Астанада «Әлем барысы» абсолютті әлем чемпионатының турнирі өтті

Өткен жұма күні Астанадағы «Барыс Арена» мұз айдыны сарайында қазақ күресінен «Әлем барысы» абсолютті әлем чемпионатының турнирі өтті. 

Егемен Қазақстан
11.09.2017 4486
2

ЭКСПО-2017 халықаралық мамандандырылған көрмесі аясындағы шаралар тізіміне енген биылғы додаға әлемнің ең мықты деген 42 балуаны қатысып, бақ сынады.

Биылғы дода үш жыл бұрынғы бәсекеден өзгеше болды. Өйткені осы жылғы «Әлем барысы» турниріне әрісі Латын Америка, АҚШ, Куба, Африка құрлы­ғынан, берісі Ресей, Қы­тай, Өз­бекс­тан секілді елдердің кү­ші бойында тасып тұрған кіл мықтылары келді. Ал елі­міздің намысын ең мық­ты деген бес балуан қор­ғады. Олар – «Қазақстан Ба­рысы-2013» турнирінің жеңімпазы және екі дүркін қола жүлдегері (2012, 2017) Ай­бек Нұғымаров, 2017 жы­лы «Қазақстан барысы» және «Әскер барысы» атан­ған Еламан Ерғалиев, «Қа­зақстан Барысы-2013» тур­нирінің және биылғы ел чемпионатының күміс жүл­дегері Ержан Шынкеев, 2016 жылғы «Астана қыраны» Айбат Сейтен және еліміздің та­лантты жас балуаны Дәурен Нұ­ралиев «Әлем барысы» атану үшін барын салып белдесті.
Енді негізгі бәсекелерге жеке-жеке тоқталып өтсек, алғашқы айналымда би­ылғы «Қазақстан барысы» бәсекесінің жеңімпазы Ел­аман Ерғалиев пен Ержан Шынкеев қарсыластарынан айла асырып кетті. Ал Айбек Нұғымаров, Дәурен Нұралиев, Айбат Сейтен жеребеге сәйкес тікелей екінші кезеңге жолдама алды. Екінші айналымда Дәурен Нұралиев өзбек балуаны Мухсин Хисомиддиновке есе жіберіп қойса, үшінші ай­налымда Айбат Сейтен грек Масманидис Тэнторэден ұпай санымен жеңіліп қалды. 
Ширек финалдық кездесуде қазақ күресі мамандары биыл «Әлем барысы» атанады деп болжаған екі мықты балуанымыздың жолы түйісіп қалды. Айбек Нұғымаров пен Еламан Ерғалиев ширек финалда белдесіп, кездесудің алғашқы үш минутында Еламан жамбас ұпайымен жеңіп жатқан болатын. Алай­да, күрестің соңғы минутында Айбек әдіс жасап, жартылай жеңіс ұпайымен жеңісті жұлып алды. Сөйтіп, 2013 жылғы «Қазақстан барысы» Айбек Нұғымаров «Әлем барысының» жа­ртылай финалына шықты. Ал үшінші ширек финалдық белдесуде Ер­жан Шынкеев армениялық Акоб Аракеляннан бір жартылай жеңіс және бір жамбас ұпайымен басым түсті. Сөйтіп, Ержан жартылай финалда ресейлік Рустем Арс­лановты алып жыққан грузин балуаны Гурам Тушиш­вилимен финалдық белдесу жолдамасын сарапқа салды.
Алғашқы жартылай фи­нал­дық бәсекеде Айбек Нұ­ғымаров моң­ғолиялық Серік Бердімұратпен белдесіп, екеуі де бірінші минутта бүк ұпайын иеленді. Араға екі минут уақыт салып Айбек тағы бір бүк ұпай алып, жамбас ұпайымен жеңіс­ке жетті. Алайда, моңғолиялық балуан бұл нәтижеге келіспей, өзінің нара­зылығын білдірген еді. Бірақ, төрешілер жеңіске Айбек Нұғымаров лайық деп тапты. Сөйтіп, Айбек қатарынан екінші рет «Әлем барысы» турнирінің фи­налдық белдесуіне шықты. Ал екінші жартылай финалдық кез­десуде Ержан Шынкеев грузиялық балуан Гуран Тушишвилимен күш сынасып, белдесудің соңғы секундында қарсыласынан таза әдіспен жеңіліп қалды.
Турнирдің қола жүлдесін сарапқа салған Ержан Шынкеев пен Серік Бердімұрат арасында өткен тартысты бәсекеде қазақстандық балуанның асы­ғы алшысынан түсті. Әдісі мен тәсілі артық шыққан қарағандылық спортшы қарсыласынан айласын асырып, ұпай санымен жеңіске жетті. 
Сонымен, қазақ күресінен әлемнің ең мықты, ең күшті балуанын анықтар фи­нал­дық белдесуге қарсыластарын шалып та, алып та жыққан Айбек Нұғымаров пен Гурам Тушишвили шыққан болатын. Екі алыптың айқасы бастала сала грузиялық спортшы бірден шабуылға шығып, бүк ұпайын иеленген. Алайда Айбек те ұрымтал сәттің бірінде қарсыласын шалып жы­ғып, таразы басын теңестірді. Ар­палысқан сәттердің бірін­де қарсыласын қапсыра құ­шақтаған Нұғымаров грузин балуанының аяғын аспаннан келтірді. Сөйтіп, Айбек Нұғымаров қазақ күресінен 2017 жылғы «Әлем барысы» атанды. 
Қазақ күресінің абыройын асыр­ған «Әлем барысы» турнирінің же­ңімпазы мен жүлдегерлерін марапаттау шарасына Мәдениет жә­не спорт министрі Арыстанбек Мұха­ме­диұлы, Халықаралық Қазақ күресі федерациясының президенті Қанат Бозымбаев, «Қазақстан барысы» қазақ күресін дамыту қоры қамқорлық кеңесінің төрағасы Арман Шораев және «Қазақстан» РТРК» АҚ басшысы Ерлан Қарин қатысты. 2017 жылғы «Әлем барысы» Айбек Нұғымаровтың беліне «Алтын белбеуді» Қанат Бозымбаев байлады. Сонымен қатар, шығысқазақстандық балуанға 15 миллион теңгенің сертификаты табыс етілді. Екінші орын алған грузиялық Гурам Тушишвилиге «Күміс белбеу» мен 5 миллион теңге, ал үшінші орын иеленген қарағандылық Ержан Шын­кеевке «Қола белбеу» мен 3 миллион теңге көлемінде сыйақы берілді.
Жалпы, биылғы «Әлем барысы» турнирі 2014 жылғымен салыстырғанда жоғары деңгейде өтті. Оны жарыстың ұйымдастырылуымен қатар, «Барыс Арена» мұз сарайына жиналған жан­күйердің қарасынан-ақ байқауға болады. Сондай-ақ, «Әлем барысы» тур­нирі телевизия арқылы дүниенің төрт бұрышына көрсетілді. Мұндай ұлттық спорттық шара қазақтың атын әлемге таныта түсері сөзсіз.

Әли БИТӨРЕ,
«Егемен Қазақстан»

Суретті түсірген 
Жеңіс Ысқабай

СОҢҒЫ ЖАҢАЛЫҚТАР

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу