«Täwelsizdik polyusi» ékspedïcïyası elge oraldı

11-01-17-saiakat

«Täwelsizdik polyusi» şañğı ékspedïcïyasınıñ qatıswşıları – Mağjan Sağımbaev, Ilïyas Ğalımbekov, Yurïy Yuşïn jäne Däwlet Şäripov Oñtüstik polyusten oraldı, dep xabarlaydı QazAqparat.

Oñtüstik polyusti bağındırwşılar şañğımen 217 şaqırımdı jürip ötti. Mağjan Sağımbaev pen Ilïyas Ğalımbekov Täwelsizdik küni merekesinde kök twımızdı Antarktïdanıñ eñ bïik nüktesi- Vïnson şıñına (4892 m) tikti. Tipti merekeni sayaxatşılar mäñgi muz basqan ölkede qarsı ala otırıp, qazaqstandıqtardı jer şarınıñ Oñtüstik polyusinen Jaña 2017 jılmen quttıqtadı.

Josparlanğanday, olar jerdiñ barlıq merïdïandarı toğısqan oñtüstik endiktiñ 90 gradws nüktesine 10 künde-aq jetti. Kündelikti polyarşılar 20 şaqırımnan jedel ilgerilep, komandanıñ müşeleri barlığın sanağanda Antarktïka dalasınıñ 217 şaqırımın jürip ötti.

Qazaq twı Soltüstik polyustiñ aspanında jelbiredi. Al, Qazaqstannıñ alğaşqı şañğı ékspedïcïyası Soltüstik polyusti bağındırıp, Jerdiñ eñ soltüstik nüktesine Qazaqstannıñ Memlekettik Twın jäne Qazaqstan xalqı Assambleyasınıñ jalawın qadadı.

Ayta keteyik, şañğı ékspedïcïyası Barneo — Soltüstik Polyus aralığın qamtıdı. Top 31 nawrızda Almatıdan Mäskewge, Mäskewden — Norvegïyanıñ Oslo qalasına, odan äri Longïyrge attanğan bolatın. Al 4 säwirde Longïyrden Barneo muzdı aérodromına uşıp barıp, sol jerden Soltüstik polyuske deyingi şañğı ékspedïcïyasın bastadı.

 

Aydarı
Jañalıqtar
Äli pikir jazılğan joq

Pikir jazw

*

*

8 − segiz =

QR-kod

Osığan uqsas