Däwren Abaev waqıtşa tirkew twralı pikir bildirdi

abaev

Qazaqstannıñ Aqparat jäne kommwnïkacïyalar mïnïstri Däwren Abaev eldegi qazirgi özekti mäseleniñ biri — azamattardı waqıtşa qonıs ornında tirkew mäselesin jeñildetw bağıtındağı şaralar twralı ayttı. Ol bul twralı öziniñ Feysbwktegi paraqşasında bılay dep jazdı:

Qımbattı dostar, soñğı künderi eñ köp talqılanğan mäseleniñ biri azamattardı mindetti türde waqıtşa tirkew norması bolğanı belgili.
Bul mäseleniñ qoğamda qızw talqılanıp, memorgandar tarapına birqatar sın aytılwına tüsinistikpen qarawğa boladı. Ökinişke qaray, keybir qajetti şaralardıñ der kezinde atqarılmawı körinis taptı.
Ärïne, Zañ qabıldanğan soñ, onıñ jüzege aswı şart. Endigi jerde bastı mindetimiz – azamattardıñ tirkewden ötwine barınşa qolaylı jağday jasaw.
Mine, osı maqsatta biz XQKO-lar qızmetkerleriniñ jumıs künin uzarttıq. Buğan qosa, olar azamattardı demalıs künderinde de, yağnï 7-8 qañtarda da qabıldadı. Ärïne, atalğan şara eñbek zañnaması saqtala otırıp, jüzege asırıldı.
Sonımen qatar, operacïya zaldarında köşi-qon polïcïyası qızmetkerlerine arnalğan jumıs orındarı köbeytilip, XQKO qızmetkerleriniñ awısım grafïgine özgertwler engizildi.
9 qañtardan bastap azamattardı jıljımaytın mülkiniñ ornalasqan ornına qaramastan tirkew mümkindigi qarastırılwda.
Xalıq tığız ornalasqan Almatı men Şımkent qalalarına mobïl’di XQKO-lar jiberildi. Olar äskerï bölimder men turğın sanı köp awdandardı qızmetpen qamtamasız etwde.
Tirkewge qatıstı barlıq suraqtarıñızdıñ jawabın Birıñğay baylanıs ortalığınıñ 1414 nömiri arqılı alwlarıñızğa boladı.
Ärïne, äli de birqatar mäselelerdiñ bar ekeni ras, olardı jaqın waqıtta rettew közdelwde.
Eñ aldımen, şamamen bir ay işinde «onlayn» rejïminde tirkelw mümkindigi qoljetimdi bolmaq.
Sonımen birge, azamattardan mindeti türde 2-forma boyınşa (jıljımaytın mülikke quqıq twralı) anıqtamanı talap etwdi alıp tastaw josparlanwda. Bul tirkelw procesin 2 esege deyin azaytar edi.
Mïnïstrlik XQKO-lardıñ mälimetter bazasına äkimdikterdiñ qoljetimdiligin qamtamasız etwdi usınıp otır. Bul äkimdikte järdemaqı räsimdewşi azamattardıñ qajetti anıqtamalardı sol jerden alwına mümkindik bermek. Osı qadam XQKO-lar jüktemesin azaytatını anıq.
Söz soñında, biz azamattardı qalıptasqan jağdayğa tüsinistikpen qarawğa şaqıramız. Al, Mïnïstrlik öz tarapınan mäselelerdiñ rettelwine küş salatın boladı.

Aydarı
ElJañalıqtar
Äli pikir jazılğan joq

Pikir jazw

*

*

eki × 2 =

QR-kod

Osığan uqsas