Түркі әлемі инженерлері мен сәулетшілер одағының ұйымдастыруымен 4 жылда бір рет өткізілетін халықаралық жобалар байқауының жеңімпаздарын марапаттау салтанаты Кайсери қаласында болды.
Түркияның Қоршаған орта және қала құрылысы министрлігінің қолдауымен өткен салтанатты жиынға мемлекет және қоғам қайраткерлері, Түркі әлеміне қызмет ететін ұйымдар өкілдерімен қатар, 36 мемлекеттен келген сәулет-құрылыс саласының үздіктері қатысты. Академия жүлдесі ұйымның тұрақты хатшысы Асхат Кесікбаевқа табыс етілді. Қатысушыларға TWESCO басшысы Дархан Қыдырәлінің құттықтау сәлемін жеткізген А.Кесікбаев Түркі академиясының қызметі мен іргелі жобалары жөнінде баяндап, ұйымдастырушыларға алғыс білдірді.
Айта кету керек, байқау нәтижесінде «Астана Экспо-2017» көрмесі «Қала құрылысы» номинациясында жеңімпаз атанды. Жалпы, байқау «Транс-құрлықтық ірі жобалар», «Инженерлік және сəулет жобалары», «Қала құрылысы», сондай-ақ «Дизайн жəне идеялық жобалар» номинациялары бойынша өтті.
