliniñ bolmawına baylanıstı «alğaşqı jumıs ornı» mäselesi. Onı şeşw üşin «jastar is-täjirïbesi» qurawışı saqtalatın boladı. Bul jas tülekterge memlekettiñ qoldawı esebinen jumıs dağdıların ïgerip, alğaşqı eñbek ötilin alwğa mümkindik beredi, al bul bolaşaqta turaqtı jumıs ornımen qamtılwına jol aşadı.

2016 jıldıñ qorıtındıları boyınşa jastar arasındağı jumıssızdıq deñgeyi 2001 jılmen salıstırğanda tört eseden asa tömendegen – 16%-dan 3,9% deyin. Sonımen qatar, onıñ deñgeyi elimiz boyınşa jumıssızdıqtıñ jalpı deñgeyinen birşama tömen. El turğındarınıñ jalpı sanına şaqqanda  14 jastan 29 jasqa deyingi jastardıñ ülesi olardıñ törtten birin nemese 4,1 mln adamdı quraydı. 

Aydarı
Jañalıqtar
Äli pikir jazılğan joq

Pikir jazw

*

*

2 × 1 =

PDF nusqağa jazılw
Gazettiñ PDF nusqasına jazılsañız kündelikti nömirdi é-poştañızğa jiberip otıramız.
Atıñız
É-poştañız
Murağat
qañtar 2017
MTWTFSS
« Жел  
 1
2345678
9101112131415
16171819202122
23242526272829
3031 
QR-kod

Osığan uqsas