100 жаңа есім жайлы кiтаптар шығарылып, деректi фильмдер түсiрiледi

Кеше Астанада Ақпарат және ком­му­никациялар министрлігінің жанын­дағы Қоғамдық кеңестің кезекті отырысы өтті. Ақпарат, ақпараттық коммуникациялық технологиялар мен мемлекеттiк қызметтердi көрсету салаларын дамыту мәселелерi сөз болған жиынға Парламент Мәжілісінің депутаттары мен Ақпарат және коммуникациялар министрі Дәурен Абаев, Қоғамдық кеңестің мүшелері қатысты.

Егемен Қазақстан
06.12.2017 3459
2

Мәжіліс депутаты Қуаныш Сұл­танов жетекшілік еткен кеңес отырысында Елбасының «Бола­шаққа бағдар: рухани жаң­ғыру» бағдарламалық мақала­сын ел ішінде кеңінен насихат­тау жұмыстарының жай-күйі тал­қыланды. Сонымен қа­тар бас­қосуда сөз алған Ақпа­рат және коммуникациялар ми­нистрі Д.Абаев жақында ғана өз мәресіне жеткен «Қазақстанның 100 жаңа есімі» жобасы бойынша алдағы уақытқа жоспарланған жұмыстарынан хабардар етті.

«Біз күні кеше ғана Мем­лекет басшысының қатысуымен ауқымды жиын өткіздік. Онда қо­ғамда қызу талқыланып, қа­таң таразылау арқылы «Қазақ­­станның 100 жаңа есімі» анық­­та­лып, елге жария етілді. Атал­ған жоба аясында біз ар­найы жол картасын әзірледік. Нә­ти­же­сінде, келер жылы осы үздік жүз­дікке енген адамдарға арналған 100 теленовелла жарыққа шығады деген сенімдемін. Мұн­дай бас­тама жөнінде алдағы уа­қытта толығырақ айта жатармыз», деген министр Мемлекет басшысының айрықша назар аударуына орай, жүз жаңа есімнің қатарында жобаға қатысқан 2 100 адам да назардан тыс қал­май­тындығын атап өтті.

«Қазақстанның 100 жаңа есімі» жобасының үздіктерін таныстыру шарасы кезінде Президент Нұрсұлтан Назарбаев жалпы тізімге қанша адамның тіркелгенін сұрады. Мен 2 100 адам екенін атадым. Сол сәтте ол осы 2 100 адамның барлығын да назардан тыс қалдырмай, елге үлгі ету қажеттігін айтты. Сондықтан біз бұл адамдардың жастар алдында сөз сөйлеп, ашық сабақтар мен кездесулер өткізуін құптап, жоспар құрудамыз», деді Д.Абаев.

Кеңес отырысында Елба­сы­ның «Болашаққа бағдар: рухани жаңғыру» бағдарламалық мақаласын кеңінен насихаттау бағытында атқарылып жатқан шаруалар жайында «Егемен Қазақстан» республикалық газеті» АҚ басқарма төрағасы Дар­хан Қыдырәлі баяндады. Оның айтуынша, Елбасы Нұрсұлтан Назарбаевтың ел газеті – «Еге­мен­де» жарияланған бағдар­ла­малық мақаласында алға тар­­тылған мақсат-міндеттер мен та­лаптарды кеңінен түсінді­ру бағытында бас басылым жүйелі әрі жоспар­лы жұмыстарды қолға алды. Бұл жерде ең басты айта кете­тін мәселе – Мемлекет басшысының осы мақаласының ең алдымен «Егемен Қазақстанда» жарық көруі газеттің мерейін асырып, оқырман алдындағы беделін биікке көтергені. Мақаланы дүние жүзінің белді ақпарат құралдары «Егеменнен» көшіріп бас­ты. Яғни бүкіл дүние жүзі «Егемен» арқылы Елбасының мақаласынан бірінші рет құлағ­дар болды. Сәуір айынан қараша айына дейін «Рухани жаңғыру» бағдарламасы бойынша – 540, білім саласына қатысты 300-ден аса мақала жарияланды. Бұ­лардың басым бөлігі елдегі зия­лы қауым өкілдері мен ға­лымдардың ой-толғаулары, пікірлері», деді Д.Қыдырәлі.

Ал «Қазконтент» АҚ бас­қар­ма төрағасы Евгений Кочетов болса, «100 жаңа есiм» жобасына дауыс беруге 342 мың адам қатысқанын айтты. «Жалпы жо­ба аясында сайтымызда 2 112 өтiнiш iрiктелiп, жарияланды. 15 қазанда басталған онлайн дауыс беруге 302 үмiткер өткен болса, бiр айға жуық уақытта 342 мың қазақстандық дауыс беруге атсалысты. Салыстырмалы түрде айтсақ, бұл көрсеткiш Тараз қаласының тұрғындарының санына тең. Жалпыхалықтық дауыс беру нәтижесiнде 102 үмiткер iрiктелiп, 1 желтоқсан күнi Мемлекет басшысы Нұрсұлтан Назарбаевпен кездесуге қатысты», дедi Е.Кочетов.

Оның айтуынша, «100 жа­ңа есiм» жобасы бойынша жұ­мыс ендi басталды. Алдағы уақытта жоба қатысушылары туралы кiтаптар, брошюралар шығарылып, деректi фильмдер түсiрiледi. Сондай-ақ олардың қатысуымен түрлi кездесулер мен жиындар ұйымдастырылады деп жос­парлануда.

Нұрлыбек ДОСЫБАЙ,

«Егемен Қазақстан»

СОҢҒЫ ЖАҢАЛЫҚТАР

19.11.2018

Б.Сағынтаев энергия үнемдеу жобалары бойынша инвесторлармен жұмысты жандандыруды тапсырды

19.11.2018

Энергия үнемдеу жобаларын іске асырудан түсетін жыл сайынғы үнем 3,5 млрд теңгені құрайды

19.11.2018

Үкіметте «Нұрлы жол» мемлекеттік бағдарламасының іске асырылу барысы қаралды

19.11.2018

Жыл басынан бері қазақстандық және шетел әуе тасымалдаушылары 13 жаңа бағытты ашты

19.11.2018

QazaqGeography съезі ұйымның жаңа кеңсесінде өтті

19.11.2018

Қазақстандық делегация Дүниежүзілік төзімділік саммитіне қатысты

19.11.2018

Дін саласының жағдайы туралы баяндаманың қорытындысы жарияланды

19.11.2018

Мемлекеттік басқару академиясы қазақстандық тәжірибені тарату орталығына айналды

19.11.2018

Алматыда ХІV Халықаралық Шәкен Айманов кинофестивалі ашылды

19.11.2018

Алматыда көлік апатынан 10 айда 114 адам ажал құшқан

19.11.2018

Жыр алыбы Жамбылдың өмірі сахналанды

19.11.2018

Павлодарда биыл 349 жол-көлік оқиғасы орын алған

19.11.2018

Абылайхан ЖҮСІПОВ: Токио туралы айтуға әлі ерте...

19.11.2018

Елбасы Шавкат Мирзиёевпен телефон арқылы сөйлесті

19.11.2018

Бай болсаң халқыңа пайдаң тисін

19.11.2018

Түркістанда халықаралық ғылыми-теориялық конференция өтті

19.11.2018

Маңғыстауда «Адал ұрпақ» ерікті мектеп клубтарының облыстық слеті өтті

19.11.2018

Маңғыстауда өткен тарихи турнир өз мәресіне жетті

19.11.2018

Энергия үнемдеу бойынша Қазақстан 32-ші орында

19.11.2018

Көкшетауда жылу ақысы арзандайды

ТАҒЫ ЖҮКТЕУ
КОЛУМНИСТЕР

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу