Қазақ хоккейінің болашағы

Футболда, хоккейде, жалпы, командалық спорт түрлерінде қазақтың баласы неге аз деп қара аспанды төндіретініміз бар. Әлбетте, індете берсең мұның себептерін іздеп таба алмайсың. Басқа ұлттың бапкері баламды кеудеден итерді деп, атты алысқа айдауға да болушы еді. Бірақ, көп жағ­дай­да мәселе шешімінің кілті мына өзіміздің қолымызда еке­нін мойындай бермейміз. Бұған біздің көзіміз Нұрболат Туыс­байұлы есімді азаматпен танысып, аз-кем әңгімелескен кезде әбден жетті. 

 

Егемен Қазақстан
05.09.2017 7190
2

Астанада тұратын Нұрбо­лат­тың төрт баласы бар. Үшінші ба­ласы Нұрәділді мектеп жасына жетер-жетпесінде фортепиано үйірмесіне алып барған. Өзі бала кезінен музыкаға әуес бо­лып, дегеніне жете алмаған соң ба­лам мен шықпаған биікті ба­ғын­дырар ма екен деген әкенің үмі­ті-дағы. Бірақ, музыка әлемі Нұр­әділді өзінің сиқырымен арбай алмады, баланың да құл­шы­нып тұрғаны шамалы еді... 

«Сол уақыттарда, – деп сыр ақ­тарады Нұрболат, – Ресейде тү­сірілген «Молодежка» деген хоккей туралы сериалдың тұ­рақты көрермені едім. Жастар хоккей лигасында ойнайтын боз­балалардың хоккейдегі қи­лы тағдырын отбасылық драма­мен, махаббатпен, тәр­бие­мен әдемі шендестіріп түсі­ріл­ген сериалдан басымды ала алмай қалдым. Команда ішін­дегі татулық пен араздық, дос­тық пен сатқындық, бапкер тәр­биесі, тәртіп, бәрі шебер қам­тылған. Қазір сананы тұр­мыс билеген заман. Спорт­та да ақшаның айтқаны жү­ре­ді. Өзге клубтар таңдаулы ойын­­­шы­ларға сырттан келіп қо­мақ­ты ақша ұсынып жатады. Сон­дайда өзің тәрбие алған ко­манданың намысын қорғап, шешімді болу да ерлікті, белгілі бір дәрежеде тұрақтылықты та­лап етеді екен. Осындай сын­­дардан өткен спортшы жі­гіт­­терге кәдімгідей бауыр бас­тым. Солар арқылы өзімде бө­лек көзқарас қалыптасты да, Нұрәділімді хоккейге берем деп шештім. Мұндай тәр­биені көріп, спорттағы небір шыр­ға­лаң­нан шыңдалып өскен бала жа­ман болмауы тиіс деп ой түй­дім».

Ол кезде Нұрәділі алты жас­­та-тұғын. Әкесі бұрын бас сұ­ғ­ып көрмеген хоккей дүкен­де­рін түгел аралады. Бес-алты жастағы баланың бір жабдық ки­ім-кешегі 200-250 мың теңге тұ­­рады екен. Бала өскен сайын оның да бағасы қымбаттай тү­се­тін көрінеді.

Әуелде басына неше алуан күмәнді ойлардың кіргені рас еді. Қып-қызыл ақшаға мұз­дай етіп киіндіріп, мұзға жібер­ген бала бір аптадан кейін «хок­кейі құрысын!», деп тастай қаш­са қайтеді?

Дегенмен, баласы сенімін ақтады. Хоккейдің қызығына терең бойлап, жатпай-тұрмай спорт­т­ың осы түрі туралы ой­лай­­тын болды. Қолына смарт­фон тисе болды, ютубтан хок­кей­ді ғана қарайтынды шы­ғар­­ды. Таңғы сағат алтыда ки­ініп алып, мұз үстінде тұра­ды. Қысы-жазы осылай...

Нұрәділмен құралыптас 60 баланы алты жасынан баптап жүрген «Астана-2009» хоккей клубының жаттықтырушысы Әділ Әлменов қазір сайдың та­сындай іріктелген 30 қара­до­малақты Ресейде өтіп тұра­тын жарыстарға жиі апарып жүр. Челябі, Екатеринбург, Башқұртстанға дейін барып, олжалы қайтқан кездері аз емес. Өзге елде бас жүлдені же­ңіп алу қиын болса да, бұл күн­де балалардың күміс пен қола­дан таққан жүлделері әжеп­тәу­ір жиналып қалған. Кү­­ні кеше ғана қазақтың хок­кей­­ші балақайлары Челябі об­лысының Первомайский ауда­нында өткен маусымалды тур­нирден келді. Әлменовтің шә­кірттері жүлделі үшінші орынды жеңіп алып, тәп-тәуір өнер көрсетіп қайтты. Сол доданың шешуші ойынында  Нұрәділ Нұрболатұлы «Матчтың үздік ойыншысы» атанып, арнайы кәдесыймен марапатталды. Ең­бегінің жемісін көре бас­та­ған әкенің қуанышын тілмен айтып-жеткізу тіпті мүмкін емес. Болашағынан үміт күткен баласының жеке ойыншы ре­тін­де алған тұңғыш сыйлығы әке­ні қанаттандырып жібергені рас еді.

Әкесі Нұрәділдің ойынына қашанда сын көзбен қа­райды, қоятын талабы да қа­­таң­дау. Жасыратыны жоқ, ко­­ман­дада баласынан асып тү­се­тін дарынды хокейшілер бар. Сол себепті, Нұрболат қандай да бір биікке тек еңбекпен ға­на же­туге болатынын бала­сы­н­ың құ­лағына құюдан әсте жа­лық­қ­ан емес.

Иә, хоккей дегеніңіз қым­бат тұратын спорт түрі. Ки­імі­нің қанша тұратынын жо­ғарыда айттық. Бұдан бөлек, жа­рыс­қа баратын баланың жол шығынын ата-ананың өзі кө­тереді. Шотқа қағып санар бол­сақ, балғын  хоккейшінің бір жарысқа деген сапарының өзі 100-150 мың теңгенің аралығын қамтиды екен. «Рас, хоккей деген қымбат спорт, – дейді Нұрболат Туысбайұлы. – Бірақ, қазақ та хоккей ойнай алады деген намыс одан да қымбат!».

Бір бағытының өзі мың ша­қырым, кейбірі екі мыңға таяу ша­қырым болатын қашықтықты жү­ріп өтіп, жарысқа келетін қа­зақ командасының қажыр-қай­ратына ресейлік ата-аналар кә­дімгідей таңданатын көрінеді. Ал команданың бапкері болса, балаларға тәжірибе керектігін алға тартып, жарыстарға жиі шығып тұрудың пайдасын айтудан жалыққан емес. Оның айтқанына қарсы келіп жатқан ата-ана жоқ. Өйткені, бәрі де көз алдарында – балғын хок­кейшілер уақыт озған сайын бу­ын бекітіп, көк мұз үстіндегі до­даның көкбөрілеріне айна­лып келеді. Бұл жерде көңілді се­­міртетін тағы бір дүние бар. Ол – хоккейге қазақ бала­ла­рының көптеп келе бас­та­ған­дығы.

Егер, Әділ Әлменовтей ең­бек­қор бапкер бастап, Нұр­болат Туысбайұлы сияқты намысшыл ата-аналар қоштай білсе, қазақ хоккейіндегі қалың шоғырдың қау­лай өсіп шығатыны, олар­дың бағындырары да биік шың­дар болатыны айдан анық. Хә­кім Абайдың өзі «Қыран бүркіт не алмайды, салса баптап?», деді емес пе?!

Қайрат ӘБІЛДА,
«Егемен Қазақстан»

СОҢҒЫ ЖАҢАЛЫҚТАР

18.02.2019

Ақтаулық ата-аналар Оксфордтық курсты оқыды

18.02.2019

Қостанай ювеналдық сотында «Отбасы бөлмесі» ашылды

18.02.2019

Донецк қаласында бірнеше жарылыс болды

18.02.2019

Үндістан үкіметі Эверестің биіктігін қайта өлшемек

18.02.2019

Қазақстанда қанша қасқыр бар?

18.02.2019

Әсем Орынбай: Стенд атудан Азия чемпионатында Олимпиада жолдамасын иеленгім келеді

18.02.2019

Осы аптада қандай мәдени және спорттық іс-шаралар өтеді?

18.02.2019

Кәсіпкерлікті дамыту бойынша қабылданған шаралар талқыланды

18.02.2019

Қостанайлық кәсіпкер ханым араб миллионер әйелге сәукеле сыйлады

18.02.2019

Түркістанда газдандыру жұмысы күшейтілді

18.02.2019

«Болашақ» бағдарламасының түлегi Тимирязев ауданының әкiмi болып тағайындалды

18.02.2019

Жұмыс істемейтін аналар үшін берілетін мемлекеттік жәрдемақы қанша?

18.02.2019

Тілекенова мен Абитова көркем гимнастикадан халықаралық сында жүлдегер атанды

18.02.2019

Нысана көздеуден Қазақстан командасы Нью-Делидегі әлем кубогіне аттанды

18.02.2019

Баланың төлемақысы қанша?

18.02.2019

Нұрсұлтан Назарбаев: Жастық шағыңды босқа өткізбе

18.02.2019

Қанша ақша сыртқа кетті?

18.02.2019

Үкімет «Ақжолдың» кәсіпкерлікке қатысты сауалына жауап берді

18.02.2019

Мәжілісте мемлекеттік жастар саясатын іске асыру барысы туралы талқыланды

18.02.2019

Құмшық ата жерасты мешіті мен Жәудір ана мешіт-медресесі қайта қалпына келтірілетін болады

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

ҰҚСАС ЖАҢАЛЫҚТАР

Тағы да оқу

Пікір қосу