Президент кубогына кіл мықтылар таласып жатыр

Елдегі шайбалы хоккей маусымы Қазақстан Республикасы Президентінің кубогы жолындағы турнирмен шымылдық ашты.
Егемен Қазақстан
10.08.2017 4840
2

6 тамызда басталып, 12-сі күні мәресіне жететін бұл беделді бәсекеде биыл алты команда күш сынасуда. Атап айтқанда, олар – «Авангард» (Омбы), «Адмирал» (Владивосток), «Давос» (Швейцария), «Нефтехимик» (Нижнекамск), «Трактор» (Челябинск) хоккей клубтары және Астананың «Барыс» командасы. «Давостан» басқасының бәрі де Құрлықтық хоккей лигасында ойнайтын қабырғалы клубтар. Демек, мұның өзі сегізінші мәрте ұйымдастырылып отырған бұл жарыстың абыройын асқақтатып, мәртебесін көтере түсетіні сөзсіз.

Астананың «Барыс» хоккей клубы бұл турнирге басынан бастап қатысып келеді. 2010 жылы тұңғыш ұйымдастырылған жарыста елорда хоккейшілері тамаша өнер көрсетіп, топ жарды. Финалдық матчта олар Минскінің «Динамосын» буллит бо­йынша жеңген болатын. 

Барыс» бұл табысын келесі жылы өткен турнирде тағы да қайталады. Бұл жолы команда  финалда Ханты-Ман­сий­скіден келген «Югра» хоккей клубынан басым түсіп, турнирдің екі дүркін жеңімпазы атанды.

Үшінші рет ұйымдастырылған турнирде Астана хоккейшілері шешуші ойында СКА (Санкт-Петербург) командасына есе жі­беріп, күміс жүлдені қанағат тұтты. Ал қола жүлдені тағы бір қазақстандық клуб – Өс­кеменнің «Торпедосы» иеленген болатын. 

2014 жылы «Барыс» осы турнирде қай­тадан топ жарды. Ол кезде үздік үштік былай­ша түзілген болатын: 1. «Барыс» (Астана), 2. «Югра» (Ханты-Мансийск), 3. «Амур» (Хабаров). Араға жыл салып өткен тур­нирде  Қазақстанның басты клубы өзінің чемпиондық атағын сақтай алмады. «Барыс» Президент кубогы сынының финалында Омбының «Авангардынан» 3:5 есебімен жеңіліп қалды.

2015 жылы алтыншы мәрте өткен турнирдің ерекшелігі зор болды. Хоккей тартысы су жаңа спорт сарайы – «Барыс Арена» мұз айдынында өтті. Оның үстіне, бұл дүбірлі доданың ашылу салтанатына Мемлекет басшысы Нұрсұлтан Әбішұлы Назарбаевтың өзі қатысқан болатын. 
Бұл жолғы турнирдің финалында «Барыс» пен «Адмирал» (Омбы) хоккей­ші­лері тағы да имек таяқ түйістірді. Өте тартысты өткен ойынның негізгі уақыты 2:2 есебімен аяқталып, командалар матч­ты овер-таймда жалғастыруға мәжбүр болды. Сол ойында кубоктың тағ­дырын шеш­кен жалғыз шайбаны Талғат Жай­лауов соғып, өзінің командасына жеңіс сыйла­ған болатын.

Былтырғы өткен турнир де есте қалар эпи­зодтарға толы болды. Мысалы, «Барыс» пен Қытайдың «Кунь Лунь Ред Стар» хок­кей клубы арасындағы матч жаппай төбе­леске ұласып, ойын аяқталмай қалған болатын. Дегенмен, бұл кикілжің турнир­дің беделіне кір жұқтыра алмады. «Ер шекіспей бекіспейді» демекші, команда­лар тәртібін түзеп, келесі ойындарда тәп-тәуір нәтижелерге қол жеткізді.  Ал турнирдің жеңімпазын анықтаған шешуші кездесуде «Барыс» пен Новокузнецкінің «Металлург» командасы күш сынасты. Ойынның негізгі уақыты 1:1 есебімен аяқталып, одан кейін хоккейшілерге овер-таймда да тер төгуге тура келді. Мұнда да есеп өзгермей, кезек буллитке де келіп жеткен. Бұл бәсекеде «Металлургтің» шабуылшысы Иван Емец мергендік танытып, «Барыстың» жанкүйерлерін жерге қаратқан болатын.

Биылғы турнирге «Барыс» әдеттегідей тыңғылықты дайындықпен келді. Алғашқы турда команда швейцариялық «Давоспен» күш сынасып, 4:2 есебімен жеңді. Өкінішке қарай, екінші ойында жерлестеріміз «Нефтехимик» командасына 1:2 есебімен есе жіберіп алды. Кеше Евгений Корешковтың шәкірттері «Авангардпен» мұз айдынына шықты. 

«Барыс» келесі кездесуін 11 тамыз күні «Трактор» командасымен өткізеді. 

Қайрат ӘБІЛДА,

«Егемен Қазақстан»
 

СОҢҒЫ ЖАҢАЛЫҚТАР

16.11.2018

Экономикалық әріптестік жандана түспек

16.11.2018

Науқаншылдыққа бой алдырмасақ екен - Тимур Бектұр

16.11.2018

Оралмандар үміті – «Отандастар» қоры

16.11.2018

Ғылым саласында қолдау да, қиянат та бар - Әлімхан Жүнісбек

16.11.2018

Атадан туған аруақты ер

16.11.2018

Жастар жылынан не күтесіз?

16.11.2018

Тариф көтерілді, сервис деңгейі ше?

15.11.2018

Асхат Маемиров Қазақ ұлттық өнер академиясының ректоры болып тағайындалды

15.11.2018

Бекзат жаттыққан спортзал

15.11.2018

А. Майтиев тариф қалыптастырудың ашықтығын арттыру шаралары туралы айтып берді

15.11.2018

Тегеранда Қазақстан-Иран консулдық консультациялары өтті

15.11.2018

Бас прокуратурада бизнес саласындағы проблемалық сұрақтар талқыланды

15.11.2018

Қазақстан мен Швеция ынтымақтастықтың перспективалық бағыттарын анықтады

15.11.2018

Маңғыстау облысы Қазақстан халқы Ассамблеясының кезекті сессиясы өтті

15.11.2018

Алматыда композитор Әсет Бейсеуовты еске алу кеші өтті

15.11.2018

Президент Абай атындағы ҚазҰПУ ректоры Такир Балықбаевты қабылдады

15.11.2018

Жезқазған мен Сәтбаевтың арасында ірі супермаркет салынады

15.11.2018

Елбасы Словакия Республикасының Премьер-Министрі П. Пеллегринимен кездесті

15.11.2018

Қазақстан Жазушылар одағының мүшесі Нұтфолла Шәкеновты еске алу кеші өтті

15.11.2018

Алматыда Құрманғазының 200 жылдығына арналған дәстүрлі музыка фестивалі аяқталды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу