Ж.Қасымбек Мемлекет басшысының тапсырмасын орындау аясында Дүниежүзілік банкпен бірлесіп 2018-2022 жылдарға арналған Ұлттық инвестициялық стратегия әзірленгенін баяндады. Онда экспортқа бағдарланған шикізаттық емес секторларға тікелей шетелдік инвестицияларды тартуға баса көңіл бөлінген.
Стратегия табысты жүзеге асырылған жағдайда, бес жыл ішінде 2016 жылғы деңгейге шаққанда экономикаға тікелей инвестициялардың жаппай ағымының 26% дейін кезең-кезеңімен өсуі болжанып отыр, ал тиімділікті арттыруға, яғни экспортқа бағдарланған инвестициялар 50% дейін артпақ. Сонымен қатар шикізаттық емес сектордағы негізгі капиталға ішкі инвестициялар 46% өседі деп күтілуде.
Дүниежүзілік банкпен бірлесіп тиімділікті арттыруға бағытталған басымдықты салалар таңдалды, оларды екі топқа бөлуге болады. «Қазір әлеуеті бар салалар», яғни тамақ өнеркәсібі, мұнай, газ және пайдалы қазбаларды тереңдетілген өңдеу, сонымен қатар машина жасау. Сонымен қатар «перспективалы салалар»: АКТ, туризм және қаржы салалары.
МЖӘ стратегияда, әсіресе, капитал сыйымды инфрақұрылымдық және әлеуметтік жобаларға ТШИ-ды тарту үшін негізгі құралдардың бірі ретінде айқындалған. Сонымен қатар қазіргі инвесторларды сақтап қалу мен қайта инвестициялауға ынталантыруға ерекше көңіл бөлінеді.
Экономикалық мүмкіндіктерін ескерумен әлемнің 36 әлеуетті елі анықталды, оның 11-і біз үшін басымдықты болып табылады (АҚШ, РФ, Ұлыбритания, Германия, Франция, Италия, КХР, Жапония, Оңтүстік Корея, Түркия, БАӘ). Бұл елдің әрқайсысымен жұмыс істеу үшін СІМ-імен бірлесіп дербес тәсілдер мен нақты іс-әрекеттер жоспары жасалады.
Стратегия аясында жұмыс екі бағытта жүргізіледі:
1) Қазақстанның инвестициялық ахуалын жақсарту: инвестициялық саясаттың ашықтығы мен болжамдылығын арттыру, визалық және көші-қон режимдерін жетілдіру шаралары, инвесторлардың құқықтарын қорғау саласында заңнаманы жетілдіру.
2) Тиімді операциялық шараларды жүзеге асыру және инвестициялар тарту үшін жаңа тәсілдерді енгізу. Ол үшін инвестициялар жөніндегі арнайы ұлттық компания Кazakh Invest құрылды, оның шетелдік өкілдіктері мен аймақтық филиалдар желісі инвесторлармен «бір терезе» қағидаты бойынша жұмыс істейді. Сонымен қатар инвестициялық жобалардың ақпараттық-мониторингтік жүйесі енгізіледі, ол қандай да іске асырылуға дейін бір жобалардың сапалы әрі толыққанды пысықталуынсыз «түсіп қалуын» болдырмайды.
Сонымен қатар Инвестициялық жобалар картасы енгізіліп, ақпараттық-мониторингтік жүйемен байланыстырылады, регламенті мен жауапкершілік салалары нақты айқындалуымен СІМ, шетелдік мекемелермен, салалық министрліктермен, ұлттық компаниялармен, әкімдіктермен өзара әрекеттесу тетігі енгізіледі.
