«Беларусь ракетасы» құстай ұшуға әзір!

Санаулы күндерден кейін Эстерсундте 2017-2018 жылғы биатлоннан Әлем кубогы басталады. Белорустардың үкілі үмітін арқалаған Олимпиада чемпионы Дарья Домрачева аталған жарысқа тас-түйін әзір отыр. Араға үш жыл салып үлкен спортқа қайта оралған ару биыл жүлделі орыннан дәмелі. Оның үстіне, биылғы дүбірлі дода Пхенчханда өтетін қысқы Олимпия ойындарымен тұспа-тұс келіп отыр.

Егемен Қазақстан
04.01.2018 7284
2

Алақандай Беларусь елі Сочи Олимпиадасында 5 алтын медальға қол жет­кізді. Оның үшеуі – Дарья Домрачеваның енші­сінде. Биатлоншы қыз үшін­ші рет Олимп шыңын бағын­дырғаннан кейін оған «Беларусь қаһарманы» ата­ғы берілді.

Жанкүйерлер арасында «Беларусь ракетасы» атанған Дарья 1986 жы­лы Минскіде сәу­лет­шілер отбасында дү­ние­ге келген-ді. Төрт жас­қа толғанда ата-анасы Сі­­­бірге қоныс аударыпты. Ол 6 жасынан бастап шаң­­­ғыға қызығушылық танытқан. Белорустардың мақ­танышына айналған қыз білім мен спортты қатар ала жүріп, мектеп пен университетті үз­дік тә­мамдады. Дарья 13 жасында үлкен спорт­пен айналысуға бел ше­ше кі­рісті. Содан бері жиі-жиі же­ңістің биік тұғырынан көрініп жүр. 2003 жылы Домрачевтар от­басы Минс­кіге қайта оралды. Дарья бастапқыда жа­рыс­тарға Ресейдің сапында қа­ты­сып жүрген. 2004 жы­лы тарихи Отанынан ша­қырту алғанда, Дарья ой­ланбас­тан келісті. Міне, бір өзі Беларуське 3 алтын әперген Домрачеваның қыс­қаша өмірбаяны осы.

Дарьяның спорттық карьерасы бірден сәтті бола қойған жоқ. Тұңғыш рет Әлем кубогына 20 жасында қатысқан ол жеңістің тәт­ті дәмін тату үшін екі жыл күтуге тура келді. 2008 жылы Рупольдингтегі Әлем кубогының 5-ші ке­зе­­ңінде Домрачева қола медаль жеңіп алды. Осы же­тістігінен кейін сол жы­лы тағы да екі рет жеңіс тұ­ғырына көтерілді. Ра­зун-Антерсельвада өт­кен бәсекеде екінші және үшін­ші орынға қол жеткізді. Ал 2009 жылдан бастап Дарья үздік ондықтың қата­рынан түскен жоқ. Дом­рачева Ванкувер Олим­пиадасында (2010 жыл) жекелей сында мәреге үшін­ші болып жетіп, қола медаль жеңіп алды (күміс медаль қазақстандық Елена Хрусталеваға бұйырған болатын).

Биатлоннан 2011-2012 жылғы Әлем кубогында алты мәрте мәреге бірінші келіп, жалпы есепте екінші орынға қол жеткізген. Ал 2012-2013 жылы 3 рет жеңіс тұғырынан кө­рініп, жалпы есепте 2-орынға тұрақтады. Сочи Олимпиадасы өткен 2014 жылы үш рет жеңіс тұғырының ең биігіне кө­терілді. Ал Олимпиадада Дарьяның асығы алшы­сынан түсті. Ол 10 шақы­рым­ға із кесу сайысында Олимпиада чемпионы атанды. Араға үш күн салып тағы бір рет алтын медальды қанжығасына байлады. 15 шақырымға жекелей сын­да Дарьяға тең келер еш­кім болған жоқ. Сондай-ақ 12,5 ша­қы­рымға жаппай жарысуда Домрачева үшінші рет мықтылығын дәлелдеді. Одан кейінгі мау­сымда Дарьяға тағы тең келер еш­кім болмады. Бір өзі тоғыз кезеңді бағын­дырған «Беларусь ракетасы» Әлем кубогының чемпионы атан­ды.

Беларусь бұған дейінгі қысқы Олимпиададан бас-аяғы 9 медаль ұтып ал­ды. Ақ Олимпиаданың тұңғыш алтыны 2010 жылы Ван­куверде бұйырған-ды. Фрис­тайлшы Алексей Гри­­шин елінің әнұранын Кана­да төрінде шырқатты. Дарья Домрачеваның 3 дүркін Олимпиада чемпио­ны атанғанын жоғарыда айттық. Қалған екі алтын Гри­шиннің ізбасарларына бұйырыпты. Фристайлшы Алла Цупнер мен Антон Кушнир Олимп шыңын бағындырды. Надежда Скар­дино биатлоннан қола медаль иеленді. Халқының саны 10 миллионға жуық, кішкентай Беларусь елінің ақ Олимпиададағы жеткен жетістігі осындай!

 Абай АСАНКЕЛДІҰЛЫ,

«Егемен Қазақстан»

СОҢҒЫ ЖАҢАЛЫҚТАР

21.02.2019

Қызылордалық полицейлер заңсыз аң аулаушыларды ұстады

21.02.2019

Түркістан облысының өз футбол командасы құрылады

21.02.2019

Жайық өзені бойында ауқымды рейд өткізілді

21.02.2019

«Аграрлық несие корпорациясы» 2019 жылы импорттық ІҚМ 65 мың басын қаржыландырады

21.02.2019

Бас прокуратура өтемақы қорына өндіру тәртібін түсіндірді

21.02.2019

Қоғамға көмектесетін инклюзивті инновациялар

21.02.2019

Дариға Назарбаева Еуропалық Одақтың Орталық Азия жөніндегі арнайы өкілімен кездесті

21.02.2019

Airastana 1 сәуірден бастап Қазақстан арқылы Ташкентке рейстерді ұлғайтады

21.02.2019

Қазақстан Ұлттық Банкінің төрағасы неміс бизнес-қоғамдастығының өкілдерімен кездесті

21.02.2019

Қазақстан мен ЕҚДБ арасындағы ынтымақтастық мәселесі талқыланды

21.02.2019

Семейлік оқушы-кәсіпкер Нәдір Сәбитов жиһаз шығаратын цех ашты

21.02.2019

Алексей Луценко «Оман турының» жеңімпазы

21.02.2019

Қызылорда облысында электронды кітапханалар жұмыс істейді

21.02.2019

Шымкентте «Шымкентплан» құрылды

21.02.2019

Қарағанды облысында биыл дәрігерлерге 63 пәтер беріледі

21.02.2019

Ғалымбек Кенжебаев қазақ боксшыларының финалдағы жеңілісін түсіндірді

21.02.2019

Бангладеште өрт салдарынан 81 адам қаза тапты

21.02.2019

Мәжілісте Арал өңірінің өзекті мәселелері талқыланды

21.02.2019

Михаил Кукушкин Марсельдегі турнирдің ширек финалына өтті

21.02.2019

Қазақстан баскетболшылары әлем чемпионатына іріктеу кезеңінде Австралияны қабылдайды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу