Astanadağı jaña vokzal mamır ayında paydalanwğa beriledi

Elordanıñ jaña temirjol vokzalı 2017 jıldıñ mamır ayında paydalanwğa beriledi. Bul twralı bügin QR Prem’er-Mïnïstriniñ birinşi orınbasarı Asqar Mamïnniñ törağalığımen Astana qalasınıñ jaña temirjol vokzalınıñ qurılısı jäne Astana stancïyasınıñ temirjol torabın damıtw mäseleleri boyınşa ötken köşpeli keñeste belgili boldı, dep xabarlaydı primeminister.kz.

Atalğan jobalardı iske asırw barısı jaylı «Qazaqstan temir jolı» UK» AQ basşısı Q. Alpısbaev bayandadı. Ol qazirgi tañda Astananıñ vokzal keşeniniñ jäne temirjol torabınıñ äzirligi 80% quraytının mälimdedi. Onıñ aytwınşa, vokzaldıñ karnïzderin qaptaw jumıstarı, vokzaldıñ jılıtılmaytın böliginiñ qasbetterin ärlew, awa almastırw jüyesin montajdaw, sırtqı élektrmen qamtw jumıstarı 90% ayaqtalğan.

2017 jıldıñ 1 mamırına qaray vokzal ğïmaratındağı lïftter men éskalatorlardı montajdaw, iske qosw jäne jöndew, töñirekti abattandırw jäne kögaldandırw, sonımen qatar ärlew jumıstarın ayaqtaw josparlanğan.

Elordanıñ jaña temirjol vokzalı awmağındağı ïnjenerlik kommwnïkacïyalar men jol qurılısı jumıstarınıñ barısı twralı Astana qalası äkiminiñ orınbasarı Q. Aytmuxametov esep berdi. Sonday-aq, merdiger uyımdardıñ basşılarınıñ qurılıs-montajdaw jumıstarın atqarw, jaña temirjol vokzalın paydalanwğa berw qızmetiniñ jumıstarı twralı esepteri tıñdaldı.

Atalğan nısan qurılısında şamamen 1 150 adam jumıs isteydi. Astananıñ jaña temirjol vokzalı täwligine 35 mıñ jolawşı ötkizedi dep josparlanwda.

 

Aydarı
Jañalıqtar
Äli pikir jazılğan joq

Pikir jazw

*

*

on + 13 =

QR-kod

Osığan uqsas