Пхенчханда кімдерге үміт артамыз?

Биыл қазақстандық спортшылар бірнеше маңызды халықаралық жарыстарға қатысады. Соның ең негізгісі – Оңтүстік Кореяның Пхенчхан қаласында өтетін ХХІІІ Қысқы Олимпия ойындары. Қазіргі таңда Қазақстан ұлттық құрамасының спортшылары 33 жол­дамаға иелік етті. Негізгі квота қаңтар айындағы жарыс­тарда үлестірілетінін ескерсек, Олимпия ойындарына дейін бұл көрсеткіш әлі де өсуі мүмкін.

Егемен Қазақстан
01.01.2018 6533
2

Қысқы Олимпия ойындарына (ҚОО) Тәуелсіз мемлекет ретінде 1994 жылдан бері тұрақты түрде қатысып келе жатқан Қазақстан ұлттық құрамасы биыл реттік сан бойынша ақ қар, көк мұз үс­тінде өтетін аламанға жетінші рет қатыспақ. Бұған дейінгі ал­ты Олим­пия ойындарында еліміздің спортшылары жеті медаль жеңіп алған. Тарқатып айтар болсақ, 1994 жылы Норвегияның Лиллехамер қаласында өт­кен төрт жылдықтың басты бә­секе­сінде шаңғышы – Владимир Смирновтың жалғыз өзі бір ал­тын және екі күміс медаль иеле­ніп, айды аспанға бір-ақ шы­ғарды.

Жапонияның Нагано қала­сында жалауы желбіреген келесі Ақ Олим­пиадада отандастарымыз екі қола медальды қанағат тұтты. Бірін Владимир Смирнов олжаласа, екін­ші қола медальды конькимен жү­гіру спортының өкілі Людмила Прокашева ие­ленді. Мұнан кейінгі екі Олим­пиадада (2002 жыл, Солт-Лейк-Сити (АҚШ), 2006 жыл, Турин (Италия) спортшыларымыз тұ­ғыр биігінен көріне алмай, елге жүлдесіз оралды. Ал 2010 жылы Ванкуверде (Канада) өткен кезекті Олимпиадада күллі Қа­зақ­стан Елена Хрусталеваның (биатлон) күмісін қанағат тұтса, 2014 жылғы Сочи Олим­пиа­дасында Денис Теннің (мәнерлеп сыр­ғанау) жалғыз қоласы Қазақстан құра­масын жүлдесіз қайтудан құт­қа­рып қалды. Міне, Қысқы Олим­пия ойындарында Қазақстан құра­масының спортшылары жүріп өткен қысқаша жолы осындай. Ал би­ылғы Қысқы Олимпия ойындарында қай спортшыларға үміт артамыз? Осы сұрақ төңірегінде аз-кем тоқталып өтсек.

Пхенчханда өтетін Қысқы Олим­пия ойындарында құрама қор­жынына кім медаль салады деп сауал тасталса, 10 адамның тоғызы мәнерлеп сырғанаушы Денис Тен­нің есімін атау­ы мүм­кін. Өйткені ол осыдан төрт жыл бұрынғы Олим­пиада­ның соңғы күндері қола медаль алған еді. Дегенмен, Сочи Олим­пиадасынан елге ақпарат таратқан спорт журналисі Рус­­­лан Меделбектің айтуынша, Тен Пхенч­ханда үздік 10 спортшының қатарына кірсе, Қазақстан үшін де, өзі үшін де үлкен жеңіс екенін айтады. «Әрине, Денис Тен­нің үз­дік үштікке еніп, медаль ал­ғанын қа­лаймын. Бірақ, оның қазіргі бағ­дарламасы тек үздік ондыққа жетсе жақсы нәтиже деп есептеу­ге болады. Егер Олим­­пиадаға дейін ол жаңа бағ­дарлама дайындайтын болса, жүлдегерлер қатарынан көрініп қалуы мүмкін. Оның қазір орындап жүрген бағдарламасынан үздік сегіз бағдарлама бар. Сон­дықтан өз басым Теннен жүл­де күтемін деп айта алмаймын. Ал Элизабет Тұрсынбаеваға келер бол­сақ, оның бағдарламасы тек үздік бестікке ғана жетеді», дейді Р.Меделбек.

Қай спортшыдан нәтиже күту­ге болады деген сұрағымызға Рус­­лан Меделбек фристайлшылар – Юлия Галышева мен Дми­трий Рей­хердтің жүлдеге таласуға мүм­кіндіктері бар еке­­нін айтады. «30-ға толған биат­­лоншы Алексей Пол­тора­нин бір ғажайып болып орда бұзбаса, ол спортшының да жүл­де алуы қиын. Менің болжамым бойынша, бұл Олимпиадада Қазақстан құрамасы бір ме­даль алуға мүмкіндігі бар. Ол ме­дальға үміткер Галышева мен Рейхердтің бірі», деді ол.

Бұл пікірмен Ұлттық штаттық командалар және спорт резерві дирек­циясының өкілі Айдос Рым­құл да келісіп отыр. Оның айтуынша, биылғы Ақ Олимпиадада фристайлшылар бір жүлде алуы мүмкін. «Пхенчханда фристайл құрамасы бір медаль алады деп топшылап отырмын. Галышева кем дегенде қола медальға қол жеткізуге қауқарлы. Басқа спортшыларда үміт аз. Биатлоншылар үздік ТОП-15-тің қатарына ене­тін шығар. Егер конькиші Креч бабында болса, бәлкім ол да жүл­деге таласуына болады. Ме­ніңше, медальды фристайлшылар алады. Рейхердтен де үміт күтуге болар еді, бірақ ол соң­ғы кездері тұрақсыз өнер көр­сетіп жүр. Галышеваның медаль алуы канадалық апалы-сің­лілі қыздардың дайындығына байланысты деп айтар едім. Себебі олардың дайындығы орташа болса да жетіп жатыр, төрешілер сүйреп шығады», дейді А.Рымқұл.

Рас, соңғы уақытта фристайлшылар Юлия Галышева мен Дми­трий Рейхердтің нәтижелері кө­ңіл көншітерлік. Өткен айда Қы­тайдың Secret Garden тау-шаңғы курортында фристайлдан әлем кубогында Галышева мен Рейхерд бір алтын, екі күміс медаль жеңіп алды.

Могул жарысының бірінші күнінде Галышева 77,79 ұпай­мен екінші орын иеленсе, аме­ри­калық спортшы Джелин Кауф 77,90 ұпай жинап, әлем кубо­гының жеңім­пазы атанды. Ал екінші күнгі гранд-финал бәсекесінде Юлия Галы­шева жоғарыдағы қарсыласын арт­қа тастап, алтын медальға қол жет­кізді. Бұл сында америкалық спортшы екінші, канадалық фристайлшы үшінші орын алды. Ерлер арасындағы гранд-фи­налда Дмитрий Рейхерд 84.92 ұпаймен күміс медаль ен­ші­леді. Канадалық Микаэля Кингсбери алтын (85.94), аустриялық  Мэтт Грэхэм (82.96) қо­ла ме­дальды қанағат тұт­ты. Жа­рыс­тың бірінші күнінде Дми­трий Рейхерд 36-шы орыннан кө­­рінген еді.

Биылғы Ақ Олимпиадада басты үмітіміз фристайлшылар болмақ. Олимпиадаға дейін екі спортшымыз төрт әлем кубогына қатысып, дайындықтарын одан әрі шыңдап, Пхенчханға аттанатын болады.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу