​Бүгін хоккейден Қазақстан құрамасы Венгриямен кездеседі

Бүгін хоккейден Қазақстан ұлттық құрамасы Украинаның Киев қаласында өтіп жатқан бірінші дивизион командалары арасындағы әлем чемпионатында Венгрия құрамасымен кездеседі. Бұл топтағы ең соңғы ойын. Матчты Астана уақыты бойынша 16:30-да KazSport арнасы көрсетеді. Осыған дейін жерлестеріміз үш ойында басым түссе, біреуінде жеңілген болатын.
Егемен Қазақстан
28.04.2017 11951
2

Алғашқы матчта Қазақстан құрамасы Австрия командасымен күш сынасып, 3:2 есебімен жеңіске жетті. 

Матчтың бірінші кезеңі жерлестеріміз үшін ойдағыдай өтті. 9-минутта Найджел Доус есеп ашса, араға алты минут салып дубль жасады. Екінші кезеңде австриялықтар қарқындарын күшейтіп, таразы басын теңестіріп кетті. Алдымен, Константин Комарек 25-минутта есеп айырмасын қысқартса, 38-минутта Томас Раффль таблодағы көрсеткішті 2:2-ге жеткізді. Дегенмен, соңғы бөлікте Эдуард Занковец шәкірттері намысқа басып, жеңісті еншіледі. 44-минутта Владимир Маркелов жеңісті шайбаның авторы атанды.

Осыдан кейін отандастарымыз Оңтүстік Кореямен кездесті. Бірақ бұл кездесу сәтті аяқтала қоймады. Қорытынды есеп 2:5.

Кездесудің 8-минутында Қазақстан құрамасы сапынан Брэндон Боченски есеп ашса, 16-минутта Ан Йин Ху таразы басын теңестіріп кетті. Матчтың келесі бөлігінде Найджел Доус мергендігімен танылып, команданы алға шығарған еді. Алайда, соңғы кезеңде оңтүстіккореялықтардың шабуылына қарсылық таныта алмай, айналасы алты минуттың ішінде төрт бірдей гол жіберіп алды. Оларды Алекс Плант (46, 50-минуттар), Шин Сан Хун (47-минут), Ким Кисун (52-минут) салды.

Жерлестеріміз Оңтүстік Кореяда кеткен есені Польшадан қайтару үшін барын салды. Бұл ойында гол соғылатын мүмкіндіктер болғанмен, жалғыз әрі жеңісті гол овертайм кезінде ғана соғылды. Оны 62-минутта Кевин Даллмэн салды. Есеп 1:0, ұлттық құрамамыз жеңіске жетті.

Қазақстан құрамасы осыдан кейін Украинамен сынға түсті. Төрешінің «ә» дегенінен алға ұмтылған Эдуар Занковец шәкірттері 4-минутта есеп ашып үлгерді. Оны Найджел Доус еншісіне жазды. Кезеңнің аяқталуына санаулы секундтар қалғанда Мартен Сен-Пьер басымдықты арттыра түсті.

Отандастарымыз алғашында тегеурінді көрінгенмен, екінші кезеңде осалдық танытты. Бар-жоғы екі минутта екі бірдей шайба жіберіп алды. 35-минутта Дмитрий Нименко есеп айырмасын қысқартса, бірер минуттан кейін Сергей Бабинец есепті 2:2-ге жеткізді.

Үшінші кезеңде жанкүйерлер жан алысып, жан беріскен ойынның куәсі болды. Қос команда жеңіске жету үшін аянып қалмады. Дегенмен, бұл тұста жерлестеріміз үстем болып, екі шайба соғып кетті. 42-минутта Никита Михайлис Украина қақпасын дәл көздесе, 57-минутта Брэндон Боченски соңғы нүктені қойды. Қорытынды есеп 4:2.

Украина құрамасы осы жеңілісінен кейін дивизиондағы орнын сақтап қала алмады. Олардың еншісінде нөл ұпай. Осы себепті келесі жылы олар 1В дивизионына түседі.

Қазіргі уақытта Австрия 9 ұпаймен топта көш бастап тұрса, дәл осындай ұпаймен Оңтүстік Корея екінші келеді. Үшінші орында – Қазақстан құрамасы, еншісінде 8 ұпай бар. Төртінші – Польша (7 ұпай), бесінші – Венгрия (3 ұпай), алтыншы – Украина (0 ұпай)

Мұндай ірі жарыста әрбір ойынның маңызы жоғары. Әлем чемпионатының элиталық кезеңіне топта бірінші және екінші орын алған командалар ғана шығады.

Айта кетейік, Қазақстан құрамасы осыған дейін әлем біріншілігіне сегіз рет қатысқан (1998, 2004, 2005, 2006, 2010, 2012, 2014, 2016).

Биыл әлем чемпионаты Франция (Париж) мен Германия (Кельн) елдерінде 5-21 мамыр күндері өтеді. Бүгінге дейін мұндай ірі жарысты Франция төрт рет өткізсе, Германияда жеті мәрте ұйымдастырылған.

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу