Алматыда Шерхан Мұртаза атындағы бильярд турнирі өтті

Халық жазушысы, қоғам қайраткері, сөз өнерінің наркескені атанған өткір тілді қаламгер, қазақтың Шер-ағасы – Шерхан Мұртазаның 85 жылдық мерейтойына орай, Алматыда «Егемен Қазақстан» кітапxанасы сериясымен шыққан «Намыс найзағайы» кітабының тұсаукесері және Түркияда түрік тілінде жарық көрген «Ай мен Айша» кітабының таныстырылымы, сондай-ақ, қаламгерлер арасында Шерхан Мұртаза атындағы бильярдтан дәстүрлі турнир өтті.  

Егемен Қазақстан
30.09.2017 20711

Тәуелсіздіктің елең-алаңында еліміздің бас басылымын басқарған, «редакторлардың редакторы» атанған Шерхан Мұртазаның он жыл ішіндегі газет бетіне жарияланған сұхбаттары, мақалалары, эсслері, ой-толғаныстары, көсемсөздері мен әдеби-көркем дүниелері топтастырылған «Намыс найзағайы» кітабының тұсаукесу рәсімінде «Егемен Қазақстан» республикалық газетінің АҚ Басқарма төрағасы Дархан Қыдырәлі ҚР Ақпарат және Коммуникациялар министрі Дәурен Абаевтың құттықтау хатын оқып берді. Шер-ағаңның замандас достары мен қаламдас іні-бауырлары жиналған шарада Қазақстан Жазушылар одағының төрағасы Нұрлан Оразалин, Қазақстан Ұлттық Ғылым академиясының президенті Мұрат Жұрынов бастаған ел ағалары біртуар қаламгер шығармашылығы мен қайраткерлігі жайлы сыр шертіп, жылы лебіздерін білдірді.

Шер-ағаң мерейтойына Түркиядан Түркі әлемі жазушылар одағының арнайы сыйлығы мен «Ай мен Айша» кітабын түрік тіліне аударып, сүйінші данасын алып келген аудармашы-жазушы Мәлік Отарбаев: «Тұтас бір дәуірдің тыныс-тіршілігін қамтитын, жазушы өзінің балалық шағын баяндап беретін «Ай мен Айша» романы о баста жарық көре салысымен-ақ, соны аударсам деген ой келген еді. Шығармадағы Айша апаның өзін біз бала кезде көргенбіз, ал өзін шығармада Барысхан деген кейіпкер арқылы көрсеткен Шерхан ағамызды туып-өскен, тұлға болып қалыптасқан ортасы мен үшін де таныс әрі бейтаныс әлем еді. Бірақ ол үшін аударма саласында біраз жұмыс істеп, ізденісте жүріп, тәжірибе жинақтау керек болды, қысқасы, бұл байыпты дайындықты қажет ететін жұмыс еді. Кейіннен кітапты қазақшадан түрікшеге екі жылдай жүріп аударған соң Қазақстанның Түркиядағы елшілігінің қолдауымен Түркияның Анкара қаласындағы Еуразия жазушылар қауымдастығының «Бенгу» деп аталатын баспасынан жарыққа шығардық. Аталмыш қауымдастық биыл түркі дүниесі әдебиетіне сіңірген еңбегі үшін Шер-ағаңа арнайы сыйлық тағайындап әрі осы кітаптың шығуына мұрындық болды. Кітапты оқып шығу бір бөлек те, оқып отырып аудару бір бөлек қой. Әр сөздің мағынасына терең үңіліп отырып, бұл романның тек қазақ оқырманы үшін ғана құнды дүние емес, жалпы адамзат тарихындағы өлмес туындылардың бірі екенін сезінесіз», – деді.

Кітаптар тұсаукесері шарасынан кейін өткізілген Шерxан Мұртаза атындағы бильярдтан дәстүрлі турнир шарасында «Егемен Қазақстан» РГ» АҚ Басқарма төрағасы Дархан Қыдырәлі: «Бұрын Алматыда Сейдахмет Бердіқұлов атындағы футболдан дәстүрлі шара болатын, бірақ ол қазір Астанада өтетін болды. Ал Шер-ағаңның сүйікті ойыны болған тастаяқтың бұдан былай Алматыдағы зиялы қауымның басын қосатын, жылда осы уақытта өткізілетін дәстүрлі шараға айналарына күмән жоқ», – десе, ғалым, публицист Намазалы Омашев: «Әсем Алматымызда Шерхан Мұртаза атындағы турнирдің өтіп тұруы – Шерағаңның аты үшін де, жалпы қалам ұстаған қауым үшін, журналистер үшін де өте пайдалы шара болмақ. Өйткені турнир барысында Шерағаңның мінез-құлқы, ұлтқа жасаған жақсылығы, сіңірген еңбегі айтылады, ал шығармашылық адамдары бір-бірімен жақын танысып, пікір алысады, сырласады. Журналистер – шығармашылық иелері. Кезінде Ғабит Мүсірепов, Ғабиден Мұстафин ағаларымыз бильярд жалпыхалықтық ойын болмай тұрған кездің өзінде оны көп ойнаған екен. Басқа ойын таппағандықтан емес, шығармашылық адамына өте пайдалы ойын болғандықтан. Сондықтан «Егемен Қазақстан» газетінің басшысы Дархан Қыдырәлінің бастауымен өтіп жатқан турнир елге де, жұртқа да, журналистерге пайдалы болатыны анық», – деп ағынан жарылды.

Шерхан Мұртаза атындағы аталмыш турнир қатысушыларының Ақсақалдар тобынан өз мергендігімен көзге түскен сатирик жазушы Толымбек Әлімбекұлы ынталандыру сыйлығына ие болса, белгілі ғалым, профессор Намазалы Омашев 3-ші орынды, генерал-майор Әділ Шаяхметов 2-ші орынды, ал 1-ші орынды журналист-жазушы Аяған Сандыбай иеленді. Сондай-ақ, Жастар тобынан «Ан-Арыс» баспасының Бас редакторы, ақын Кәдірбек Құныпияұлына ынталандыру сыйлығы бұйырса, 3-ші орынды саясаттанушы Айдос Сарым, 2-ші орынды «Қазақ әдебиетінің» Бас редакторы Жанарбек Әшімжан, 1-ші орынды жазушы-журналист Бекет Момынқұл ұтып алды. Айтпақшы, Бауыржан Момышұлының немере інісі, жазушы Бекет Момынқұл Шерхан Мұртазаның «Бір кем дүние» кітабының өзі аударған «Один изъян бытия» атты орысша нұсқасының бір-бір данасын жиналған қауымға сыйға таратты.

Мира БАЙБЕК,

«Егемен Қазақстан»

АЛМАТЫ

СОҢҒЫ ЖАҢАЛЫҚТАР

22.07.2018

Тары өндірісі тасада қалмасын десек...

22.07.2018

«Адвокаттық қызмет және заң көмегі туралы» Заңға арналған баспасөз мәслихаты өтті

22.07.2018

Білім гранттарының 70 пайызы «ІТ» мамандықтарына бөлінеді

22.07.2018

Қызылордада 18 ауылшаруашылық кооперетиві құрылды

22.07.2018

Шемонаиха тұрғындарына баспана кілті тапсырылды

22.07.2018

Бүгін ауа райы құбылмалы болады

21.07.2018

Денистің дара жолы

21.07.2018

ЖСҚ-ны әзірлеу ісі сылбыр

21.07.2018

Атыраулықтар Денис Тенмен қоштасты

21.07.2018

Тараз қаласына Денис Тенді еске алуға арналған баннер орнатылды

21.07.2018

Денис Тенді еске алу шаралары Өскемен мен Семейде өтті

21.07.2018

АҚШ-тың атақты хореографтары Астанада шеберлік сыныптарын өткізеді

21.07.2018

Қостанай облысында жыл басынан бері қылмыс азайған

21.07.2018

Астанада Денис Тенмен қоштасу рәсімі өтті

21.07.2018

Алматылықтар Денис Тенді ақтық сапарға шығарып салды

21.07.2018

Қостанай облысында жаз басталғалы 12 адам суға кетті

21.07.2018

Астаналықтар Smart Astana мобильді қосымшасы арқылы жұмыс таба алады

21.07.2018

Қызылордада «Ауылдық елді мекендерді ауыз сумен қамтамасыз ету» атты республикалық семинар өтті

21.07.2018

Қостанайда Дениспен қоштасу рәсімі өтті

21.07.2018

Қостанайда Ұлы Отан соғысының ғасыр жасаған ардагері ұлықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу