Баспасөз-2018: Елдіктің үні «Егемен Қазақстан»

Қазіргі уақытта нарық пен бәсекелестіктің қатаң талабы сан түрлі салаға сындарлы сынақ жүргізіп жатыр. Бұл баспасөзге де қатысты. Соның ішінде жаңа заманның қанат байлап ұшқандай ұшқыр жаңалығы дәстүрлі медианың дамуына да жан-жақты әсер етуде. Өйткені жаңа технология жетістіктері интернет кеңістігінің ұшы-қиырсыз әрі қолжетімді екенін көрсетті.

Егемен Қазақстан
18.10.2017 744

Ол өзінің ақпарат таратудағы жаңа құралдарын әр адамның қолына оңай ұстатып отыр. Талғамға таразы жоқ. Десек те ойлы оқырманымыздың ормандай ұйысып, аға басылыммен байланысына берік болып қалуы біздің жауапкершілігімізді үстей түсті.

Ақпараттық аламанға ат қосушылар көбейіп тұрса да, «Егемен Қазақстан» газетінің таралымы тұрақты. Биыл да оқырман ойынан шығып, осы үдеден табыламыз деген сенім бар.

Бас басылымның соңғы жыл бедерінде жаңа ребрендингке ауысып, заманауи талаптарға сай жарық көре бастағаны белгілі. Яғни газеттің еуропалық пішімде шығуы қоғамдық көлікте де, ұшақта да қолға қолайлы ұсталуына, сараптау мен саралауға құрылған материалдар мазмұнының байытылуы толық әрі сенімді ақпарат көзін қалыптастыруға, жазбалар көлемінің ықшамдалуы уақытты үнемдеуге өте пайдалы екенін байқатты.

Елбасы Нұрсұлтан Назарбаев «Отанымыздың бас газеті» деп баға берген байырғы басылымның барлық өңірде меншікті тілшілері мен тілшілер қосындарының болуы Қазақстанның ақпараттық кеңістігін толық қамтитын рухани әлеуетін көрсетеді. Бұл ресурсқа соңғы кезде бірқатар алыс-жақын шет елдерден тұрақты авторлардың қосылуы да жер-жаһан тынысын көзбен көрген, қолмен ұстаған жаны бар ақпараттарға қанықтыра түспек.

Әлбетте, газетті газет күйінде оқыған ләзім. Оның компьютер, смартфон мен планшетке қарағанда көз жанарына әсері, жадыға жатталуы ерекше болатынын сарапшылар жиі айтып жүр. Бас басылым оқырмандарының басым бөлігін мемлекеттік қызметшілер, мұғалімдер мен дәрігерлер, әлеуметтік сала сияқты бюджет қызметкерлері мен басқа да сала мамандары құрайтындықтан, газеттің саясат пен экономикадан тыс әлеумет, білім мен ғылым саласына арналған арнаулы беттеріне, жобаларына маңыз беріліп отыр.

Айталық, білім саласы бойынша жыл басынан бері мектеп пен балабақша қызметкерлеріне арналған «Тәлім» беті, жоғары білім беру үрдісіне бағытталған «Білім» беті шығып келеді.

Бұл алыстағы ауылдар үшін жаңа білім жүйесінің жаңалықтары мен әдістемелерінен хабардар болып отыруға жасалған мүмкіндік ретінде бағаланып отыр. Онымен шектелмей, оқушыларды биылғы жаңа форматтағы Ұлттық бірыңғай тестілеуге даярлауға газеттен көлемді орын берілді. 

Осы іспетті жобалар әлі де жалғасын табады. Бұл ретте редакция өзекті оқиғаларға бей-жай қарамайтын оқырманмен тығыз байланыс орнатуға мүдделі. Бас басылымның даму тұжырымдамасы да осы мақсатқа негізделген. Биылдан бастап «Егемен Қазақстан» газетін Астана мен Алматы қалаларында «Қазпошта» бөлімшелерімен бірге Халыққа қызмет көрсету орталықтарынан да сатып алуға болады. Газетті тарату мен сату желілерін одан әрі кеңейту көзделіп отыр. Мұның барлығы «Егеменді» елге жақындатудың жолы. Сондықтан жазылымның жаңа маусымына да белсене атсалысыңыздар, «Егеменді» елге жақындататын Сіз, мәртебелі оқырман!
 

СОҢҒЫ ЖАҢАЛЫҚТАР

14.08.2018

Дзюдошы қыздар үш жүлде алуды көздеуде

14.08.2018

Делдалшылар көмір бағасын қолдан жасап отыр

14.08.2018

Астанада «Сергек» камераларының көмегімен 2 мыңға жуық әкімшілік құқық бұзушылық анықталған

14.08.2018

Құқықтық талапты сақтаса шетел телеарналарына шектеу жоқ - Дәурен Абаев

14.08.2018

БҰҰ Бас хатшысы Каспий теңізінің құқықтық мәртебесі туралы конвенцияға қол қоюын құптайды

14.08.2018

Қорытынды көрсеткіштер көңілге қонымды

14.08.2018

Қара жолдың қасиеті

14.08.2018

Бұқар жырау Қалқаманұлының 350 жылдығына арналған көрме-байқауы өтті

14.08.2018

Қажымұқан көтерген тас

14.08.2018

Арал аумағында атқарылар шаруа көп

14.08.2018

«Хрущевкалардан» құтылудың тиімді тетігі

14.08.2018

Оқулық шығаруда олқылықтарға жол берілмеуі қажет

14.08.2018

Байзақ батыр кесенесі

14.08.2018

Жеті айдың қорытындысы бойынша экономикалық өсім 4% құрады — ҚР ҰЭМ

14.08.2018

Ұлы Абайдың туған күні тұңғыш рет Ташкентте тойланды

14.08.2018

Шәкәрімнің үш анығы

14.08.2018

Қолма-қол ақшасыз есеп айырысулар саны өсуде

14.08.2018

Цифрлы қаржы: тез, арзан, тиімді

14.08.2018

Дулат Исабековтің кітапханасы ашылды

14.08.2018

Бекболат Әдетов шыққан белестер

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

Жақсыбай САМРАТ, «Егемен Қазақстан»

Халық санының артуы – елге құт

Халық санының артуы Қазақстан сияқты жер көлемі үлкен, халық саны аз мем­лекеттерге ежелден маңызды мәселе­лердің бірі болып келеді. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу