Зұлмат құрбандарын еске алды

Өткен сейсенбі күні «Мәдениет арқылы үнқатысу» халықаралық жобасы аясында Израиль мемлекетінің елшілігі мен Қазақстан Республикасы Тұңғыш Президенті – Елбасы кітапханасының ұжымы бірлесіп, Халықаралық холокост құрбандарын еске алу күніне арнап, «Дипломаттар – әлем халықтарының тақуалары» атты көрме ұйымдастырды.  

Егемен Қазақстан
01.02.2018 9575
2

«Холокост» термині – 1933-1945 жылдары Германия би­лігіне А.Гитлердің келуімен Еуропада өмір сүріп жатқан еврейлерді қырып-жойып қуғындауына байланысты пайда болған. Яғни осы жылдары фашистердің қолынан 6 миллион еврей қаза тапқан деп есептеледі.

Осыған байланысты БҰҰ-ның Бас Ассамблеясы 2005 жылы 1 қарашада шешім қабылдап, жыл сайын «Халықаралық холокост құрбандарын еске алу күнін» атап өтуді рәсімдеген-тін. Жоғарыдағы көрме осы негізде өткізіліп отыр.

Шараның ашылуында сөз алған Израиль мемлекетінің Қазақстан Республикасындағы Төтенше және өкілетті елшісі Михаэль Бродский, бұл күн фашистер зұлымдығының құрбаны болған 6 миллион еврейді еске алумен қатар, сол зұлмат кезінде еврейлерге аяушылық танытып, ажалдан арашалаған адамдарды еске алу арқылы рухтарына ризашылық білдіреміз, сол үшін көрме өткізіп отырмыз, деді.

Жоғарыдағы көрмеге еврей жұртын ажалдан құтқарған тұлғалар жайлы толық мәлімет топтастырылыпты. Атап айт­қанда, 1939 жылы Литвада қызмет атқарған жапон дипломаты Чиуне Семпо Сугихара еврейлерге өзі елінің визасын тегін таратып, олардың холокост шегінен шығып кетуіне жағдай жасаса, 1936 жылы Түркияның сыртқы істер министрі болған Селахаттин Улькумен Родос аралына қашып келіп паналаған 2000 еврейге виза жасап беріп, шетелге өткізіп жіберген. Сол сияқты Францияның Борда қаласында отырған Пор­туга­лияның бас консулы Аристидес де Соза Мендес 10 мың адамның өмірін құтқарып қалса, ұлыбританиялық дипломат Фринце Фоли, Данияның неміс еліндегі атташесі Георг Фердинанд Дуквиц, шведтік Рауль Валленбергтер 437 мың еврейді ажалдан арашалаған. Бұлардан басқа Женева қала­сындағы перулік консул Хосе Марий Баретто мен Чехияның Германиядағы елшісі Владимир Вокхос еврейлерге өз елдерінің паспортын тегін жасап берген. Афина қаласындағы Испания дипломаты Ромеро Радижасес де 48 мың еврейдің аман қалуына себепші болған. Бұл адамдарды қазіргі Израиль мемлекеті құтқарушылар ретінде ерекше қадірлейді.

Жоғарыдағы құтқарушылар есімін ұлық­тауға арналған халықаралық Яд Вашем (Yad Vashem) атты ұйым да құрылған. Өткен жылдың аяғындағы есеп бойынша ұйымға әлемнің 50-ден астам елінен 27 мың адам мүше ретінде тіркелген.

 

Бекен ҚАЙРАТҰЛЫ,

«Егемен Қазақстан»

Суретті түсірген

Орынбай БАЛМҰРАТ,

«Егемен Қазақстан»

СОҢҒЫ ЖАҢАЛЫҚТАР

16.01.2019

Сыртқы істер министрлігіне жаңа вице-министр тағайындалды

16.01.2019

Елімізде әлеуметтік кәсіпкерліктің дамуына қолдау көрсетеді

16.01.2019

Қазақстандықтар азық-түлікке қанша жұмсайды

16.01.2019

Зәуреш Ақашева: үстел теннисінен Ресей суперлигасы үлкен тәжірибе сыйлады

16.01.2019

Биатлоннан Қазақстан кубогі: екінші жарыс күнінің нәтижесі

16.01.2019

Әзербайжан мен Армения Сыртқы істер министрлері кездесті

16.01.2019

«Татулық» орталығының пайдасын дауласқандар көреді

16.01.2019

Атыраулық кәсіпкерлерді не алаңдатады?

16.01.2019

Соңғы технологиялар темекімен күресте жеңіп шықты

16.01.2019

Салықтық рақымшылықты жүргізуді қарастыратын Заң күшіне енді

16.01.2019

Сақтағанның жұмыртқалары лайкқа зәру емес

16.01.2019

Ресей, Иран, Әзербайжан үшжақты саммитке дайындалып жатыр

16.01.2019

Асқар Мамин Түркістандағы құрылыс жұмыстарымен танысты

16.01.2019

Бақтияр Зайнутдинов «Ростов» сапында алғашқы ойынын өткізді

16.01.2019

ШҚО Риддер қаласында «Көшбасшы болғың келе ме?» атты шара өткізілді

16.01.2019

Алматыда сымбатты ескерткіш орнатылды

16.01.2019

Алматыда аудармашылар мен авторлар кездесті

16.01.2019

Жанкүйерлер «Астана Опера» балет труппасын Нұрсұлтан Назарбаев әуежайында қарсы алды

16.01.2019

Депутат «Астана-Арена» стадионындағы кемшіліктерді атап көрсетті

16.01.2019

Ең белсенді салық төлеуші 126 084 түбіртек жіберген

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

Қарашаш ТОҚСАНБАЙ, «Егемен Қазақстан»

Ataý men aqaý

Dúken, meıramhana, qonaq úı, shashtaraz, sulýlyq, sán salondary, basqa da túrli nysandardyń ataýy mańdaıshaǵa japsyryla salǵan jáı ǵana jazý emes, ulttyq bolmysymyzdy, ulttyq rýhymyzdy, qoǵamdyq sanany qalyptastyratyn, tárbıelik máni zor mańyzdy faktor sanalady. Solaı degenmen ókinishke qaraı, bul qurǵyryń túbiri sýyrylmaı qalyp qoıatyn aramshópti qansha otaǵanyńmen qaıta-qaıta qaýlap shyǵa beretini sıaqty áli kúnge deıin sheshimin tappaǵan túıini kóp túıtkildiń birine aınalyp otyr.

ҰҚСАС ЖАҢАЛЫҚТАР

Тағы да оқу

Пікір қосу