Әлем • 05 Ақпан, 2018

Әлиев Әзербайжанда кезектен тыс президент сайлауы өтетінін жариялады

233 рет
көрсетілді
1 мин
оқу үшін

2018 жылы 11 сәуірде Әзербайжанда кезектен тыс президенттік сайлау болады, деп хабарлайды Әзірбайжан Президентінің ресми сайты. 

Әлиев Әзербайжанда кезектен тыс президент сайлауы өтетінін жариялады

«Әзербайжан Республикасының Орталық сайлау комиссиясы 2018 жылғы 11 сәуірде Әзербайжан Республикасы Президентінің кезектен тыс сайлауы өткізеді және Әзірбайжан Республикасының сайлау кодексінде белгіленген тәртіппен жүргізеді» делінген хабарламада.

РИА Новостидің мәлімдеуінше, негізінде сайлау 17 қазанға жоспарланған болатын. Әзірбайжан жаңа партиясының атқарушы хатшысы Али Ахмедовтың хабарлауынша, партия Әлиевті кандидат ретінде ұсынады.

Конституцияға енгізілген түзетулерге сәйкес, 2016 жылдың қыркүйегінен бастап Әзірбайжан Президенті жеті жылға сайланады.

Ильхам Әлиев 2003 жылғы 31 қазанда Әзірбайжан Президенті болып сайланған болатын.