Төрағалық онлайн конференцияда талқыланды

Орталық коммуникациялар қызметінде Сыртқы істер министрлігінің ұйымдастыруымен БҰҰ Бас хатшысының саяси мәселелер жөніндегі көмекшісі Мирослав Енчамен онлайн конференция өтті. 

Егемен Қазақстан
12.01.2018 2460

Нью-Йорктен тікелей эфирде ұйымдастырылған жиынға еліміздің бұқаралық ақпарат құралдары өкілдері жиналды. Онлайн конференция Қазақстанның БҰҰ Қауіпсіздік Кеңесіне төрағалық етуіне байланысты ұйымдастырылды. Вебинарда сөз сөйлеген М.Енча Қазақстанның Кеңестегі жұмысының маңыздылығына тоқталды.

«Қаңтарда Қазақстан Қауіпсіздік Кеңесі төрағасы қызметіне кірісіп кетті. Мұның маңызы жоғары. Қазақстан күн тәртібін ұйымдастырып, ұйым атынан сөз сөйле, оның отырысын шақырады. Келесі аптада маңызды бірқатар іс-шара өтпек. Соның бірі – Президент Нұрсұлтан Назарбаевтың төрағалығымен өтетін «Жаппай қырып-жоятын қаруларды таратпау: сенім шаралары» атты жиын. Бұдан бөлек, Орталық Азия мен Ауғанстан мәселелеріне арналған жарыссөз ұйымдастырылады», деді спикер.

М.Енча Сириядағы дау-жанжалды шешуде Қазақстанның маңызды қадамдарға барып, Астанада келіссөздер ұйымдастырғанын атап өтті. Оның пікірінше, ондағы ахуалды жақсартуда Астана процесінің маңызы зор.

«Астана келіссөздерінің Сирия мәселесін шешуге айтарлықтай үлес қосты. Соның арқасында шиеленісті азайту, деэскалация аймағын құру секілді мәмілелерге қол жеткізілді. Сонымен қатар БҰҰ Бас хатшысының арнайы өкілі Стеффан де Мистураның басшылығымен өтетін Женева келіссөздеріне қолдау көрсетті», деді М.Енча.

Бат хатшы көмекшісінің айтуынша, Қазақстан Орталық Азиядағы бейбітшілік пен тұрақтылықты нығайту мақсатында аянбай тер төгіп келеді.

«Қазақстан әлемде, Орталық Азияда қауіпсіздік пен бейбітшілікті нығайтуға елеулі үлес қосып, өз мүмкіндігін тиімді пайдаланып отыр. Мысал ретінде ядролық қарусыздануға үндеуін, Семейдегі сынақ алаңының жабылуын, Орталық Азияда ядролық қарусыз әлем құру бастамаларын атап өтуге болады. Қазақстан бастамасымен Халықаралық ядролық сынақтарға қарсы іс-қимыл күні белгіленді. Елдеріңіз өз қызметін одан әрі тиімді жалғастыра беретініне сенімдімін», деді М.Енча.

Еліміз Орталық Азия мен Ауғанстандағы бейбітшілік пен тұрақтылықты нығайту мақсатында даму мен қауіпсіздік мәселелерін бірге талқылайды. Спикердің пікірінше, бұл аймақтағы ахуалды жақсартуға үлес қосады.

«Ауғанстандағы жағдайды әскери жолмен шешу мүмкін емес. Керісінше, өңірлік әріптестікті нығайтып, инфрақұрылымдық жобаларды қолдаудың маңызы зор. БҰҰ-да Ауғанстан мәселесін шешудегі Қазақстан тарапы атқарып жатқан жұмыстарымен жақсы таныс. Мәселен, Алматыда ауған жастары білім алып жатыр. Меніңше, мұндай қолдау өңірдегі тұрақтылық пен дамуды нығайтады. Әлемде бейбітшілікті қамтамасыз етудегі Қазақстанның рөлін атап өткім келеді», деді М.Енча.

Бұдан кейін еліміздің БҰҰ Қауіпсіздік Кеңесі құрамында басымдық беретін бағыттарына тоқталды. Спикердің айтуынша, Қазақстан тарапы көтеріп отырған мәселелер жер-жаһанда бейбітшілік пен қауіпсіздікті нығайту үшін өте қажет.

«Келесі аптада өтетін ядролық қаруды таратпау жөніндегі іс-шараның осы тақырыпты кеңінен тарқатуға қосар үлесі зор. Қазақстан өз еркімен ядролық қарудан бас тартқан мемлекет ретінде әлемнің бірқатар еліне үлгі болады. Осы орайда, жаппай қырып-жою қаруларын таратпау мәселесінде Қазақстан халықаралық қоғамдастық алдында беделге ие. Әсіресе, ядролық қаруды қолдану ықтималдығы жоғары қазіргі жағдайда елдің рөлі ерекше», деді М.Енча.

БҰҰ Бас хатшысы кеңесшісі қазіргі таңда халықаралық қоғамдастық Қазақстаннан Қауіпсіздік Кеңесі төрағалығы мерзімінде үлкен үміт күтіп отырғанын мәлімдеді. Оның пайымдауынша, еліміздің БҰҰ Қауіпсіздік Кеңесі аясында өткізетін жиындары әлемде бейбітшілік пен қауіпсіздікті қамтамасыз етуге өлшеусіз үлес қоспақ. Бұдан кейін, М.Енча қазақстандық дипломаттардың еңбегіне оң баға берді.

«Қазақстандық дипломаттар кәсібиліктің жоғарғы деңгейін көрсетті. Қауіпсіздік Кеңесіне мүше мемлекеттер де, БҰҰ құрамындағы елдер де қазақстандық дипломаттардың еңбегін бағалайды. Сіздердің елдеріңіз ҚК және БҰҰ арасындағы өзара іс-қимылы конструктивті түрде жүргізіп отыр. Осы орайда, Қазақстан мен оның БҰҰ-дағы Тұрақты өкілдігіне алдағы жұмыста тек сәттілік тілеймін», деп сөзін түйіндеді спикер.

Жиын соңында еліміздің бұқаралық ақпарат құралдары өкілдеріне БҰҰ сайты таныстырылып, онымен жұмыс істеу тәсілдері көрсетілді. Спикерлердің айтуынша, Ұйымның заманауи сайты шартараптың түкпір-түкпіріндегі журналистер БҰҰ-ның штаб-пәтерінде өтетін кез келген жиынды тікелей эфирде тамашалауға мүмкіндік береді. Бұдан кейін, БАҚ өкілдеріне сайттың басқа да артықшылықтары таныстырылды. Онлайн конференция соңында спикерлер журналистер қойған сұрақтарға жауап берді.

Абай АСАНКЕЛДІҰЛЫ,

«Егемен Қазақстан»

СОҢҒЫ ЖАҢАЛЫҚТАР

23.07.2018

Жандарбек Бекшин мектеп формасын қалай таңдау керектігін түсіндірді

23.07.2018

Атырау қаласына кіре берістерге 4 стационарлық полиция бекеті салынады

23.07.2018

Б.Сағынтаев СҚО, Қостанай және Павлодар облыстарын дамыту мәселелері жөнінде кеңес өткізді

23.07.2018

Боксшыларымыз Одессада қос қола алды

23.07.2018

«Астаналық» саябақта балаларға арналған спорт алаңы пайда болды

23.07.2018

Елбасы Владимир Путинмен телефон арқылы сөйлесті

23.07.2018

Әділ Ботпанов. Ақтарылу

23.07.2018

Н.Бекежанов атындағы театр халықаралық «Фриндж» фестиваліне қатысады

23.07.2018

Еліміздегі жоғары оқу орындарының білім беру рейтингісі жарияланды

23.07.2018

Қазақстандық балуандар Түркиядағы турнирде бес жүлде иеленді

23.07.2018

Бокстан ағайынды Әйтеновтердің турнирі аяқталды

23.07.2018

Нью-Делиден олжалы оралдық

23.07.2018

Америкадағы кездесуде Қазақстандағы діни ахуал талқыланды

23.07.2018

Елбасы қысқа мерзімді демалысқа шықты

23.07.2018

Батыс Қазақстан облысында билер кеңесі құрылады

23.07.2018

«Астана» велошабандозы «Тур де Франс» кезеңінде жеңімпаз атанды

23.07.2018

Екібастұзда Естайдың 150 жылдық мерейтойы аталып өтті

23.07.2018

Батыс Қазақстан облысында бірнеше мектеп қазақы атауға ие болды

23.07.2018

Соғыс ойыны немесе «фото мылтықпен» атып алынған кадр

23.07.2018

Құзға құлаған қыран

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Шын талант ұятқа ұйиды

«Адамзат сапарының мейманымыз, бір мезет жер бетіне кетер соғып», деп жырлады Қасым Аманжолов. Қазір жер бетіне мейман болып келгендердің бір шоғыры атақ қуып әлекке түсіп жүрген секілді. Бұлай деуге себеп, атақ қуғандар шын талантқа көлеңкесін түсіріп, оны кейінге ысыра береді. Ал шын талант ұятқа ұйиды. «Адам ақиқатты бас көзімен көрмейді, ақыл көзімен көреді», депті Шәкәрім. Ақыл көзін атақ қуған кезде бас көзі билеп кететіндей болады да тұрады.

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу