Оның жұмысына Астанадағы ЕҚЫҰ бағдарламалар кеңсесінің өкілдері, ЕҚЫҰ Демократиялық институттар мен адам құқықтары жөніндегі бюросы, орталық мемлекеттік органдар, министрліктер мен ведомстволар, сондай-ақ үкіметтік емес ұйымдардың өкілдері қатысты. Семинар-тренингке қатысушыларға Орталық сайлау комиссиясы төрағасының орынбасары Константин Петров және ЕҚЫҰ-ның Астанадағы бағдарламалары кеңсесінің басшысы, елші Дьердь Сабо құттықтау сөз сөйледі.
«Қазақстан Республикасының Орталық сайлау комиссиясы әлеуетті бақылаушылар тобын қалыптастыру бойынша жұмыстар жүргізуде. Осы мақсатта ОСК жыл сайын Астанадағы ЕҚЫҰ бағдарламалары кеңсесімен бірлесіп семинарлар өткізеді. Бүгінгі семинар сайлаушылар тізімдерін қалыптастыру мәселелеріне арналған. Біз халықаралық стандарттарды, қалыптасқан жағдай және кейбір шет мемлекеттердің тәжірибелерін қарастырудамыз», – деп атап өтті К.Петров. Ал ОСК мүшесі Марат Сәрсембаев сайлаушылардың тізімдерін қолдану тәртібін реттейтін халықаралық және ЕҚЫҰ құжаттарының нормаларын түсіндірді. Семинарда, сондай-ақ «Сайлаушыларды тіркеу – халықаралық стандарттар және тәжірибе» тақырыбында ЕҚЫҰ/ДИАҚБ-ның сайлау жөніндегі кеңесшісі Радивое Груичтің тұсаукесері өтті.
Семинар-тренинг жұмысы барысында қатысушылар сайлау күндерінде ЕҚЫҰ/ДИАҚБ-ның миссиясы құрамында сайлаушылар тізімін жасау мен пайдаланудың халықаралық байқаудың ерекшеліктерін де талқылады. Өзбекстан Республикасындағы және Қырғыз Республикасындағы сайлауды байқауға қатысу, соның ішінде сайлау күндерінде сайлаушылар тізімдерін іс жүзінде қолдану процесін байқау тәжірибесімен бөлісті.
Жиын соңында 2018 жылы ЕҚЫҰ/ДИАҚБ миссияларының құрамында байқау жүргізу тәжірибесін одан әрі жетілдіру жөнінде пікір алмасылды.
Әлисұлтан ҚҰЛАНБАЙ,
«Егемен Қазақстан»