Qazkom japonïyalıq tölem kartalarğa qızmet körsete bastadı

Dünïejüzilik qıs Wnïversïadanıñ qarsañında Qazkommercbank (QAZKOM) pen Japonïyadağı tölem kartalardıñ eñ iri émïtenti men ékvayeri sanalatın JCB Co., Ltd. (JCB) kompanïyası Qazaqstanda JCB kartalardı qabıldaw jobasın iske qostı, dep jazadı abctv.kz.

Visa jäne Master Card, sonday-aq China Union Pay (QXR), American Express pen Diners Club (AQŞ) tölem kartalarına qızmet körsetetin Qazkommercbank endi öziniñ ékvayrïngtik jelisi arqılı japondıq JCB jüyesiniñ tölem kartaların qabıldaytın boladı. Bul älemniñ türli elinen Wnïversïadağa keletin janküyerlerdiñ, solardıñ işinde japon elinen keletin qonaqtarğa jaylılıq beredi. Wnïversïadağa şaması 30 mıñ şeteldik twrïst keledi dep boljanğan.

«Biz türli xalıqaralıq tölem jüyelerimen ıntımaqtastıq qurwğa dayınbız jäne memlekettiñ Qazaqstannıñ twrïstik potencïalın damıtw umtılısın qoldaymız. Biz Wnïversïadanıñ, sonday-aq EXPO-2017-ge kelgen qonaqtarına özin erkin, äri jaylı sezinwge mümkindik berw üşin Qazkom-nıñ ékvayrïng jüyesiniñ mümkindigin keñeytwdi jalğastıramız», – dedi Qazkom-nıñ basqarwşı dïrektorı Nurlan Jağıparov.

Al, «JCB International Eurasia» JŞS-niñ bas dïrektorı Takaşï Swetswgw (Takashi Suetsugu) atalğan wağdalastıq Ortalıq Azïyada JCB kartaların qoldanw ayasınıñ keñeye tüsetinine senimdilik bildirdi.

«Bul aymaqtıñ JCB kompanïyası üşin strategïyalıq mañızı zor. Älem boyınşa JCB kartaların ustaytın paydalanwşılardıñ, äsirese Reseyden, Qıtaydan jäne Japonïyadan Qazaqstanğa keletin klïentterdiñ suranısın orındaydı. Bizdiñ qarım-qatınasımız Qazaqstanda kartalıq tölemder köleminiñ öswine jäne twrïzmniñ damwına oñ ıqpal etip, älem boyınşa JCB karta ustawşıları üşin öte qolaylı bolmaq», – dedi.

Qazkommercbanktiñ japondıq JCB jüyesimen qarım-qatınası Discover Financial Services kompanïyası arqılı ornadı. Atalğan kompanïya 2006 jıldan beri AQŞ-ta Discover jelisinde JCB kartalardıñ, al Japonïyada JCB jelisinde Discover kartalarınıñ qabıldanwın qamtamasız etedi.

Discover Financial Services kompanïyasınıñ fïlïalı — özara esep ayırıswmen aynalısatın Discover Global Network öz jelisinde Qazkommercbankke tïesili barlıq sawda jäne servïstik käsiporındarında JCB kartaların paydalanw üşin barlıq jağday jasaydı.

Bank üşin tölem jüyesiniñ jaña brendi retinde JCB-nıñ jelisine qosılwı narıqta jaña mümkindikterdi, al JCB kompanïyası üşin onıñ kartaların ustaytın 95,6 mln klïentke Qazaqstanda tölem jürgizgende kartanı paydalanwğa mümkindik beredi. Älemniñ 21 elinde şığarılğan barlıq JCB-kartaları endi Discover Global Network arqılı Qazaqstan aymağındağı «Qazkommercbanktiñ» AQ jelisinde qabıldanatın boladı.

Aydarı
Jañalıqtar
Äli pikir jazılğan joq

Pikir jazw

*

*

3 × 3 =

PDF nusqağa jazılw
Gazettiñ PDF nusqasına jazılsañız kündelikti nömirdi é-poştañızğa jiberip otıramız.
Atıñız
É-poştañız
Murağat
qañtar 2017
MTWTFSS
« Жел  
 1
2345678
9101112131415
16171819202122
23242526272829
3031 
QR-kod

Osığan uqsas