Almatı oqwşıları Wnïversïadağa baylanıstı 10 kün demaladı

Almatıda ötetin 28-inşi qısqı Wnïversïada oyındarına baylanıstı qaladağı 218 mıñ oqwşı kezekten tıs demalatın boldı, dep xabarladı Bilim jäne ğılım mïnïstrliginiñ baspasöz qızmeti.

«Almatıda sanawlı künderden keyin Dünïejüzilik qısqı Olïmpïada oyındarı bastaladı. Oñtüstik astana bul jarısqa jan-jaqtı dayındalıp jatır. Dayındıq bilim berw salasın da sırt aynalıp ötpedi. Atap aytsaq, Wnïversïada oyındarına baylanıstı Almatı qalasınıñ oqwşıları üşin 30 qañtar men 8 aqpan aralığında qosımşa demalıs beriledi», — delingen xabarlamada.

Xalıqaralıq jarıstar kezinde osınday şaralar özge elderde de qolğa alınğan. Baspasöz qızmetiniñ xabarlawınşa, demalısqa şıqqan oqwşılar dünïejüzilik stwdentter jarısın özderi barıp tamaşalay aladı.

«Almatı qalalıq bilim basqarmasınıñ xabarlawınşa, bul qosımşa kanïkwl Nawrız meyramı künderine äser etpeydi. Almatıdağı oqwşılar Qazaqstannıñ basqa oqwşılarımen birdey 24 nawrız ben 1 säwir aralığında oqwın jalğastırıp, 1 säwirde olarğa toqsandıq bağalar qoyıladı. 4 säwirde 4-şi toqsan bastaladı»,-dep naqtıladı derekköz. Xabarlanıp otırğanday, bul özgeris Almatıdağı joğarı oqw orındarı men kolledjderdiñ sabaqtar kestesine äser etpeydi.

Ayta keteyik, Almatıda 201 mektep bar, onda 218 mıñ oqwşı bilim aladı.

Aydarı
Jañalıqtar
Äli pikir jazılğan joq

Pikir jazw

*

*

1 × tört =

QR-kod

Osığan uqsas