Тартысқа толы «Түркия туры»

Биылғы веломаусымды біз Франциядағы «Тур де Франс» пен Испаниядағы «Ла-Вуэльта» жарысынан кейін жылдың нүкте қояр жарысы «Түркия турына» атбасын тіредік.  

Егемен Қазақстан
17.10.2017 7694
2

Жастар жарқылдайтын жарыс

Түрік бауырларымыздың бұл жарысы биыл 53-рет өтті. Бас­тауын сонау 1963 жылдан алады. Тек осыған дейін біркүндік, кейіннен үш күндік болып, ақыры бір апталық жарысқа дейін көтерілген. Тек өткен жы­лы ғана осы дода әлемдік тур­лардың қатарынан орын алды. Яғни Халықаралық велоспортшылар қауымдастығы бұл доданы өз күнтізбесіне қосты. Ал бұл жолы кәнігі кәсіпқой командалар қатысты. Олардың саны көп те емес. Жалпы қатыс­қан 13 команданың тек алтауы ғана «Pro» командалар. Олар­дың ішінде біздің «Астана» ко­мандасы да бар. Ал жалпы жа­рысқа қатысқан танымал ша­бандоздардың ішінде гранд-турлар кезеңінде жеңіске жетіп жүрген сайыпқырандар болды. Мысалы, колумбиялық Дарвин Атапума, италиялық Диего Улис­си, чехиялық Леапольд Кео­­нигтер бұрыннан танымал мықтылар. Ал қазақстандық команда сапында бұл жолы негізгі үміт Андрей Зейц пен Иеспер Хансенге артылды. Одан бөлек жақында ғана келісімшартын ұзартқан Руслан Тілеубаев бар. Ол өткен жылы Қытайда өт­кен «Хайнянь турының» бір кезеңін жеңген еді. Одан бөлек бола­шағынан зор үміт күтетін жастарымыздың бірі Жандос Бижігітов қатысты. Жылдамдығы жоғары Рикардо Миналли деген италиялық спринтеріміз де осал емес. Жалпы алғанда «Түркия турына» «Астана» мықты құраммен келді. Команда тізгінін бұл жолы спорттық директор Дмитрий Седун ұстады.

Беннеттің білгірлігі

Бірінші күнгі спринтте бас­ты назар Рикардо Миналли де болды. Спринтерлік жарыс­тарда жүлде алып жүрген велошабандоз алдыңғы қатарда келгенімен жүлдегерлер қата­рына ене алмады. Соңғы бұры­лыста велосипедінің дөңгелегі жа­рылып, қырсық шалды. Бірінші күннің жарысын Сэм Беннет деген «Бора Хэнгсгрох» командасының спринтері жеңді. Екінші күні кеткен есені Миналли қалпына келтірді десек те болады. Әріптестерінің жақсы қимылынан кейін алға озып шыққан Миналли әлгі Беннетке қарағанда қас-қағым сәтке қалып кетті. Үнемі пелетонның соңында жүріп, дер кезінде шабуылға ыт­­қып шыға кететін Беннет бі­лікті екенін білдік. Себебі, ол үшін­ші кезеңді де жеңді. Осы ортада біздің бір шабандозы­мыз Сергей Чернецкий жарақат алып, жарыс жолынан шығып қалды. Яғни командамыз өзгелер секілді 8 шабандозбен емес, 7-еумен қалды. Мұның өзі біз­дің команданы сәл де болса әл­сіреткені рас. Алайда, төртінші таулы кезеңде командадағы жігіттер Чернецкийдің жоқтығын білдіртпеуге тырысты. Соңғы 30 шақырым қалғанда Дмитрий Груздев алдыңғы қатарға түсіп, Зейц пен Хансенді алға жетеледі. Өзі шаршаған соң, кезек Зейцке келді. Андрей тауға қарай өр­мелеуде мықты екен, соңғы үш шақырым қалғанға дейін Хан­сенді жетелеп келді. Одан кейін алға ұмтылған даниялық шабандозымыз Диего Улиссимен тайталасты. Оның да аңдығаны осы екен, керекті сәтте шап беріп алға озды. Дегенмен екінші орынның өзі де жаман емес. Хансен мәреге Улиссиден 5 секундтан кейін келді.

Тарихтың тәлкегі

Осы ортада бір қызықты оқи­ғаның бетін шалсақ. «Түр­кия туры» жарысының ресми ақпараттарының ішінде жа­рыстың тарихы жазылған па­рақтарды көрдік. Қазақстанның екі шабандозы Сергей Лав­ри­ненко мен Александр Дья­ченко Қырғызстанның туымен белгіленіпті. Ал 1995 жылы жеңімпаз атанған, марқұм Андрей Кивилев тіпті Ресей азаматы деп көрсетілген. Кейіннен Александр Винокуровтан сұрап білгенімізде, бұл жағдай тіпті өзгеше болыпты. Жарыстың жеңімпазын түріктер басқа шабандозды көрсетіп, шатасқан екен. Сосын, оны байқаған Алек­сандр «Түркия турын» ұйым­дастырушыларға фотолармен дәлелдеп көрсетіп беріпті. Ол суретте Андрей Кивилев 1995 жылы «Түркия турын» жеңіп, қолында гүл ұстап тұр. Міне, осылайша, жарыстың тарихы да осылай түзелді. Ал енді 1991 жылы осы доданы кім жеңгені әлі күнге дейін белгісіз.

Хансен екінші орында

Шапшаңдар шашаларына шаң жұқтырмай жеңіске жетіп жүрген шақта, таулы кезеңге де келіп жеттік. Жарыстың төр­тінші күні көп мәселенің бетін ашты. Жарыстағы ең мық­ты шабандоздардың бірі Диего Улисси Біріккен Араб Әмір­лік­терінің командасына жеңіс сыйлады. Жаңадан құрылған жас команда сапындағы италиялық өзіне артылған сенімді ақта­ды. Онымен тең дәрежеде тай­таласқан «Астана» шабандозы Иеспер Хансен екінші орыннан көрінді. Жас даниялық спорт­шы елорда ұжымының бола­шағына баланады. Өз отандасы Якоб Фульсангтің жолын жалғастырамын деп тебініп тұр. Одан кейінгі 5-6 кезеңдерде спринтерлер қайтадан ойнақ сал­ды. Бірде Беннет, бірде Тюнс жеңімпаз болды. Ал ең басты есептегі екінші орын біздің еншімізде кетті.

Ермұхамед МӘУЛЕН,
«Егемен Қазақстан» – Түркиядан

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу