Жеңіс тұғырында – Қазақстан көкпаршылары

Астанада өтіп жатқан ЭКСПО-2017 халықаралық көрме аясында әлем жұртшылығына қазақ халқының ұлттық спорт-ойын түрлерін насихаттау үшін, өткізіліп отырған көкпардан әлем чемпионаты кеше аяқталды.  

Егемен Қазақстан
28.08.2017 3480
2

Бір аптаға созылған аламан сайысқа 11 елдің 150-ден астам көкпаршылары бақ сынасып, алаңда аянбай айқасты. Жарыстың алғаш­қы күні бес кездесу өтіп: Тәжікстан, Түркия, Қазақстан, Қытай, Қырғызстан командала­ры қарсыластарын тізе бүктірсе, жарыстың екінші күні – 22 тамызда: Моңғолия – АҚШ (10:4), Тәжікстан – Түркия (12:2), Қырғызстан – Өзбекстан (11:2), Ауғанстан – Мажарстан (12:2), Қытай – Ресей (5:0) есебімен жарысты қорытындылады. 

Жарыстың үшінші күні – 23 тамызда, Моңғолия мен Өзбекстан, Түркия мен Қырғызстан, Қазақстан мен Ресей, АҚШ пен Тәжікстан және Мажарстан мен Қытай командалары арасында өзара кездесу өтті. Қорытынды есеп төмендегідей: Моңғолия – Өзбекстан (8:4), Қырғызстан – Түркия (13:3), Қазақстан – Ресей (15:3), Тәжікстан – АҚШ (9:2), Қытай – Мажарстан (8:2).

Ал жарыстың төртінші күні – 24 тамызда өткен бес ойынның алғашқысы Түркия мен Моңғолия командалары арасында өтіп, тартысқа толы бұл бәсеке көрерменді бір серпілтіп тастады. Алпаслан Жейлан бастап келген Анадолы азаматтарының тұрағы Түркия демесеңіз дені этикалық қырғыздар. Олар Моңғолияның атынан келген бай-өлкелік бауырлармен жан беріп, жан алысты. Нәтижесінде Ром Әуесхан бастап келген Бай-өлке көкпаршылары Айбарыс Болат, Досан Есжан, Қуантай Қайыржандар қос-қостан салым алып (10:7) жеңіске жетті. Келесі ойындардың есебі: Өзбекстан – АҚШ (11:1), Қырғызстан – Тәжікстан (15:2), Ауғанстан – Ресей (5:1), Қазақстан – Қытай (14:5).

Сайыстың бесінші күні – 25 тамызда чемпионаттың іріктеу ойындары басталды. «Б» тобынан Қазақстан, «А» тобынан Қырғызстан командалары үздік шығып, бас жүлде үшін сайысуға мүмкіндік алса, «Б» тобынан жартылай финалдық сайыс үшін Моңғолия мен Тәжікстан командалары айқасып, нәтижесінде 10: 9 есебімен тәжік жігіттері басым түсті. Екінші топтан Ауғанстан мен Қытай командалары өзара жеңімпазды анықтады. Мұнда 4:2 есебімен Ермек Тоқтарбек бастап келген қытайлық қандастармыз жеңіске жетті. Сөйтіп, жартылай финал, яғни қола жүлде үшін тартыс Қытай мен Тәжікстан командалары арасында өтетін болды. 

Кеше сағат 16.00-де қола жүлде үшін тар­тыс жоғарыдағы екі команда арасында бас­талды. Ойынның алғашқы кезеңінде қытайлық қандасымыз Мұхит Қуанышұлы есеп аш­қанымен, екінші таймда ойын тізгінін қолға алған тәжік көкпаршылары Ходжиакбар Достиев пен Рузикул Караевтар бір-бір салыммен есе қайтарып, тәжік жігіттері жеңіске жетті. Олар 3-орынға табан тіреп, жүлде қорына тігілген 3 млн теңгеге иелік етті. 

Ал кезекті чемпионаттың бас жүлдесін са­рапқа салған Қазақстан мен Қырғызстан көк­паршылары ғасырда бір болатындай сайыс өнерін көрсетті. Ойынның алғашқы салымы қазақстандық шабандоз Темірхан Айтбаевтың еншісіне бұйырса, көп кешікпей кәнігі қыран Бақтыбай Шырынқұлов есепті 2:0-ге жеткізді. Бірінші кезеңнің 12-ші минутында Абылай Нышанбек салымды еселеп, қонақтардың тау құлатар екпінін саябырсытты. Десе де қырғыз көкпаршылары қарап қалған жоқ, ойынның бітуіне 2 минут қалғанда Рустам Тыналиев салым алып, бірінші кезең 3:1 есебімен аяқталды. 

Сайыстың екінші кезеңі қазақстандықтардың берік қорғаныс шебін құруымен есте қалды. Алма-кезек алапат тартыс аяқталуға жақын қалған 16-шы минутта Маңғыстау көкпар командасының ойыншысы Александр Пупенко соңғы салымды салды. Сөйтіп, 4:1 есебімен жеңіске жеткен Қазақстан көкпаршылары чемпионат кубогымен қатар 10 млн теңге жүлде қорына қол жеткізсе, 2-орын иесі Қырғызстан командасына 5 млн теңге бұйырды. 
Қуанышбек Құрамаев, Қазақстан көкпар құрама командасының жаттықтырушы: 

– Көкпар Орталық Азияда өмір сүріп жатқан түркітектес халықтардың бәріне ортақ. Бірақ чемпионаттың Қазақстанда өтуі – елдегі тұрақтылық пен тыныштықтың кепілі. Бұған дейін 2013 жылы көкпардан Азия чемпионатын ұйымдастырған болатынбыз. Енді міне, әлем чемпионатын өткізуге қол жеткіздік. Біздің жеңіске қол жеткізгеніміз үлкен жаттығудың нәтижесі деп ойлаймын. 

Талас Бегалиев, Қырғызстан көкпар құрама коман­дасы­ның жаттықтырушысы: 
– Қырғызстанда 50-ден астам көкпар командасы бар. Осылардан іріктеп-сұрыптап команда жасап әкелдік. Бұған дейін де келгенбіз. Финалға дейін барлық қарсыластарымызды қалпақпен қағып алдық десек қателесейміз. Бұған дейін біздің жігіттер жасанды серкемен көкпар тартып көрмегендіктен қиын болды. Көкпар ойынының өз есебі бар. Ал шеңбер жағдайында бұл есеп тіпті басқаша. Сол себепті аздаған жаңылысулар болды. Командалық есепте екінші орын алдық. Осыған қанағат!

Бекен Қайратұлы, 
«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу