Әлем • 21 Қараша, 2017

Токио орталық кітапханасында Қазақстан әдебиеті және мәдениеті орталығы ашылды

549 рет
көрсетілді
1 мин
оқу үшін

Жақында Токио орталық кітапханасында Қазақстан әдебиеті және мәдениеті орталығы ашылды.

Токио орталық кітапханасында Қазақстан әдебиеті және мәдениеті орталығы ашылды

Айтулы іс-шараға Қазақстан Республикасының Жапониядағы Төтенше және өкілетті елшісі Ерлан Баударбек-Қожатаев, Астана қаласындағы Ұлттық академия­лық кітапхананың басшысы Үміт­хан Мұңалбаева, философия ғы­лым­­­дарының докторы, академик Ға­рифолла Есім, «Жұлдыз» әде­­б­и-көркем жур­налының бас ре­дак­­торы Ұлық­бек Есдәулет, фило­­л­о­гия ғылым­дарының докторы Тұр­сын Жұрт­бай, филология ғылым­дары­ның кандидаты, Еура­зия ұл­ттық уни­вер­ситеті­нің до­центі Оңайгүл Тұр­жан, Жа­по­ниядағы шығар­ма­шы­­л­ық зиялы қауым, Токиодағы қазақ диас­порасының өкілдері қатыс­ты.

Токиолық оқырмандар бұдан былай қазақ халқының салт-дәстүрі, мәдениеті, өнерімен өз кітап­ха­наларындағы орталық ар­қы­лы жақын таныса алады. Ор­та­лықта Президент Нұрсұлтан Назарбаевтың әлемдік саяси арена­­дағы орны мен рөліне арнал­­ған кітаптар, Президенттің автор­лығымен жарық көрген еңбектері, тарих, ғылыми-көпшілік және көркем әдебиет кітаптары қойыл­мақ. Еліміз тарапынан Токио орта­лық кітапханасына барлығы 200-ге жуық кітап тапсырылды.

Қазақстан әдебиеті мен мәде­ниеті орталығы Мәдениет және спорт министрлігі, Сыртқы істер министр­лігі, Қазақстанның Жа­по­ния­дағы елшілігінің ықпал­дасуы­мен ашылды.

Токио орталық кітапханасы 1973 жылы Токио астаналық кітап­ханасы ретінде құрылған. Оның қорында 1,98 миллионға жуық кітап, 6000 журнал мен газет, әр­түрлі аудиовизуал­ды және сирек құ­жат­­т­ар (Ukiyo-e мен Эдо мұнара­сы­ның ар­хитектуралық эскиздері) бар. Соны­мен қатар Орт­алық кітап­­хана Токиодағы қоғам­дық кітап­­хана­лар­дың арасын­да шетел әде­биеті­нің айрықша кол­лек­ция­ларын сақ­таған. Бұл кол­лек­ция Орта­лық кітап­ханада бар жалпы қордың оннан бір бөлігін құрайды.

«Егемен-ақпарат»