Президент • 08 Желтоқсан, 2017

Елбасы «Астана» футбол клубы командасын құттықтады

366 рет
көрсетілді
1 мин
оқу үшін

Қазақстан Республикасының Президенті нұрсұлтан Назарбаев «Астана» футбол клубы командасына құттықтау жеделхатын жолдады, деп хабарлайды Ақорданың баспасөз қызметі. 

Елбасы «Астана» футбол клубы командасын құттықтады

Мемлекет басшысы Еуропа Лигасының плей-офф кезеңіне шығуына байланысты «Астана» футбол клубының командасын құттықтады.

«Сіздердің табыстарыңыз команданың ойынын зор қызығушылықпен әрі үмітпен бақылап жүрген миллиондаған қазақстандықтарға қуаныш сыйлады. Сіздердің жетістіктеріңіз Қазақстанда футболды және спорт саласын одан әрі дамытуға тың серпін беретіні сөзсіз. Елордамыз Астананың 20 жылдығы қарсаңындағы бұл жеңістің ерекше символдық мәні бар», - делінген жеделхатта.

Соңында Қазақстан Президенті команда мүшелерінің бәріне зор денсаулық пен амандық тілеп, алға қойған мақсаттарының орындалуына ниеттестік білдірді.