Қазақстан • 31 Тамыз, 2017

БҚО мәдениет басқармасына жаңа басшы тағайындалды

810 рет
көрсетілді
1 мин
оқу үшін

Конкурс негізінде және ҚР Мәдениет және спорт министрлігінің келісімімен Қадырболат Қабдырұлы Мұсағалиев Батыс Қазақстан облыстық мәдениет, архивтер және құжаттама басқармасының басшысы болып тағайындалды, деп хабарлайды «ҚазАқпарат».

БҚО мәдениет басқармасына жаңа басшы тағайындалды

БҚО әкімінің баспасөз қызметінен түскен мәліметке қарағанда, Қадырболат Мұсағалиев 38 жаста. Білімі жоғары. 2002 жылы Дәулеткерей атындағы Батыс Қазақстан өнер институтын, 2010 жылы Еуразия академиясын тәмамдаған.

Қ.Мұсағалиев еңбек жолын 2002 жылы Орал қаласындағы Жастар шығармашылығы орталығының әртісі болып бастады. 2005-2009 жылдары - Ғ.Құрманғалиев атындағы облыстық филармонияның режиссері, 2011-2013 жылдары - Астана қаласындағы «Бейбітшілік және келісім сарайы» бас директорының орынбасары, 2013-2014 жылдары - «Астаналық концерт компаниясы» мекемесінің бөлім менеджері, 2014-2015 жылдары елордадағы «Кинобейне жалға беру дирекциясы» ЖШС директорының міндетін атқарушы болды. Ал 2015 жылдан бастап бүгінге дейін Ғ.Құрманғалиев атындағы облыстық филармония директоры қызметін атқарып келді.