​«Тәжірибе көрсеткендей, бұл сала тұрақсыз болып шықты...»

Осыдан бірнеше күн бұрын шорт-тректен Ванкувер және Сочи олимпиадаларының қатысушысы Айдар Бекжановтың құрамадан кеткенін естідік. Оның бірнеше себебі бар екен. Бастысы, бұл спортшының соңғы кездегі нәтижелері басшылықтың көңілінен шықпай жүрген көрінеді. «Бар мүмкіндігім осы» дейді Айдардың өзі. Бірақ сөзінен аздаған реніш сезіледі.
Егемен Қазақстан
25.04.2017 15927
2

– Айдар, бірнеше күн бұрын ғана сіздің құрамадан кеткеніңізді естідік. Мұндай қадамға не себеп болды? 

– Мұның екі себебі бар. Біріншісі, менің арқам мен тіземнен алған жарақатыма байланысты болса, екіншісі – басшыларға дайындығым мен көрсеткіштерімнің ұнамауы.

– Басшы дегенде сіз кімді меңзеп тұрсыз?

– Шынымды айтсам, ол жағын нақты білмеймін. Маған солай жетті. «Кет», деп те ешкім айтқан жоқ. Бірақ менің нәтижелерім басшылықтың көңілінен шықпағанын түсіндім.

– Сонда халықаралық жарыстардағы 5-6-орындардың өзі жеткіліксіз деген сөз бе?

– Солай шығар. Маған жалпылама баға берілді. Жеткілікті дәрежеде жаттықпай жүргенім де айтылған. Азиадаға мен қатысқан жоқпын. Ал Универсиадада жүлделі орындарға іліге алмағынымды өзіңіз де біліп тұрсыз. Сіз айтқан орындар соншалықты төмен нәтиже емес шығар, бірақ оған өзімнің де көңілім толмады. Өзге әріптестерім медаль тағып тұрғанда, менің құр қол болғанымды жауапты мамандар да құп көрмеген. Соған қарағанда меже жоғарылаған секілді.

– Сіз бұл пікірмен келістіңіз ғой? Айтпағым, спортшылардың барлығы жарақат алады, сонан соң спортқа қайта оралып жеңіске жетіп жатады. Бәлкім, әлі нәтиже де жақсарар ма еді...

– Бұл шешімге мен қалай әсер ете аламын?! Қолымнан келгенше жаттығып жүрдім, егер мұны да аз десе, мен не істемекпін?

– Ал сіз бұл туралы қай уақытта естідіңіз?

– Маусым аяқталған соң. Бізге екі апталық демалыс берген. Сол уақытта жиналыс өтіп, менің мәселем талқыланса керек. Бапкер хабарласып, жыл сайын жасалатын келісімшарттың ұзартылмайтынын ескертті.

– Бас бапкер не деді? Қалу туралы ұсыныс болмады ма?

– Бұл туралы ешкіммен сөз таластырып жатпадым. Ал бапкер, керісінше, менің кеткенімді жөн көрген тәрізді. Ол кісі «Егер жаттығам десең, өзің білесің, бірақ саған айлық төленбейді», деді. Өзге бапкерлердің де осы жолды дұрыс деп тапқанын жеткізді. Жаттығуларда өзгелерге қарап жүргеннен не өзгереді, уақыт жоғалтқаным болмаса. Сондықтан құрамадан кеттім.

– Ал шорт-тректе қаржыландыру тиісті деңгейде болды дей аласыз ба?

– Тиісті деңгей дегеннің өзі – салыстырмалық ұғым. Олимпиададан кейін спорттан кетіп, бір жылдан соң оралдым. Сондықтан кейбір жағдайлардан бейхабар болуым мүмкін. Бірақ бұрынғыға қарағанда жақсарды деуге болатын шығар.

– Жеткіліксіз жаттығу жасау дегенді қалай түсінуге болады? Сонда сіз жаттығуға командалас әріптестеріңізден қарағанда азырақ уақыт бөлесіз бе?

– Өзгелерден аз екенін жасырмаймын. Себебі, менің ағзам берілген тапсырмалар жүктейтін ауыртпалықтарға төзе алмайды. Сондықтан өз мүмкіндігіме қарай жаттығатынмын.

– Сіз Ванкувер және Сочи олимпиадаларының қатысушысыз. Ал бүгінгі құрамадағы ең тәжірибелі спортшыға қатысты бұл шешім қаншалықты әділ деп санайсыз?

– Аяқ асты айтылған ақпарат қой. Бірақ бұған мен әділ, не әділетсіздік деп баға бере алмаймын. «Жеке мүдде жоқ, тек бизнес» дейтін тіркестегідей, ешкімді айыптамаймын.

– Біздің елде шорт-трекшілерді даярлайтын білікті мамандар аз. Бәлкім осы салада бағыңызды сынап көру керек пе еді...

– Мұндай ұсыныс түскен жоқ. Былайша айтқанда, менің алдымда спорттан кетуден басқа амал қалмады. Егер мені бұл салада қажет деп таппаса, әрі қарай дамитын, өсетін сала, жалпы болашағым туралы ойлануым керек.

– Сіз бұған дейін де спорттан кетіп, қайта оралдыңыз. Ол кездерде не себеп болған еді?

– Рас, екі рет шорт-трекпен қош айтысқанмын. Алғашқысында, 2011 жылы шаршағандықтан, әрі жоғары оқу орнына түсіп жатқандықтан кетсем, екіншісіне корейлік бапкермен болған кикілжің себеп. Ол менің бойымда әлеуеттің барын көрді де, ауыртпалықты үдете түсті. Ал менің оған шамам жетпейтін. Жаттығу жасаудан бас тартқанымда, ол кісі қол жұмсады. Сонан соң мен құқық қорғау органдарына шағымдандым. Мұны естіген бапкерлер мені командадан шеттетті. Корейлік маман қызметінен кеткен соң, құрамаға қайта шақырды. Мен келісімімді бердім.

– Ал сіздің кететініңізді естіген өзге жігіттер не деді?

– Олармен бұл туралы әлі сөйлескен жоқпыз. Естіген де шығар, өйткені Голландияда өтіп жатқан оқу-жаттығу жиындарына барған жоқпын ғой. Негізі қарым-қатынасымыз жаман емес еді. Бұған дейінгі Нидерландыда өткен жаттығу жиындарында бір бөлмеде тұрдық. Дегенмен олардан қолдау күттім деп те айта алмаймын. Олар не өзгерте алады?!

– Жоспар деп қалдыңыз. Болашаққа қатысты қандай мақсатыңыз бар?

– Қазір сол туралы ойлап жүрмін. Басқа салаға ауысуым да мүмкін. Екінші мамандыққа оқуға түссем бе деген жоспар да бар.

– Спортта жұмыссыз қаламын деп қорқасыз ба?

– Мұны қорқыныш дегеннен гөрі тәжірибе деген дұрыс шығар. Сол тәжірибе көрсеткендей, бұл сала тұрақсыз болып шықты. Бір-ақ күнде сенімен қош айтысуы мүмкін.


Сұхбаттасқан Мәдина АСЫЛБЕК

АСТАНА

СОҢҒЫ ЖАҢАЛЫҚТАР

21.01.2019

«Барыс» ойыншылары ҚХЛ жұлдыздары матчында жеңіске жетті

21.01.2019

Азамат Мұқанов дзюдодан жастар құрамасының аға жаттықтырушысы атанды

20.01.2019

Атырау жылу электр орталығында апатты жағдай болды

20.01.2019

ШҚО-да дін саласындағы құқық бұзушылықтар саны үш есеге азайды

20.01.2019

Солтүстік Қазақстанда көпсалалы аурухана салынады

20.01.2019

Қазақстандық балалар фильмі халықаралық кинофестивальде жүлде алды

20.01.2019

ШҚО емханалары 100 тонна қағаз үнемдеді

20.01.2019

Қазақстан мен Ұлыбритания арасындағы дипломатиялық қатынастардың орнатылғанына 27 жыл толды

20.01.2019

ШҚО Күршім ауданында 6 жастағы бала суға кетіп қалды

20.01.2019

Қазақстанда бала асырап алуға көмектесетін арнайы агенттік құрылады

20.01.2019

Ресейлік «Арктика-М» спутнигі 2019 жылы маусым айында іске қосылады

20.01.2019

Чили жағалауында магнитудасы 6,8 жер сілкінісі болды

20.01.2019

Астанада Жастар жылының ашылуы өтеді

20.01.2019

Экономиканы роботтандыру: қатер ме, мүмкіндік пе?

19.01.2019

Атырауда «Отбасы орталығы» және «Татуластыру орталығы» ашылды

19.01.2019

Мақтаарал ауданында диқаншылық басталды

19.01.2019

Ақтөбе-Атырау тас жолының бойында орналасқан аумақ күрделі жөндеуден өтіп жатыр

19.01.2019

Астанада көші-қон заңнамасын бұзған 33 шетелдік еліне қайтарылды

19.01.2019

​СІМ басшысы Тәжікстан елшісін қабылдады

19.01.2019

​Қазақстанның Елшісі НАТО Бас хатшысына Сенім грамоталарын тапсырды

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу