​Айбынды армия – ел қалқаны

Осыдан 25 жыл бұрын, яғни 1992 жылы 7 мамырда Президент Нұрсұлтан Назарбаевтың «Қазақстан Респуб­ликасының Қарулы Күштерін құру туралы» Жарлығына сай дербес әскері­міз құрылды. Содан бері де, міне, ширек ғасыр уақыт өте шықты.
Егемен Қазақстан
29.03.2017 3723
2

Осы жыл­дар ішінде Қарулы Күштеріміздің сапасы мен салмағы артып, қай бағыт­та болсын жан-жақты дамып, барлық қырынан сақадай-сай әзірлікке қол жеткізілді.

Сол бір өткен ғасырдың тоқса­нын­шы жылдарына сәл шегініс жасап, оқиғалар легіне көз салсақ, Қазақ­станның Мемлекеттік тәуелсіздігін алуына байланысты, оның алдына өткір, бірақ өмірлік маңызы зор мін­дет – өзінің Қарулы Күштерін жаңа­дан құру міндеті қойылды.

Елбасы: «Ішкі және сыртқы саясаттың құры­лы­мындағы негізгі іргетас – қауіп­сіз­дікті қамтамасыз ету. Сондықтан, бізге ел егемендігін қорғау мүддесі үшін кез келген қатерге төтеп бере ала­тын, сапасы зор заманауи әскер қажет», деген болатын.

Қазақстан Президентінің 1991 жылдың 25 қазанындағы Жарлығымен Қазақ КСР Мемлекеттік қорғаныс ко­митеті құрылды. Көп ұзамай ол Қазақстан Республикасының Қор­ғаныс министрлігі болып аталды. Тәуел­сіз елдің заңдық құқықтарының негіз­деріне және Тәуелсіз Мемле­кеттер Достастығына қатысушы мем­лекеттер арасындағы қол жеткен келісімдерге байланысты Пре­зи­денттің 1992 жылдың 7 мамырындағы Жарлығы бойынша Қазақстан аумағында орналасқан Қарулы Күш­тер өздерінің мүліктерімен қоса Ота­нымыздың қарауына өтті. Жоғарғы Бас қолбасшы ретінде Қарулы Күш­терді басқаруды Президент өз қолына алды, ал Қазақстанның тұңғыш Қор­ғаныс министрі болып генерал-полковник Сағадат Нұрмағамбетов тағайындалды.

Министрліктің міндеті

Осылайша Тәуелсіз Қазақстанның жаңадан құрылған Қарулы Күштерінің жаңа жолы басталды. Бірақ бұл тек бас­тау еді. Рухы биік елдің айбыны асқақ Қарулы Күштері атына заты сай болуы керек. Оған, жоғарыда айтқанымыздай, мүмкіндік аз еді. Кейін Елбасы осы жағдайды былай деп еске алды: «1992 жылғы 7 мамырда менің Жарлығыммен Қазақстан Республикасының Қарулы Күштері құрылған болатын. Бұл салада біз барлығын жаңадан бастаған едік: штаттық кесте бойынша офицерлердің 40-45 па­йызы ғана қалған; әскерлерді басқарудың бірыңғай жүйесі жоқ; ескірген техникаға толы қоймалар; тәжірибелі ұшқыштар мен отынның жоқтығынан ұшпай тұрған ұшақтар; берекесі кеткен әуе шабуылына қарсы қорғаныс жүйесі ғана бар еді».

Расында, еліміздің кең-байтақ жерінде көптеген әскери база, небір құрамалар мен бөлімдер бар еді. Бірақ Елбасы айтқандай, олар қираудың аз-ақ алдында тұрды. Содан, Елбасының ерен күш-жігерінің арқасында аталған базаларда – Құрлық әскерлерін; әуе армиясының аралас авиациялық корпусының базасында – Әскери-әуе күштерін; әуе шабуылына қарсы қорғаныс корпусының құрамалары мен бөлімдерінің базасында осы аттас әскерлерді құруға мүмкіндік туды. Сөйтіп, Қазақстан армиясы Құрлық әскерлері, Әскери-әуе күштері, Әуе шабуылына қарсы қорғаныс әскерлері мен Әскери-теңіз күштері секілді дәстүрлі төрт түрінен тұрды.

1992-1998 жылдары Тәуелсіз Қазақ­стан­ның Қарулы Күштері қайта құрылды, ал 1999 жылдан оны жасақтаудың түбе­гей­лі реформасы басталды.

Күшіне енген заңнамалық құжат негі­зінде құрылған Қорғаныс министрлігі қор­ғаныс саласындағы мемлекеттік сая­сат­ты, сондай-ақ, Қазақстан Республи­ка­сының Қарулы Күштеріне басшылық жасауды жүзеге асыратын орталық атқа­рушы орган. Бүгін­де бұл министрлік өз қызметін ел Конс­ти­туциясы мен заңдарына, Қазақстан Рес­публикасы Президентінің және Үкі­метінің актілеріне, өзге де нормативтік-құқықтық актілерге сәйкес жүзеге асыруда. Сонымен қатар, аталған ведомство мемлекеттік мекеменің ұйымдық-құқық­тық нысанындағы заңды тұлға саналады.

Еліміздің Әскери доктринасында жазылғандай, Қарулы Күштердің бас­шы­лығы бейбіт уақытта Қазақстан Респуб­ликасы Қарулы Күштерінің Бас штабы арқылы басқарылады. Сонымен қатар, бұл ведомство мемлекеттің қорға­нысымен, Қарулы Күштер, басқа әс­керлер мен әскери тектердің құрылыс және даму тұжырымдамасын әзірлеу және Үкіметте бірыңғай әскери-техни­ка­лық саясатты жүргізумен байланысты міндеттерді де жүзеге асырады. Оған қоса, мемлекеттік қор­ғаныс тапсырыс пен қорғаныс үшін қажетті қаражат бөлу туралы ұсыныстарды әзір­леумен айналысады. Қарулы Күштерді мате­риалдық-техникалық тұрғыда қамта­ма­сыз етіп, қорғаныс мәселелерінде оның мемлекеттік органдармен өзара әрекет­тесуін ұйымдастырады.

Аэроұтқыр әскерлері

Анығында, Қарулы Күштердің Бас штабы мемлекеттің Қарулы Күштерін бейбіт уақытта және соғыс кезінде басқаратын басты орган болғандықтан, басқа әскерлер мен әскери құрамалардың жауынгерлік мобилизациялық даярлық жоспарын әзірлеуді де үйлестіреді. Сондықтан да қорғаныс мүддесінде мемлекет аумағының жедел жабдықталу жос­парын жасайды. Осы негізде еліміз Қарулы Күштерінің құрылымы сан салаға жіктел­ген. Соның бірі – Аэроұтқыр әскерлері. Бұл Қарулы Күштер санатындағы Жоғарғы Бас қолбасшының резерві.

Мақсат-міндеті әскери-саяси жағдай­лар­дың күрт өзгеруі кезіндегі дағдарысты жедел шешуге және мемлекеттің ұлттық мүддесін қорғауда кенеттен туындаған жағдайларды орындауға, операция бағытына әскерлерді топтастыруды нығайтуға арналған. Сондай-ақ, ел ішінде және сырт жерлерде бейбітшілік пен тұрақ­тылықты қолдау мақсатындағы Қазақ­стан Республикасының халықаралық міндет­терін орындауға қатыса алады. Бейбіт және соғыс жағдайында қауіп төнген ба­ғыттар мен аудандарға шұғыл жетуге және кенеттен туындаған тапсырмалар­ды орындауға әрдайым дайын тұрады. Олар­дың құрамына десантты-шабуылдаушы бөлім­шелер, бөлімдер мен құрамалар, сон­дай-ақ, арнайы бөлімдер, тыл және техни­калық қамтамасыз ету бөлімдері кіреді.

Аэроұтқыр әскерлерінің арнайы мақсаттағы дербес инженерлік-саперлік жасағы 2003-2008 жылдар аралығында Ирак Республикасында бейбітшілік және қауіп­­сіздікті сақтау бойынша Коали­ция­лық күштер құрамында бітімгершілік мис­сияны атқарғанын да көзіқарақты оқыр­мандар ұмыта қоймаған болар. Өз кезе­гін­де бітімгершілеріміздің кәсібилігі мен жау­ынгерлік шеберлігі шет мемлекеттер мен Коалициялық күштердің қолбасшылығы тарапынан жоғары бағаланды.

Құрлық әскерлері

«Қазақстан Республикасы Қарулы Күштерінің Құрлық әскерлері Бас қолбас­шысының басқармасы» мемлекеттік мекемесі Қазақстан Республикасы Үкіметінің 2009 жылғы 20 сәуірдегі №554 қаулысы, сондай-ақ, Қазақстан Респуб­ликасы Қорғаныс министрінің 2009 жылғы 20 сәуірдегі №145 бұйрығына сәйкес құ­рылды. Ал 1993 жылғы 9 сәуірдегі «Қа­зақ­стан Республикасының қорғанысы және Қарулы Күштері туралы» Қазақстан Рес­публикасы Заңының 12-бабына сәйкес, құрлық әскерлері әскери басқару органдары, өңірлік қолбасшылықтар, әскер тектері, арнайы әскерлер, тыл, оқу және резервтегі бөлімдерден тұрады.

Енді осы Құрлық әскерлерінің негізгі тапсырмаларына қандай міндеттер мен құзыреттер кіреді деген мәселеге келер болсақ, олар мыналар: Агрессияға тойтарыс беру үшін әскерлердің әзірлігіне қолдау көрсете отырып, еліміздің егемендігі мен аумақтық тұтастығын, мемлекеттік және әскери объектілерді, мемлекеттік шекараның құрлықтағы бөлігін қорғау, сондай-ақ, бітімгерлік және басқа да тапсырмаларды орындау.

Қарулы Күштердің құрылымдық ерекшелігі бірнеше сатыдан тұратындығын да айта кетейік: «Астана», «Шығыс», «Оң­түстік» және «Батыс» өңірлік қолбас­шылықтары.

«Астана» өңірлік қолбасшылығы Ақмола, Қарағанды, Қостанай және Сол­түстік Қазақстан облыстары әкім­шілік шекараларында орналасқан. Қолбасшылықтың штабы Қарағанды қаласында орын тепкен. Өңірлік қолбасшылық құрамына орталық бағыныштағы және Әуе қорғанысы күштерінің бөлімдерінен басқа шекаралық шектегі әскери бөлімдер кіреді. «Астана» өңірлік қолбасшылығы – Жоғарғы Бас қолбасшының Қарулы Күштердегі резерві.

«Шығыс» өңірлік қолбасшылығы 2003 жылы құрылған. Шығыс Қазақстан және Павлодар облыстарының әкімшілік шекараларында орналасқан. Қолбасшылық штабы Семей қаласында орын тепкен.

Өңірлік қолбасшылық құрамына орталық бағыныштағы және Әуе қор­ғанысы күштерінің бөлімдерінен басқа ше­ка­ралық шектегі әскери бөлімдер кіреді. Басты міндеті – мемлекеттің шығыс шебіндегі қауіпсіздігін қамтамасыз ету.

«Оңтүстік» өңірлік қолбасшылығы 2003 жылы құрылған. Алматы, Жамбыл, Оңтүс­тік Қазақстан және Қызылорда облыс­тарында әкімшілік тұрғыда шекаралан­дырылған. Штаб қолбасшылығы Тараз қаласында орналасқан. Өңірлік қолбас­шылық құрамына орталық бағыныштағы және Әуе қорғанысы күштерінің бөлім­дерінен басқа шекаралық шектегі әскери бө­лім­дер кіреді. «Оңтүстік» өңірлік қолбас­шылығының басты міндеті – еліміз­дің оңтүстік-шығыс аймағындағы қауіпсіздігін қамтамасыз ету.

«Батыс» өңірлік қолбасшылығы да 2003 жылы құрылған. Батыс Қазақстан, Ақ­төбе, Атырау және Маңғыстау облыс­тарының әкімшілік шекараларында орна­ласқан. Қолбасшылықтың штабы – Аты­рау қаласында. Өңірлік қолбасшылық құрамына орталық бағыныштағы және Әуе қорғанысы күштерінің бөлімдерінен басқа шекаралық шектегі әскери бөлімдер кіреді. Өңірлік қолбасшылықтың басты міндеті – мемлекет шекарасының қауіпсіздігін, шекараның тұтастығын, егемендігін толық қамтамасыз ету және Каспий теңізі секторында Қазақстан Республикасының экономикалық мүддесін қорғау.

Әскери саланың әлеуеті немесе жаңаша көзқарас

Тарих қойнауында қалған тәуелсіз Қа­зақ­станның нарықтық қиын-қыстау кезең­дерден аман-есен өтуі мемлекет құру жолындағы түйінді мәселелердің түпкі­лікті тарқатылуы емес еді. Елдігімізді сақтаудағы ең негізгі сала – ішкі-сырт­қы қорғаныстағы әскери салаға қатысты саясат болды. Мемлекет басшысы Н.Назарбаевтың жетекшілігімен Қазақ­стан­ның қорғаныс саласында жағдайды жақсартуға бағытталған ауқымды жоспар-жобалар қолға алынып жатты. Себебі, ғасыр ауысқан шақтардағы әскери сала­ның әлеуеті көрші елдерден көш кейін қалып қойғаны белгілі еді. Нақтылай түскенде, құрыш танктердің 90-95 па­йызы, артиллериялық жүйелердің 90 па­йызы, әскери мақсатта пайдаланылатын ұшақтардың 70 пайызы, тікұшақтардың 80 пайызы жөндеу жұмыстарын жүргі­зуді қажет етті. Осы секілді күрделі мәсе­ле­лер­дің болғандығына көз жеткізу үшін 2000 жылдың қараша айындағы есеп-қисап кезінде Спасск әскери базасындағы 1 515 шынжыр табанды техниканың 34-і ғана іске жарамды болды дегенге біреу сенсе, біреу сенбес.

Сонымен қатар, осы кезеңдерде әс­кер­ді мақсатты қаржыландыру жүйесі де қа­лыптаспаған болатын. Өйткені, нарықтық экономикадағы даму көрсеткіштеріміз әскери шығындарды жоспарлаудың жиынтық нормасымен сәйкеспеді. Сон­дықтан да, елде сол кезеңдерде әскери реформаны жүзеге асырудың сәті келмеді. Салдарынан материалдық қажеттілік қорда сақтаған дүниелер есебінен өтеліп, ол таусылған аймақтарда әскери дайын­дықтар тоқтап тұрды. Бұл, әсіресе, елі­міздің әскери-әуе күштеріне өте ауыр тиді. Әскери ұшқыштардың ұшу сағат­тары кеміп, оның соңы жазғы ұшу құра­мының жойылуына әкеліп соқтырды. Осы секілді олқылықтар әсерінен Қарулы Күш­тердің кадрлық әлеуеті әлсіреп, офицер­лік құрамның 50 пайызында ғана талап­қа сай білімдері болды. Сөйтіп, офи­церлік құрамды тиісті мамандармен толық­тыра алмағандықтан, ұлттық әскери жүйе жасақтау мүмкіндігі шектелді.

Взвод, роталық деңгейде де офицерлік құрамның қалыптаспауы, жауынгерлік даярлықтың төмендігі жағдайдың одан сайын күрделі екендігін көрсетті. Сол ке­з­ең­дерде Ішкі әскердегі 4 мыңға жуық же­дел бөлімдердегі әскери қызметкерлер (бұл жал­пы штаттың 17 пайызы) заңсыз қару-жа­раққа қарсы күресу жұмыстарына жегілді.

Қорғаныс министрлігінің алдында қалыптасқан осындай жағдайға қара­май, әскери саясатты жақсарту міндеті тұрды. Қатаң түрде қайта есепке алу жұмы­сы қолға алынып, әскери дайындық пен әс­кери құрылымдарды пысықтап, қаржы­ландыруды қамтамасыз ету тетігі жедел іске қосылды. Мемлекет басшысының мұқият бақылауымен бұл міндеттер де мінсіз орындалды. Еліміздің әскери ұйымдарына реформа жүргізіліп, әскери қауіпсіздік саясаты қайта қаралды. Оның алғашқы жарқын көрінісі 1999 жылдың желтоқсанында жария болды. Ол – Ұлттық қауіпсіздік стратегиясының қабылдануы еді. Бұл құжат расымен де Қазақстанның ұлттық қауіпсіздігін бекемдеп, қорғаныс саласындағы саясаттың күрт жақсаруының жаңа кезеңін көрсетті.

Оның жарқын келбетін біз араға он жыл салып, Қазақстан Қарулы Күштері туралы пікір білдірген шетелдік сараптамалық жарияланымдардан анық аңғарамыз. Себебі, Орталық Азия өңірі мен посткеңестік елдер аймағы бойынша әскери қуаты жағынан біздің ел 2009 жылдың қорытындысында «же­текші үштікке» енген болатын. Бұл жай ғана сәйкестік емес еді. Осы кезең­дерде Қарулы Күштерді ұстап тұру арқылы елдің әскери қауіпсіздігін қамтамасыз ету мемлекеттің басты қағидасына айналды. Осындай мақсат, міндеттің арқасында әскери дайындыққа көңіл бөлу қарқыны күрт өсті. Мысалы, сол кездері бір ғана жылдың ішінде 52 түрлі ауқымдағы оқу-жаттығу шаралары ұйымдастырылды. Бұл 2008 жылмен салыстырғанда бір жарым есеге артық көрсеткіш еді. Ал енді оның бірқатарын атап өтсек, «Әскери әріптестік», «Әуе күштері», «Дала қыраны» сынды сарбаздар дайындығын шыңдау шаралары болатын. Осы орайда, Мәтібұлақ полигонында ҰҚШҰ (Ұжымдық қауіпсіздік туралы шарт ұйымы) аясында халықаралық деңгейде ұйымдастырылған «Бірлескен әрекет-2009» оқу-жаттығуы да өте жоғары деңгейде өткен еді.

Александр ТАСБОЛАТОВ,

Нұрлыбек ДОСЫБАЙ,

"Егемен Қазақстан"

Суреттерді түсірген

Ерлан ОМАРОВ,

«Егемен Қазақстан»


СОҢҒЫ ЖАҢАЛЫҚТАР

19.02.2019

Сенаторлар мемлекеттік-жекешелік әріптестік жобаларын іске асыру мәселелерін талқылады

19.02.2019

56 ауылды елді мекен сапалы интернетпен қамтылды

19.02.2019

«Сергек» жобасы жол көлік оқиғаларының санын 15%-ға төмендетті

19.02.2019

Астанада шахматтан Әлем чемпионаты өтеді

19.02.2019

Халық сауалы жауапсыз қалмайды

19.02.2019

Қызылордада алаяқтар азаймай тұр

19.02.2019

Астана әкімдігінде тұрғын үй кезегінде тұрған азаматтар санының өсу себептері түсіндірілді

19.02.2019

Жеке клиникалардың белсенділігі жоғары

19.02.2019

«Алтын жауынгер» анимациялық фильмі жарыққа шығады

19.02.2019

Оразалы Досбосынов атындағы аудитория ашылды

19.02.2019

Шетелмен әріптестік нығайып келеді

19.02.2019

«Смарт-Астана» қосымшасының жаңа сервистеріне қатысты мәселелер талқыланды

19.02.2019

Дәурен Сүйеукенов: дзюдодан Еуропа кубогінде ел чемпионатындағы есемді қайтардым

19.02.2019

Әлия Юсупова Гран-при кезеңі мен Будапешттегі халықаралық турнирді қорытындылады

19.02.2019

Ішкі істер министрі Е. Тұрғымбаев батыр баламен кездесті

19.02.2019

Жер жаһанды шарлаған Мағжан

19.02.2019

Қарағандыда 24 000 жер үйге газ құбыры тартылады

19.02.2019

Абылайхан Жүсіпов Софиядағы турнирдің күміс жүлдегері атанды

19.02.2019

Елбасы «Лукойл» мұнай компаниясының президентімен кездесті

19.02.2019

Қарағандыда биыл қандай жолдар жөнделеді

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

ҰҚСАС ЖАҢАЛЫҚТАР

Тағы да оқу

Пікір қосу