Маңғыстауда төрт әлеуметтік нысан пайдалануға берілді

Маңғыстау облысында ҚР Тұңғыш Президенті күні мересіне орай әлеуметтік маңызы бар бірнеше нысан ашылды. Ел игіліне берілген жаңа ғимараттың бірі Түпқараған ауданына қарасты Таушық ауылындағы 100 орындық «Күншуақ» балабақшасы. Тәрбие ошағы Елбасының  «Рухани жаңғыру» бағдарламасының «Азаматтық бастамалар картасы» базалық жобасы аясында салынған.

Егемен Қазақстан
02.12.2017 16616

Жалпы сомасы 406 млн. теңгені құрайтын жаңа нысанның ашылу салтанатына облыс әкімі Ералы Тоғжанов қатысты. «Еліміздің бірлігінен асқан аса қадірлі ұғым жоқ. Қазақстанның өсуі де, өнуі де бірлік пен елдіктің арқасы. Соның арқасында экономика көтерілді. Бір аудан бойынша балабақша мәселесін толық шешуге жағдай жасалып жатыр. Осындай балабақшамен 98 пайыз деңгейде қамтамасыз етуге жеткелі отырмыз. Яғни, кішкентай бүлдіршіндерге жақсы жағдай жасай алсақ, соның бәрі тәуелсіз Қазақстанның жаңа мүмкіндігі болмақ»-, деді сөз алған аймақ басшысы.  Салтанатты рәсімнен кейін Ералы Тоғжанов ауыл тұрғындарымен кездесіп, Маңғыстауда жүргізіліп жатқан маңызды стратегиялық жобаларды талқылап, аймақтың әлеуметтік-экономикалық көрсеткіштерін айтып берді. Ал, ақсақалдар қауымы  өз ризашылықтарын білдіріп, жылы лебіздерін жеткізді.

Айтулы мереке қарсаңында алты алашқа тарту ретінде есік ашқан тағы бір нысан Ақшұқыр ауылындағы Ер Қосай Құдайке атындағы спорт кешені. Спорт ғимаратының жалпы аумағы 400 га жерді алып жатыр. Мұнда бір мезетте 400 адам жаттығуға жағдай жасалған. «Туған жер» бағдарламасы аясында жергілікті кәсіпкерлердің өз қаражатымен салынған спорт кешенінің құрылысына 65 млн теңге жұмсалды.

Сондай-ақ, Ақшұқыр ауылында «Жоламан» медициналық орталығы салтанатты түрде ел пайдасына берілді.  Емхана жүрек, қан-тамыр,тіс, көз, құлақ, мұрын тағы басқа  ауруларды қарайтын аппараттармен толық жабдықталған. Орталықтың 1 мезетте 15 адамды қарауға мүмкіндігі мол. Шағын ғана ауылымыз үшін бұл үлкен орталық дейді, тұрғындар. Маңғыстауда жылына 20 мыңнан астам бала дүниеге келеді. Сондықтан қазіргі таңда ата-аналар үшін ең керекті нысан – балабақша. Болашақта облыста  бөбекжай жетіспеушілігін толық жоюға мүмкіндік жасалуда. Аймақ басшысы бүлдіршін тәрбиелейтін тағы бір білім ошағының салтанатты ашылуына қатысып, Ақшұқыр тұрғындарының қуанышына ортақтасты.  140 балаға шақталған «Алма» балабақшасына жеке кәсіпкер 640 млн теңге жұмсаған. 30-дан астам адамды жұмыспен қамтып отыр. Айта кетейік, бұл ауылдағы кәсіпкерлердің қаражатына салынған 7-ші балабақша.

Ашылу салтанаты айтулы мерекеге тұспа-тұс келген және бір нысан Ақшұқыр ауылында жаңа мешіт. Жергілікті кәсіпкерлердің қаражатымен бой көтерген құлшылық үйі бүгін, яғни жұма күні пайдалануға берілді. Бірлік пен ынтымақтың, имандылық пен бауырмалдықтың рухани қайнар көзі, мұсылманды бір жерге тоғыстыратын, зор мәні бар рухани орталықтың ашылуына ауыл тұрғындары түгел жиналды. Мешітте 1 мезетте 500 адам құлшылық ете алады. Құрылысқа халықтан және жеке кәсіпкерлердің демеушілігімен жиналған 50 млн теңге жұмсалыпты. Шарада сөз алған Ералы Тоғжанов: «Діннің тазалығы – елдің тазалығы. Елдің тазалығы – халықтың рухының биіктігі, осының арқасында қазақ елі де, халқы да бір бола алады. Басқа бағытқа кеткен елдердің жағдайы бәріңізге мәлім. Еліміздегі бірлік пен бейбітшілікті мақтан тұтайық және соған берік болайық. Имандылыққа бастаған ниетпен жиналдыңыздар. Тойымыз құтты болсын!» ,-деп өз лебізін жеткізді.

«Таушық ауыл шаруашылығы» ЖШС ауыл халқын жұмыспен қамтып, өңірдегі шағын және орта бизнестің дамуына үлес қосып отырған шаруашылық. Кәсіпорын түйе, жылқы, қой өсірумен айналысады. Тауарлы мал өнімдерін өндіріп, халыққа тұтынуға шығарады. Серіктестік қарамағында шұбат шығаратын цех; жүн өңдеу цехы; мал сою алаңы; наубайхана; бау-бақша; қарабалық аулау шаруашылығы; сусындар шығаратын цех бар. Қазіргі таңда 2000 бас түйе, 200 жылқы, 1000 бас қой өсірілуде. Кәсіпорынның жетістігі сол – елімізде «асыл тұқымды қазақтың қос өркешті айыр түйесін өсіретін шаруашылық» және «асыл тұқымды қазақтың адай жылқысын өсіретін шаруашылық» мәртебесін иеленген. Кәсіпорында 120 адам жұмыс жасайды. Ералы Тоғжанов жұмысшылармен кездесіп, шаруашылықтың ұжымына табыс пен еңбектеріне жеміс тіледі, деп хабарлады редакция тілшісіне Маңғыстау облысы әкімінің баспасөз қызметі.

Гүлайым ШЫНТЕМІРҚЫЗЫ,

«Егемен Қазақстан»

Суретке түсірген Серік МАЙЕМЕРОВ

Маңғыстау облысы

СОҢҒЫ ЖАҢАЛЫҚТАР

25.06.2018

Нұрсұлтан Назарбаев Түркия Президенті Режеп Тайип Ердоғанмен телефон арқылы сөйлесті

25.06.2018

Сенат комитетінде білім беру мәселелері туралы заң жобалары қаралды

25.06.2018

Бақытжан Сағынтаев Ақмола облысының Мамандандырылған Халыққа қызмет көрсету орталығында болды

25.06.2018

«Біліммен – болашаққа» түлектер кездесуі өтті

25.06.2018

Қырымбек Көшербаев: Цифрлық технологиялар жаңа заманның «мұнайы»

25.06.2018

Тартылыс заңы немесе туристерді тамсандырған шаһар

25.06.2018

Ұлттық домбыра күні Астанада «Домбыра – асыл мұра» көпшілік серуені өтеді

25.06.2018

Сенат Төрағасы журналистерді кәсіби мерекесімен құттықтады

25.06.2018

Қорғаныс министрлігінің басшылығы республикалық БАҚ жетекшілерімен кездесу өткізді

25.06.2018

Бессайыстан әлем кубогы аяқталды

25.06.2018

Маңғыстаулық мемлекеттік қызметшілер қос мерекені атап өтті

25.06.2018

1 шілдеден бастап зейнетақы мөлшері артады

25.06.2018

Тәртіпті таксидің жұлдызды шағы

25.06.2018

Сағынтаевтың қатысуымен Ақмола облысының денсаулық сақтау жүйесі талқыланды

25.06.2018

Семейде Сабантой мерекесі облыстық деңгейде тойланды

25.06.2018

Мың бояулы шаһардың бір күні

25.06.2018

ҚР ЕХӘҚМ базалық зейнетақы қалай есептелетінін түсіндірді

25.06.2018

Премьер-Министр жұмыс сапарымен Ақмола облысына барды

25.06.2018

Ақтауда университет түлектеріне диплом табысталды

25.06.2018

77 жылдан соң оралу

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Асқақтатам деп, аласартып алмайық

Бір әріптесіміз көгілдір экраннан «тақыр жерде тұрғызылған қала» туралы көсіліп сөйлеп тұр. Тақырып Астана туралы екен. Мерейтойы иек астына келіп қалған шаһарды мақтауға теңеу таппай қатты қиналса керек, тілінің ұшына оралған тіркестің түрі әлгіндей.

Жолдыбай БАЗАР, «Егемен Қазақстан»

Бас ауырып, балтыр сыздағанда...

Халықты әлеуметтік тұрғыда қолдау ісі мемлекеттік саясаттың басым бағыттарының бірі екені дау тудырмайды. Дегенмен қолға алынған әлеуметтік шаралардың ойдағыдай жүзеге асуына кейбір келеңсіз жағдаяттардың кедергі келтіріп, тұрғындардың көңіл-күйіне кері әсерін тигізіп жататыны жасырын емес.

Александр ТАСБОЛАТОВ, «Егемен Қазақстан»

Ақты ақ, қараны қара деген ұтады -Александр ТАСБОЛАТ

Сотқа жүгінбейтін адам жоқ. Бірақ солардың дені «Мен сүттен ақ, судан тазамын» дейді. Яғни «Мен кінәлімін, мен ұры­мын, мен парақормын» деп ешкім айта қоймайды. Және тараптардың қай-қай­сының да сотта келтірген уәждері сенім­ді көрі­неді. 

Сұңғат ӘЛІПБАЙ, «Егемен Қазақстан»

Астық шығымы неге артпайды?

Кейінгі жылдары еліміздің егін шаруашылығы саласына келіп жатқан жаңа технологиялардың нәтижесінде мұндағы еңбек өнімділігінің өсе бас­тағаны белгілі. 

Дархан ҚЫДЫРӘЛІ, «Егемен Қазақстан»

Түркістан – тамырластық тұғыры

Түркістан екі дүние есігі ғой, Түркістан ер түріктің бесігі ғой, Тамаша Түркістандай жерде туған, Түріктің Тәңірі берген несібі ғой!

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу