Қысқы Олимпиада: Көк ту Пхенчхан аспанында желбіресін

Санаулы күндерден соң Оңтүстік Кореяның Пхенчхан қаласында төрт жылдықтың басты додасы – Қысқы Олимпия ойындары басталады. Осыдан бірер күн бұрын Мәдениет және спорт министрлігінің спорт және дене шынықтыру комитеті төрағасының орынбасары Серік Жарасбаев Пхенчхан Олимпиадасында Қазақстан туын шорт-трекші Абзал Әжғалиев ұстап шығатынын мәлімдеді. 

 

Егемен Қазақстан
11.01.2018 6808
2

«Біздің спортшылар Пхен­чхан­да өтетін Олимпия ойын­­да­рына спорттың тоғыз түрінен 50-ден астам лицензия алуды жос­парлап отыр. Қазіргі таңда спорт­тың төрт түрінен 33 лицензия жеңіп алды. 10 жолдаманы биатлоншылар, онын шорт-трек­шілер, үшеуін мәнерлеп сырға­наушылар және 10 лицензияны конькимен жүгі­ру­шілер иеленді. Жалпы, біз спорт­тың тоғыз түрінен қатысуды ой­ластырып отырмыз. Олардың қатарында трамплиннен секіру, шаңғы қоссайысы, фристайл бар. Шорт-тректен Қазақстан құ­рамасының спортшыларын ерек­ше атап өткім келеді. Олар барлық лицензиялық турнирлерде бақтарын сынап, жақсы көрсеткіш көрсетіп, 10 жолдама жеңіп алды. Алдағы Олимпия ойындарында Қазақстан құрамасының туын Абзал Әжғалиев алып шығады. Ол ұлттық құрамада бірнеше жылдан бері өнер көрсетіп келе жатқан спортшы. Сондықтан да ту ұстап шығуға әбден лайықты», дейді Серік Жарасбаев.

Ұлттық құрамамыз тұңғыш рет Норвегияның Лиллехамер қаласында (1994) өткен Қысқы Олимпия ойындарына қатысты. Онда Қазақстан туын трамплиннен секіруші, еліміздің төрт дүркін чемпионы, ТМД елдері кубогының иегері Қайрат Биекенов ұстап шықты. Олимпиадада ол 90 метр­лік трамплиннен секіруде 49-шы орын алса (157,5 ұпай), 120 метр­лік трамплиннен секіруде 58-ші (35,2 ұпай) орыннан көрінді. Қайрат 2001 жылы спорттық карьерасын аяқтап, бапкерлікке біржола бет бұрды. Бүгінде трамплиннен секіруден Қазақстан ұлттық құрамасының бапкері.

1998 жылы Жапонияның На­га­но қаласында жалауы желбі­­ре­ген Ақ Олимпиадада көк ту­­­ды ұстау мәртебесі Лилле­ха­мер­­­де Қазақстан құрама­сы­ның қор­­­­жынына үш жүлде сал­ған шаң­­­­ғышы Владимир Смир­новқа бұй­­­ырды. Владимир Смир­нов Наганода да жүлдегерлер қата­ры­нан көрініп, Олимпиаданың қола жүлдесін иеленді. 1999 жы­лы спорттық мансабын аяқтап, 2000 жылы Халықаралық Олим­пиада комитетінің атқару ко­ми­тетінің мүшесі болып сай­лан­ды. Ал 2002 жылдан 2010 жылға дей­ін Қазақстан биатлон фе­де­ра­циясының президенті қыз­ме­тін атқарды. Сондай-ақ Смирнов 2014-2015 жылдары аралығында «Астана» президенттік кәсіби спорт клубының бас директоры бол­ды.

АҚШ-тың Солт-Лейк-Сити қа­ла­сында өткен XIX Қысқы Олимпия ойындарында Қазақстан байрағын конькимен жүгіруші Радик Бикчентаев ұстап шықты. Радик Бикчентаев үш Олимпиадаға қатысты (1994, 1998 және 2002 жылдары). Оның Олимпиададағы ең үздік көрсеткіші – 16-шы орын. Бұл нәтижеге ол 1994 жылы Лиллехамерде өткен додада 5000 метр қашықтыққа жүгіруде қол жеткізген. Р.Бикчентаев конькимен жүгіруден қазақстанның үш дүр­кін чемпионы және төрт рет ел біріншілігінің қола жүлдесін ие­ленді. Сондай-ақ 1999 жылғы Қыс­қы Азия ойындарында ал­тын ме­даль алған. Ол бүгінде Қазақ­стан­ның конькимен жүгіру фе­де­рациясының атқарушы дирек­торы. 

2006 жылы Италияның Турин қаласында өткен Олимпиадада еліміздің көк туын хоккейші Александр Корешков ұстады. Туринде өткен бәсекеде хоккей­ден Қазақстан құрамасы іріктеу кезеңінде «В» тобында сынға түсіп, екі ұпаймен алты құраманың ішінде бесінші орын алды. Сөйтіп іріктеуден іркілген құрамамыз Олимпиаданы ерте аяқтауға мәжбүр болды. 

2010 жылы Канаданың Ван­ку­вер қаласында жалауы жел­бі­­реген Қысқы Олимпия ойын­да­рында Қазақстанның туын би­атлоншы Диас Кенешев алып шық­ты. Дегенмен ту ұстаушы бұл дүбірлі додада көңіл көншітерлік нәтиже көрсете алмады.

Қазақстан құрамасы қатысқан соңғы Сочи Олимпиадасында көк туды ұстап шығу шаңғышы Ердос Ахмадиевке сеніп тапсырылды. Ту ұстаған спортшымыз шаңғыдан 15 шақырымдық классикалық стильде жүру жарысында сынға түсіп, мәреге 54-ші болып келді. Ердос Ахмадиев былтыр Жапонияның Саппоро қаласында өткен Қысқы Азия ойындарына қатысып, эстафеталық жарыста күміс жүлде иеленді.

Пхенчханда өтетін Олимпиа­да­да қазақстанның туын шорт-трек­ші Абзал Әжғалиев ұстап шы­ғатынын жоғарыда айтып өттік. Негізі, ту Олимпиадада медаль алуы мүмкін деген спортшыға тапсырылды. Оңтүстік Кореяда Абзал өзіне артылған сенімді ақтап, елге жүлдемен оралады деген үмітіміз басым. Әжғалиев ха­лық­аралық жарыстарға қа­тысып, ысылған, тәжірибесі то­лыс­қан спортшы. Абзал 2016 жы­лы Солт-Лейк-Ситиде (АҚШ) өт­кен әлем кубогы кезеңінде 500 ме­тр қашықтықта алтын алған. Со­ны­мен қатар былтыр Алматыда өткен Қысқы Универсиаданың күміс жүлдегері. Әжғалиев Пхенчхандағы ойындарда 500 және 1000 метрлік қашықтықта медальға таласатын болады.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

25.09.2018

Солтүстік Қазақстан полицейлері Тілдер фестивалін өткізді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу