«Барыс»: 11 ойында 10 жеңіліс?!

Құрлықтық хоккей лигасында ел намысын қорғап жүрген елорданың «Барыс» клубы соңғы 11 ойынның онында жеңіліп, жанкүйерлерін жігерлі жеңісімен қуанта алмай жүр. 

 
Егемен Қазақстан
14.12.2017 8658
2

Осыдан бір ай бұрын Евгений Корешков шәкірттері ҚХЛ-дің 10 күндік үзілісіне дейінгі соңғы ойынын Мәскеудің ЦСКА клубына қарсы өткізіп, 5:3 есебімен жеңіске жеткен еді. Бұл ойында «Барыс» тек жеңіске жетіп қана қоймай, маусым аралық үзіліске «Шығыс» конференциясында бірінші орынмен шыққан-ды. Үзілістен кейін елорда ұжымы не қырсық шалғаны белгісіз, соңғы ойындарда жеңілістен көз ашпай келеді. 

Дәл қазіргі уақытта «Барыс» командасы «Шығыс» конфе­рен­­циясында 60 ұпаймен сегізін­ші орында тұр. Ал тоғызын­шы сатыдағы «Амур» біздің клуб­тан үш ұпай артта. Деген­мен, Хабаровтың командасы «Ба­рыс­тан» екі ойын кем өткізгендігін ескерсек, отандастарымыз әлі де төменге сырғитыны анық. Егер «Барыс» үздік сегіздіктен түсіп қалатын болса, онда олар үшін маусым аяқталды дей беруге болатын шығар. 

11 ойында «Барыс» командасы өз қақпасына 42 шайба өткізіп алса, қарсыластарға 14 голмен жауап берген. Бұл аралықтағы төрт ойында Астана ұжымы шайба соғуды мүлдем ұмытып қалған сияқты. Ең өкініштісі, сырт алаңда СКА командасымен кездесу өткізіп, 9:1 есебімен оңбай ұтылды. Бұл «Барыстың» КХЛ тарихындағы екінші ең ірі жеңілісі еді. Бір жыл бұрын дәл осы СКА клубы «Барыс» қақпасына жауапсыз тоғыз шайба тоғытқанын жанкүйерлер әлі ұмыта қойған жоқ шығар.

Жоғарыда «Барыстың» же­ңі­ліске толы сериясы шағын үзілістен кейін басталғанын айтып қалдық қой. Сол аралықта Еуротурдың бірінші кезеңі өткен болатын. Бұл сынға «Барыс» сапынан тек Линден Вей ғана қатысқан. Қалған хоккейшілердің барлығы Астанада қалып, жат­тығу жұмыстарын жалғастырған-ды. Аралық үзіліс кезінде ұлт­тық құрама ойынына кеткен Вейдің жоқтығы «Барыстың» дайындығына кері әсерін тигізді де айта алмаймыз. Барлық мә­селе бір ойыншыға тірелетін болса, мау­сым басында капитансыз ойнаған «Барыстың» әлдеқашан салы суға кетуші еді. Жыл басында «Барыс» Доуссыз-ақ тәп-тәуір ойын көр­сеткені жанкүйерлердің есінде. 

Сондай-ақ, дәл қазіргі уақытта команда сапында жарақат алып, емделіп жатқан ешбір ойыншы жоқ. Үздік хоккейшілердің барлығы да мұзайдынға шығып жүр. Сонда да «Барыс» өз ойынын таба алмай әуре. Демек, жеңілістің себебі ішкі мәселеде болып тұр.

Мамандардың айтуынша, командадан Брэндон Боченски мен Дастин Бойд кеткен соң, «Барыстың» ойыны әлсіреп, шайба соғу азайған. Рас, «Барысқа» қазір Боченски мен Бойд секілді команданы алға сүйрейтін ойыншы жетіспейді. Лей мен Доус бар ғой деп уәж айтуыңыз мүмкін, бірақ төменгі екеуін жоғарыдағы екі ойыншымен салыстыруға мүлдем келмейді. Келесі маусымда «Барыс» команданы алға сүйрейтін хоккейші алмаса, биылғы күйді келесі жылы да кешетіні анық. Айтпақшы, гол соғудан бір-бірімен жарысып, алдарына жан салмай жүрген Лей мен Доус жұбы өткен 11 ойында алты-ақ шайба соққан. 

«Астана» президенттік клу­бы қамқоршылар кеңе­сі­нің экс-төрағасы, қазіргі Пар­ла­мент Сенатының депутаты Дар­хан Қалетаев еліміздің басы­лымдарының біріне берген бір сұхбатында «Президенттік клубтың 40 пайыз бюджеті «Ба­рыс» хоккей клубына бөлінеді. 30 пайызы «Астана» фут­бол клу­бына, 25 пайыз вело клубқа бө­лінген. Ал қалған бес па­йыз өзге командаларға үлестірі­леді», деген болатын. 

Жалпы, кез келген нәрсенің парқы салыстырғанда білінеді ғой. «Астана» Президенттік клу­бының бөлген қаржысын Қазақ­станның имиджін халықаралық аренада көтеріп, футболдан Еу­ропа лигасының плей-офф кезеңіне шыққан «Астана» футбол ақтап жүр ме, әлде он жылдан бері ҚХЛ-дің финалына шыға алмай, қаржыны ауаға шашып жүрген «Барыс» хоккей клубы ақтап жүр ме?

«Барыс» Құрлықтық хоккей лигасы аясындағы келесі кездесуін 18 желтоқсан күні Братиславада «Батыс» конференциясында соңғы орындардың бірінде келе жатқан жергілікті «Слован» командасымен сынға түседі. Бұдан бөлек, «Барыс» жыл соңына дейін тағы бес ойын өткізеді. Осы матчтарда жеңіске жете алмайтын болса, лиганың плей-офф кезеңінен тыс қалды дей беруге әбден болады. Былтырғы маусымда «Барыс» жартылай финалға дейін жеткен-ді.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

17.02.2019

Арыстанбек Мұхамедиұлы Димаш пен Данелияға сәттілік тіледі

17.02.2019

Ауған ардагерлері оқушылармен кездесті

17.02.2019

Өскеменде 37 көшеге жаңа атау берілді

17.02.2019

Геннадий Головкиннің ықтимал қарсыластары белгілі болды

17.02.2019

Талдықорғанда «Тайлақтың тақиясы» фильмінің тұсаукесері өтті

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу