Көп күттірген қола медаль

Швеция. Эстерсунд қаласы. Биатлоншылар эстафетасы. Əлем кубогінің алғашқы кезеңі. Көп күттірген қола жүлде. Алғаш рет. Тарихи жетістік. Галина Вишневская мен Максим Браунға тиесілі. Галинаның осыған дейін топ жармаса да, үздіктермен тең дәрежеде өнер көрсетіп жүргенін білеміз. Ал бұл жолы Максим Браунның бір сәтте бағы жанып, тынысы ашылғанын байқадық. Әлемдік биатлонның алғашқы жүздігінде жүретін жігітіміз ендігі медаль еншілейтін күнге жетті.

Егемен Қазақстан
29.11.2017 5233
2

Біз, қазақ еліне биатлоннан Əлем кубогы кезеңінде алғашқы жүлдені сыйлаған Максим Браунның анасымен тілдестік. Павлодардағы орта мектептің бірінде мұғалім екен. Хореограф. Ақжарқын кісі. Ағынан жарылды. Ұлының жеңісінен кейінгі əсерімен бөлісті.

– Əлі сене алар емеспін. Кешеден бері телефонымызда тыным жоқ. Туған-туыстарымыз, достарымыз, көршілеріміз құттықтап жатыр. Қазақ елінің мерейі үстем болды. Максимді ғана емес, баршаңызды тарихи жеңісімізбен құттықтаймын, – деп бастады қуаныштан көзіне жас алған Браун Ольга Владимирқызы.

– Жарысты қайдан көрдіңіздер? Ұлдарыңыздың жүлде алатынына сендіңіздер ме?

– Үйде отбасымызбен отырып көрдік. Болашақ келініміз де бізбен бірге болды. Трансляцияны үйде инттернеттен тамашаладық. Ұлымның жылдар бойғы еңбегінің ақталғанына қуанамын. Жүлде алмаса да жерге қаратпайтынына сендім. Максим мəреге жеткенше əзер шыдадық. Абырой болғанда қолаға қол жеткізді. Алдағы уақытта талай тұғырдан көретінімізге сенімдіміз. Қандай жарысқа қатысса да әкесі екеуіміз тілеушісі болып отырамыз.

– Максим қанша жасынан биатлонмен шұғылданып келеді? Бұл спортты таңдауының сыры неде?

– Қатарластары секілді алғашында футболға қатысты. Бірақ атасы футболды құптай қоймады. Қысқы спортпен айналысқанын қалады. 4-сыныптан бастап биатлонға апардық. Басында ұнатпай жүрді. Дегенмен көп ұзамай үйреніп кетті. Оқуда да үлгерімі жақсы болды. Жаттығудан қалмайтын. Жастайынан жарыстарға көп барды. Талай додада топ жарды. Ел чемпионы атанды. Универсиадада жақсы өнер көрсетті. Халықаралық дәрежедегі спорт шебері. Енді міне бұрын-соңды болмаған жетістікке қол жеткізіп отыр. Қолдағандарға көп рахмет! Осындай биіктен көрінуі білікті мамандардың арқасы. Бапкерлеріне мың алғыс!

Осыдан кейін Максим Браунның алғашқы бапкері Николай Выдринге хабарластық. Шучинскте оқу-жаттығу жиынында жүрген бапкер шәкіртінің жетістігіне дән риза екен.

– Жарыстан соң Максим бірден хабарласты. Толқып жүр. Мықтылардан озғанына өзі де қуанышты. Екі дүркін Олимпиада чемпионы, 11 дүркін әлем чемпионы Мартен Фуркадты озып кеткеніне өзі де сене алар емес. Енді өзіңіз ойлап көріңіз. Оңай емес. Керемет жетістік. Жеңіс жолын жалғастырады деп сенемін.

– Максимнің алғаш жаттығуға келгені есіңізде ме?

– Əрине. 2005 жыл болатын. Бойы кішкентай, арық еді. Бірақ, өте еңбекқор-тын. Жаттығудан жалықпайтын. Қиындықтан қашпайтын. Өзгелерден ерекше болды деп айта алмаймын. Дегенмен табандылығының, төзімділігінің, өз еңбегінің арқасында осындай жетістікке жетті. Шəкіртім үшін қуаныштымын.

– Максимнің жетістігі елімізде биатлонның дамуына қаншалықты септігін тигізеді деп ойлайсыз?

– Мына бір жайтқа назар аударайық, қазір жұрт балаларын қысқы спортқа көп əкеледі. Қол астымда 70-ке жуық жасөспірім жаттығып жүр. Бұл көзқарастың өзгергені. Ал Максимнің жеңісінен кейін жұрттың қызығушылығы одан сайын арта түсетініне сенімдімін. Өткенге көз жүгіртіп көрейікші, осыдан 10 жыл бұрынғы жағдай мүлде басқа еді. Биатлонға қажетті спорттық құрал-жабдықтар жоқ болатын. Қазір жағдайымыз жақсарып келеді. Мемлекет тарапынан жұмыстар жасалды. Щучинскте спорттық база салынып жатыр. Іске қосылғанын асыға күтіп жүрміз. Дұрыс жолда екеніміз анық. Талай чемпиондарды тəрбиелейміз, бұйыртса!

Ата-анасы мен бапкерлерінің көз қуанышына айналған Максим Браунды қазақстандық мамандар болашағы зор спортшы деп топшылап отыр. Келер жылы Олимпиада ойындарында еліміздің намысын аброймен қорғайтын спортшының бірі дейді. Ал алғашқы мақтауын естіп, ел назарына түскенін біліп жүрген Максим қазір, бұл жетістікпен шектеліп қалмай, келесі кезеңдерге күш салады. Айта кетейік, биатлоннан Әлем кубогының алғашқы кезеңі 3 жетоқсанға дейін жалғаспақ. Біз, әрине де Эстерсундтан елең еткізер тағы бір жағымды жаңалық күтетін боламыз.

Еркебұлан Жомарт,

«Егемен Қазақстан».

СОҢҒЫ ЖАҢАЛЫҚТАР

12.12.2018

Елбасының «Ұлы даланың жеті қыры» атты мақаласын талқылауға арналған TEDx форматында жиын өтті

12.12.2018

Мемлекет басшысының төрағалығымен Түркістан қаласын дамыту мәселелері жөнінде кеңес өтті

12.12.2018

Астанада Гейдар Алиевті еске алды

12.12.2018

Алматыда ережесіз жекпе-жектен жарыс өтеді

12.12.2018

«Жер жәннаты – Ақмола» деп аталатын жинақ жарыққа шықты

12.12.2018

Солтүстік Қазақстанда Желтоқсан құрбанын еске алу турнирі өтті

12.12.2018

Сенатта сыбайлас жемқорлыққа қарсы стратегияны іске асыру мәселелері талқыланды

12.12.2018

Солтүстік Қазақстанда цифрлы сүт фермасы іске қосылды

12.12.2018

Қазақ киносының Бауыржанын еске алды

12.12.2018

«Маңғыстау - адалдық алаңы» жобалық кеңсесі ашылды

12.12.2018

Павлодар облысында тұрғындар ауыз суды Ертіс өзенінен алуға мәжбүр

12.12.2018

Солтүстік Қазақстанда қарымды қаламгер Мәлік Мұқановтың  мерейтойы атап өтілді

12.12.2018

Маңғыстау полицейлерінің жалақылары өседі

12.12.2018

Отандық автоөндіріс саласының инвесторлары Қостанайда болды

12.12.2018

Конькиден Алматы қаласының біріншілігі аяқталды

12.12.2018

Қыздар университетінде тұрмыстық әлімжеттікке қарсы жиын өтті

12.12.2018

Қазақ спорт және туризм академиясында Президенттің «Ұлы даланың жеті қыры» мақаласы талқыланды

12.12.2018

Қарағанды облысында 2019 жылдың бюджеті бекітілді

12.12.2018

Павлодарда патриоттық әндер фестивалі өтті

12.12.2018

Шытырман оқиға жазудың жүйріктері анықталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

Сейфолла ШАЙЫНҒАЗЫ, «Егемен Қазақстан»

Aqparattar aýqymyndaǵy aqıqat

Taıaýda Almatyda ótken medıaquryltaıda Qazaqstandaǵy buqaralyq aqparat qural­darynyń qazirgi jaı-kúıi keńinen áńgime boldy. Mamandar tarapynan aıtylǵan pikirlerge qulaq qoıar bolsaq, sońǵy jyldary qazaqstandyq BAQ-tyń, ásire telearnalardyń reıtıngi aıtarlyqtaı túsip ketken. Máselen, 2013 jyldan bergi aralyqta bul kórsetkish 22 paıyzǵa tómendegen eken. Onyń sebebi nede?

ҰҚСАС ЖАҢАЛЫҚТАР

Тағы да оқу

Пікір қосу