​Қазақстан Республикасы Үкіметінің қаулысы

«Жекешелендірудің 2016-2020 жылдарға арналған кейбір мәселелері туралы» Қазақстан Республикасы Үкіметінің 2015 жылғы 30 желтоқсандағы №1141 қаулысына өзгеріс енгізу туралы
Егемен Қазақстан
28.03.2017 3325
2

2016 жылғы 23 желтоқсан              №837              Астана, Үкімет Үйі

Қазақстан Республикасының Үкіметі қаулы етеді:

1. «Жекешелендірудің 2016 - 2020 жылдарға арналған кейбір мәселелері туралы» Қазақстан Республикасы Үкіметінің 2015 жылғы 30 желтоқсандағы №1141 қаулысына (Қазақстан Республикасының ПҮАЖ-ы, 2015 ж., №77-78- 79, 588-құжат) мынадай өзгеріс енгізілсін:

көрсетілген қаулыға 4-қосымшада:

«ҚазМұнайГаз» ұлттық компаниясы» акционерлік қоғамы» деген бөлімде:

реттік нөмірі 51-жол алып тасталсын.

2. Осы қаулы қол қойылған күнінен бастап қолданысқа енгізіледі және ресми жариялануға тиіс.


Қазақстан Республикасының Премьер-Министрі Б.САҒЫНТАЕВ


Қазақстан Республикасы Үкіметінің қаулысы


2016 жылғы 23 желтоқсан №838 Астана, Үкімет Үйі


«Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларын және Көші-қон бақылауын жүзеге асыру, сондай-ақ Қазақстан Республикасының Мемлекеттік шекарасынан заңсыз өтетін, Қазақстан Республикасының аумағында заңсыз болатын шетелдіктер мен азаматтығы жоқ адамдарды, сондай-ақ Қазақстан Республикасының аумағына келуге тыйым салынған адамдарды есепке алу қағидаларын бекіту туралы» Қазақстан Республикасы Үкіметінің 2012 жылғы

21 қаңтардағы №148 қаулысына өзгерістер енгізу туралы


«Астана» халықаралық қаржы орталығы туралы» 2015 жылғы 7 желтоқсандағы Қазақстан Республикасы Конституциялық заңының 7-бабының 5-тармағына және «Халықтың көші-қоны туралы» 2011 жылғы 22 шілдедегі Қазақстан Республикасы Заңының 8-бабының 7) тармақшасына сәйкес Қазақстан Республикасының Үкіметі қаулы етеді:

1. «Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларын және Көші-қон бақылауын жүзеге асыру, сондай-ақ Қазақстан Республикасының Мемлекеттік шекарасынан заңсыз өтетін, Қазақстан Республикасының аумағында заңсыз болатын шетелдіктер мен азаматтығы жоқ адамдарды, сондай-ақ Қазақстан Республикасының аумағына келуге тыйым салынған адамдарды есепке алу қағидаларын бекіту туралы» Қазақстан Республикасы Үкіметінің 2012 жылғы 21 қаңтардағы №148 қаулысына (Қазақстан Республикасының ПҮАЖ-ы, 2012 ж., №29, 388-құжат) мынадай өзгерістер енгізілсін:

көрсетілген қаулымен бекітілген Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларында:

1-тармақ мынадай редакцияда жазылсын:

«1. Осы Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидалары (бұдан әрі - Қағидалар) Қазақстан Республикасының Конституциясына, «Астана» халықаралық қаржы орталығы туралы» 2015 жылғы 7 желтоқсандағы Қазақстан Республикасы­ның Конституциялық заңына, Қазақстан Республикасының «Халықтың көші-қоны туралы» 2011 жылғы 22 шілдедегі, «Шетелдіктердің құқықтық жағдайы туралы» 1995 жылғы 19 маусымдағы заңдарына сәйкес әзірленді және көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің тәртібін айқындайды.»;

17 және 18-тармақтар мынадай редакцияда жазылсын:

«17. Егер Қазақстан Республикасында болу кезеңі Қазақстан Республикасының Мемлекеттік шекарасын кесіп өткен кезден бастап күнтізбелік отыз күннен аспаса, Аустралия Одағы, Америка Құрама Штаттары, Аустрия Республикасы, Бельгия Корольдігі, Болгария Республикасы, Біріккен Араб Әмірліктері, Германия Федеративтік Республикасы, Грек Республикасы, Дания Корольдігі, Жаңа Зеландия, Жапония, Израиль Мемлекеті, Ирландия Республикасы, Исландия Республикасы, Испания Корольдігі, Италия Республикасы, Канада, Кипр Республикасы, Корея Республикасы, Латвия Республикасы, Литва Республикасы, Люксембург Ұлы Герцогтігі, Мажарстан, Малайзия, Мальта Республикасы, Мексика Құрама Штаттары, Монако Князьдігі, Нидерланд Корольдігі, Норвегия Корольдігі, Польша Республикасы, Португалия Республикасы, Румыния, Сингапур Республикасы, Словак Республикасы, Словения Республикасы, Түркия Республикасы, Ұлыбритания мен Солтүстік Ирландия Құрама Корольдігі, Финляндия Республикасы, Француз Республикасы, Хорватия Республикасы, Чех Республикасы, Чили Республикасы, Швейцария Конфедерациясы, Швеция Корольдігі және Эстония Республикасы азаматтары Қазақстан Республикасына визасыз келеді және Қазақстан Республикасынан визасыз кетеді.

18. Осы Қағидалардың 17-тармағында көрсетілген мемлекеттердің азаматтары Қазақстан Республикасының аумағында іскерлік мақсатта болуын күнтізбелік отыз күннен артық ұзарту туралы өтініш берген кезде, Қазақстан Республикасының ішкі істер органдары күнтізбелік отыз күнге дейінгі мерзімге «іскерлік» санатындағгы бірмәртелік визаларды беруді жүзеге асырады.».

2. Қазақстан Республикасының Сыртқы істер министрлігі Қазақстан Республикасы Үкіметінің 2012 жылғы 21 қаңтардағы №148 қаулысымен бекітілген Көшіп келушілердің Қазақстан Республикасына келуінің және онда болуының, сондай-ақ олардың Қазақстан Республикасынан кетуінің қағидаларында көрсетілген мемлекеттерге дипломатиялық арналар арқылы хабарлама жіберсін.

3. Қазақстан Республикасының Ұлттық қауіпсіздік комитеті (келісім бойынша), Қазақстан Республикасының «Сырбар» сыртқы барлау қызметі (келісім бойынша), Қазақстан Республикасының Ішкі істер министрлігі бір ай мерзімде осы қаулыдан туындайтын тиісті шараларды қабылдасын.

4. Осы қаулы 2017 жылғы 1 қаңтардан бастап қолданысқа енгізіледі және ресми жариялануға тиіс.


Қазақстан Республикасының Премьер-Министрі Б.САҒЫНТАЕВ


______________________________________________________________________



Қазақстан Республикасы Үкіметінің қаулысы


2016 жылғы 23 желтоқсан               №842             Астана, Үкімет Үйі


Қызылорда облысының білім беру және мәдениет ұйымдарына атау беру мен қайта атау туралы


«Қазақстан Республикасының әкімшілік-аумақтық құрылысы туралы» 1993 жылғы 8 желтоқсандағы Қазақстан Республикасының Заңы 10-бабының 4-1) тармақшасына, «Қазақстан Республикасының аумағындағы әуежайларға, порттарға, теміржол вокзалдарына, теміржол стансаларына, метрополитен стансаларына, автовокзалдарға, автостансаларға, физикалық-географиялық және мемлекет меншігіндегі басқа да объектілерге атау беру, сондай-ақ оларды қайта атау, олардың атауларының транскрипциясын нақтылау мен өзгерту және мемлекеттік заңды тұлғаларға, мемлекет қатысатын заңды тұлғаларға жеке адамдардың есімін беру қағидаларын бекіту туралы» Қазақстан Республикасы Үкіметінің 1996 жылғы 5 наурыздағы №281 қаулысына сәйкес Қазақстан Республикасының Үкіметі қаулы етеді:

1. Мынадай білім беру және мәдениет ұйымдарына:

1) «Қызылорда қалалық білім бөлімінің №264 мектеп-лицейі»

коммуналдық мемлекеттік мекемесіне Тәкей Есетовтің есімі;

2) «Қызылорда қалалық білім бөлімінің мемлекеттік жалпы білім беру №15 мектеп-лицейі» коммуналдық мемлекеттік мекемесіне Мырзабек Дүйсеновтің есімі;

3) «Қызылорда қалалық білім бөлімінің №101 мектеп-лицейі» коммуналдық мемлекеттік мекемесіне Әли Мүсілімовтің есімі;

4) «Қызылорда қалалық білім бөлімінің №112 орта мектебі» коммуналдық мемлекеттік мекемесіне Нағима Ахмадееваның есімі;

5) «Қызылорда қалалық білім бөлімінің №3 мектеп-лицейі мемлекеттік жалпы білім беру мекемесі» коммуналдық мемлекеттік мекемесіне Серғали Толыбековтің есімі;

6) «Жаңақорған аудандық білім бөлімінің №168 орта мектебі» коммуналдық мемлекеттік мекемесіне Исатай Әбдікәрімовтің есімі;

7) «Сырдария аудандық білім бөлімінің №131 орта мектебі» коммуналдық мемлекеттік мекемесіне Талғат Қозыбаевтың есімі;

8) «Жалағаш аудандық мәдениет және тілдерді дамыту бөлімінің мәдениет үйі» коммуналдық мемлекеттік қазыналық кәсіпорнына Қонысбек Қазантаевтың есімі;

9) «Қармақшы аудандық мәдениет және тілдерді дамыту бөлімінің Жыраулар үйі» коммуналдық мемлекеттік қазыналық кәсіпорнына Көшеней Рүстембековтің есімі;

10) «Қармақшы аудандық мәдениет және тілдерді дамыту бөлімінің Қармақшы аудандық мәдениет үйі» коммуналдық мемлекеттік қазыналық кәсіпорнына Шәмшат Төлепованың есімі;

11) «Дауылкөл ауылдық округі әкімі аппаратының Тұрмағамбет ауылының клубы» коммуналдық мемлекеттік қазыналық кәсіпорнына Қуандық Бүрлібаевтың есімі;

12) «Қызылорда облысының білім басқармасының Қызылорда құрылыс және бизнес колледжі» коммуналдық мемлекеттік қазыналық кәсіпорнына Смағүл Ысқақовтың есімі;

13) «Қызылорда қалалық білім бөлімінің №140 қазақ орта мектебі» коммуналдық мемлекеттік мекемесіне Абылай ханның есімі;

14) «Қармақшы аудандық білім бөлімінің №269 орта мектебі» коммуналдық мемлекеттік мекемесіне Жанқожа батырдың;

15) «Арал аудандық білім бөлімінің №227 негізгі мектебі» коммуналдық мемлекеттік мекемесіне Аманқос Мұстафаевтың есімі;

16) «Қазалы аудандық балалар әуез мектебі» коммуналдық мемлекеттік қазыналық кәсіпорнына Қорқыт атаның есімі;

17) «Қызылорда қалалық білім бөлімінің №235 орта мектебі» коммуналдық мемлекеттік мекемесіне Көмекбай Қаракөзовтің есімі;

18) «Шиелі аудандық білім бөлімінің №228 орта мектебі» коммуналдық мемлекеттік мекемесіне Шәймерден Бәкіровтің есімі;

19) «Жалағаш аудандық білім бөлімінің №202 орта мектебі» коммуналдық мемлекеттік мекемесіне Зейнолла Жарқынбаевтың есім;

20) «Шиелі аудандық білім бөлімінің №270 орта мектебі» коммуналдық мемлекеттік мекемесіне Ғафур Мұхамеджановтың есімі;

21) «Шиелі аудандық мәдениет және тілдерді дамыту бөлімінің Шиелі аудандық мәдени-шығармашылық орталығы» коммуналдық мемлекеттік қазыналық кәсіпорнына Бұдабай Қабылұлының есімі;

22) «Қызылорда қалалық білім бөлімінің №261 орта мектебі» коммуналдық мемлекеттік мекемесіне Серәлі Лапиннің есімі;

23) «Қызылорда қалалық білім бөлімінің №197 қазақ орта мектебі» коммуналдық мемлекеттік мекемесіне Әбу Құдабаевтың есімі;

24) «Қызылорда қалалық білім бөлімінің №198 орта мектебі» коммуналдық мемлекеттік мекемесіне Жанәбіл Нұрмановтың есімі;

25) «Қызылорда облысының білім басқармасының Қызылорда политехникалық кол­леджі» коммуналдық мемлекеттік қазыналық кәсіпорнына Мұстахым Ықсановтың есімі;

26) «Қызылорда облысының білім басқармасының Дарынды балаларға арналған №4 облыстық мектеп-интернаты» коммуналдық мемлекеттік мекемесіне Еркін Әуелбековтің есімі;

27) «Жаңақорған аудандық білім бөлімінің №86 орта мектебі» коммуналдық мемлекеттік мекемесіне Ахмет Әділовтің есімі;

28) «Шиелі аудандық білім бөлімінің №40 орта мектебі» коммуналдық мемлекеттік мекемесіне Алма Қыраубаеваның есімі;

29) «Арал аудандық білім бөлімінің №62 мектеп-лицейі» коммуналдық мемлекеттік мекемесіне Жарасқан Әбдірашевтің есімі берілсін.

2. Мынадай білім беру және мәдениет ұйымдары:

1) «Қызылорда қалалық білім бөлімінің №6 К.Маркс атындағы орта мектебі» коммуналдық мемлекеттік мекемесі «Қызылорда қалалық білім бөлімінің №6 Мұхамедғали Сужиков атындағы орта мектебі» коммуналдық мемлекеттік мекемесі;

2) «Ақжар ауылдық округі әкімі аппаратының Ақжар ауылының клубы» коммуналдық мемлекеттік қазыналық кәсіпорны «Ақжар ауылдық округі әкімі аппаратының Сәрсенбай Бөртебайұлы атындағы клубы» коммуналдық мемлекеттік қазыналық кәсіпорны;

3) «Арал қаласы әкімі аппаратының Арал қалалық мәдениет үйі» коммуналдық мемлекеттік қазыналық кәсіпорны «Арал қаласы әкімі аппаратының Зейнолла Шүкіров атындағы Арал қалалық мәдениет үйі» коммуналдық мемлекеттік қазыналық кәсіпорны болып қайта аталсын.

3. Осы қаулы алғашқы ресми жарияланған күнінен бастап қолданысқа енгізіледі.


Қазақстан Республикасының Премьер-Министрі Б.САҒЫНТАЕВ


______________________________________________________________________



Қазақстан Республикасы Үкіметінің қаулысы


2016 жылғы 23 желтоқсан                №844                Астана, Үкімет Үйі


«Байланыс қызметтерін пайдаланушылар үшін қосылуы тегін болып табылатын шұғыл медициналық, құқық қорғау, өрт, авария, анықтама және басқа да қызметтердің тізбесін бекіту туралы» Қазақстан Республикасы Үкіметінің 2004 жылғы 3 қыркүйектегі №929 қаулысына өзгеріс пен толықтырулар енгізу туралы


Қазақстан Республикасының Үкіметі қаулы етеді:

1. «Байланыс қызметтерін пайдаланушылар үшін қосылуы тегін болып табылатын шұғыл медициналық, құқық қорғау, өрт, авария, анықтама және басқа да қызметтердің тізбесін бекіту туралы» Қазақстан Республикасы Үкіметінің 2004 жылғы 3 қыркүйектегі №929 қаулысына (Қазақстан Республикасының ПҮАЖ-ы, 2004 ж., №33, 445-қүжат) мынадай өзгеріс пен толықтырулар енгізілсін:

көрсетілген қаулымен бекітілген байланыс қызметтерін пайдаланушылар үшін қосылуы тегін болып табылатын шұғыл медициналық, құқық қорғау, өрт, авария, анықтама және басқа да қызметтердің тізбесінде: реттік нөмірі 6-жол мынадай редакцияда жазылсын:

«

6. Мемлекеттік қызметтер көрсету мәселелері жөніндегі бірыңғай байланыс орталығы 1414


« мынадай »;

мазмұндағы реттік нөмірлері 7, 8-жолдармен толықтырылсын:

7. Террористік қауіпке байланысты фактілер мен оқиғалар жөніндегі ұлттық қауіпсіздік органдарының «110 жедел желісі» 110

8. Мемлекеттік органдардың өзекті мәселелері жөніндегі бірыңғай байланыс орталығы 1434


»;

ескертпе мынадай мазмұндағы үшінші абзацпен толықтырылсын:

«Ұялы байланыс абоненттері үшін аталған тізбеде көрсетілген нөмірлерге қосылу сондай-ақ қысқа мәтіндік хабарламалар арқылы екі бағытта да тегін негізде жүзеге асырылады».

2. Осы қаулы алғашқы ресми жарияланған күнінен бастап қолданысқа енгізіледі.


Қазақстан Республикасының Премьер-Министрі Б.САҒЫНТАЕВ


______________________________________________________________________



Қазақстан Республикасы Үкіметінің қаулысы


2016 жылғы 23 желтоқсан                №846             Астана, Үкімет Үйі


Қазақстан Республикасы Үкіметінің кейбір шешімдерінің күші жойылды деп тану туралы


Қазақстан Республикасының Үкіметі қаулы етеді:

1. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

2. Осы қаулы алғашқы ресми жарияланған күнінен бастап төрт ай өткен соң қолданысқа енгізіледі.

Қазақстан Республикасының Премьер-Министрі Б.САҒЫНТАЕВ


Қазақстан Республикасы Үкіметінің 2016 жылғы 23 желтоқсандағы

№846 қаулысына қосымша


Қазақстан Республикасы Үкіметінің күші жойылған кейбір шешімдерінің тізбесі

1. «Салалық бағдарламаларды әзірлеу, іске асыру, мониторингілеу, бағалау және бақылау ережесін бекіту туралы» Қазақстан Республикасы Үкіметінің 2010 жылғы 18 наурыздағы №218 қаулысы (Қазақстан Республикасының ПҮАЖ-ы, 2010 ж., №25-26, 188-құжат).

2. «Салалық бағдарламаларды әзірлеу және мониторингілеу ережесін бекіту туралы» Қазақстан Республикасы Үкіметінің 2010 жылғы 18 наурыздағы №218 қаулысына өзгерістер және толықтырулар енгізу туралы» Қазақстан Республикасы Үкіметінің 2012 жылғы 23 қарашадағы №1478 қаулысы (Қазақстан Республикасының ПҮАЖ-ы, 2013 ж., №80, 1188-құжат).

3. «Салалық бағдарламаларды әзірлеу, іске асыру, мониторингілеу, бағалау және бақылау ережесін бекіту туралы» Қазақстан Республикасы Үкіметінің 2010 жылғы 18 наурыздағы №218 қаулысына өзгерістер мен толықтыру енгізу туралы» Қазақстан Республикасы Үкіметінің 2013 жылғы 8 мамырдағы №475 қаулысы (Қазақстан Республикасының ПҮАЖ-ы, 2013 ж., №32, 491-құжат).

4. «Салалық бағдарламаларды әзірлеу, іске асыру, мониторингілеу, бағалау және бақылау ережесін бекіту туралы» Қазақстан Республикасы Үкіметінің 2010 жылғы 18 наурыздағы №218 қаулысына өзгеріс пен толықтыру енгізу туралы» Қазақстан Республикасы Үкіметінің 2014 жылғы 5 маусымдағы №612 қаулысы (Қазақстан Республикасының ПҮАЖ-ы, 2014 ж., №38-39, 371-құжат).

5. «Салалық бағдарламаларды әзірлеу, іске асыру, мониторингілеу, бағалау және бақылау ережесін бекіту туралы» Қазақстан Республикасы Үкіметінің 2010 жылғы 18 наурыздағы №218 қаулысына өзгерістер мен толықтырулар енгізу туралы» Қазақстан Республикасы Үкіметінің 2014 жылғы 16 қазандағы №1100 қаулысы (Қазақстан Республикасының ПҮАЖ-ы, 2014 ж., №64, 586-құжат).

6. «Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы» Қазақстан Республикасы Үкіметінің 2015 жылғы 24 сәуірдегі №288 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістер мен толықтырулардың 4-тармағы (Қазақстан Республикасының ПҮАЖ-ы, 2015 ж., №24-25,149-құжат).


СОҢҒЫ ЖАҢАЛЫҚТАР

21.11.2018

Мәскеудегі Шереметьево әуежайында ұшақ ер адамды қағып кетті

21.11.2018

«Туған жерге тағзым» жобасы Түркістаннан басталды

21.11.2018

Елбасы: «Ұлы дала» атты ежелгі өнер және технологиялар музейін ашуға мүмкіндігіміз бар

21.11.2018

Алмасбек Әбсадық: Мазмұны терең ой-толғам

21.11.2018

Ертең бокстан шешуші сайыстар басталады

21.11.2018

Маңғыстауда 171 жер учаскесі мемлекет меншігіне қайтарылды

21.11.2018

Б.Көшімбаев: Рухани жаңғырудың қайта түлеген жалғасы көңілімізді демдеп отыр

21.11.2018

Кәсіпкер мен әкімдік арасындағы дау «Атамекеннің» араласуымен шешілді

21.11.2018

Қарағандыда алты көшенің атауы өзгереді

21.11.2018

Ауылдарға көгілдір отын келіп жатыр

21.11.2018

Қызылордада полицейлер қан тапсырды

21.11.2018

Қазақстан құрамасы бесінші себетте

21.11.2018

Жаңақорған ауданында 63 пәтерлік 2 көпқабатты қызметтік тұрғын үй пайдалануға берілді

21.11.2018

Павлодарда Тұңғыш Президент күні  27 жаңа нысан пайдалануға беріледі

21.11.2018

Н.Назарбаев: «Ұлы даланың ұлы есімдері» энциклопедиялық саябағын ашуымыз керек

21.11.2018

Таэквондошылар Әбу-Дабиге аттанды

21.11.2018

Елбасы: Деректі-қойылымдық фильмдердің, көркем картиналардың арнайы циклін өндіріске енгізу қажет

21.11.2018

Польшалық заңгерлер Алматыға келді

21.11.2018

Президент: Қазақстан – күллі түркі халықтарының қасиетті «Қара шаңырағы»

21.11.2018

Елбасы: «Архив – 2025» жеті жылдық бағдарламасын жасауымыз қажет

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу