– Ертеңгі матч Глазгода өткен ойындай жеңіл болады деп ойлайсыз ба?
– Негізі алғашқы ойын бізге оңай болды деп айта алмаймын. Бірақ жақсы нәтижеге қол жеткізгеніміз анық. Ертең де жеңіске жеткіміз келеді. Бұл біздің қолымыздан келеді деп үміттенемін.
– Глазгода өткен ойынның алдында команданың аздап қобалжығаны анық. Бұл жолы...?
– «Астананың» деңгейін жақсы білеміз. Осал қарсылас емес. Сондықтан барынша жоғары деңгейде өнер көрсетуге тырысамыз.
– «Селтик» өткен жылмен салыстырғанда күшейді деп ойлайсыз ба?
– Команданың негізі қалды. Бірақ ойынымыздың аздап өзгергені рас. Алда бізді көптеген матчтар күтіп тұр. Біз бәрінде жеңіске жетуіміз керек.
– «Астананың» орталық жартылай қорғанысын қалай бағалар едіңіз?
– «Астана» Глазгода жақсы өнер көрсеткен болатын. Бізді жиі қысымға алды. Жартылай қорғанысқа қажетті футболшылардың жиналғаны көрініп тұр.
– Өткен жылы «Селтик» «Астанадан» әрең өткен болатын. Бірақ биыл алғашқы ойынның өзі-ақ басқа бағытта өрбіді.
– Біздің дайындығымыз жақсырақ болды. Қарсыласымызды алдын ала зерттеп, шабуылды өткізудің түрлі жолдарын қарастырдық.
– Ертең «Астана» бұрын-соңды болмаған ғажайыпты жасап, Чемпиондар лигасының тарихын жаңартар болса, «Селтиктің» күйі не болмақ?
– Білмедім...
– Глазгодағы ойында Патрик Твумасимен бірнеше рет жеке шықтыңыз. Кей тұстарында ұрысқа да бардыңыз. Бұл матч алдында берілген тапсырма ма?
– Қарсыласымыз шабуылға шыққанда, ең басты мақсатымыз – оны тоқтату. Кей сәттерде мен одан мықтырақ ойнап, ашуына тиген кездерім болды.
Аян ӘБДУӘЛИ,
«Егемен Қазақстан»