Қабылдауға «Нұр Отан» партиясы Сарысу аудандық филиалы төрағасының орынбасары Қуаныш Құлбеков, Жаңатас қаласы әкімі аппаратының бөлім басшысы Руслан Қозбағаров және т.б. қатысты.
Халық қалаулысы М.Сәрсенов қазақтың «қол жұмылмай – жылынбайды» деген даналық сөзін бір сәт те естен шығармай, өзіне сенім артқан сарысулықтарға қолынан келгенше көмек беріп келеді.
Халық қалаулысы М.Сәрсенов қоғамдық қабылдауға қатысқан кісілердің өтініш-арыздарын байыппен тыңдап, жастарға ақыл-кеңестерін, жылы сөздерімен қатар мамандықтың жамандығы жоқ екенін, кез келген мамандық бойынша жұмыс істей беруге шақырды.
Қоғамдық қабылдауға келген зейнеткер, екінші топ мүгедегі Ардагер Бекмағанбетов «Көктал» сауықтыру орталығына емделуге көмек сұрай келгенін айтқан соң, облыстық мәслихат депутаты М.Сәрсенов елу пайыздық жеңілдік берілетінін жеткізді. Өтінішінің орындалғанына риза болған қария халық қалаулысы М.Сәрсеновке ризалық алғысын білдірді. Сондай-ақ, қабылдауда болған Сымбат Мақаш, Әлия Құттыбаева, Вера Ясвилко, Серік Бейсенбаев, Бағдат Қасымбеков, Оразбек Мұсабеков, Арайлым Нұғыманова, Динара Бекмағамбетова жұмысқа орналасуға және пәтер алуға көмек көрсетуін сұрап, тілек-өтініштерін білдірді.
М.Сәрсенов қабылдауда болған биыл ғана қызыл дипломмен бітіріп келген және бұрын комбинатта жұмыс істеп, кейін басқа жұмысқа ауысып, қайтып келген азаматтарды және дипломдары комбинатта жұмыс істеуге сай келетін жастарды жұмысқа қабылдауға көмек беретінін жеткізді. Ал дипломы жоқ жастардың білімін жетілдіріп, жұмыспен қамту орталығына тіркеліп, сол арқылы жұмысқа орналасуға болатынын да түсіндірді. Қабылдауда болған Несібелі Тоққұлиева баласын жұмысқа орналастыруға көмек беруін сұраса, «Саудакент» елді мекенінен келген Бақыт Тулбаев та өзінің жұмысқа орналасқысы келетіндігін жеткізді. Қаламқас Нұржанова да өзінің және күйеуінің жұмыссыз отырғанын айтты. Сондай-ақ, күйеуінің жұмысқа жарамсыз, мүгедектігін де жеткізді.
Жалпы, Мұратқали Сәрсенов қоғамдық қабылдауда болған он екі кісінің барлығының арыз-шағымдарын мұқият тыңдап, тиісті шаралар қабылдай отырып, қоғамдық қабылдауда болған кісілердің арыз-өтініштері алдағы уақытта оң шешімін табатынын айтты.
Құдайберген МӘМБЕТОВ,
Жамбыл облысы,
Жаңатас қаласы