Қазақстан • 17 Ақпан, 2018

Астанада тұңғыш рет инклюзивті спорт фестивалі өтеді

448 рет
көрсетілді
1 мин
оқу үшін

Елордада балалар арасында «Тең мүмкіндіктер әлемі» атты І инклюзивті спорт фестивалі өтеді. Оған ерекше білімге мүдделі мектеп оқушылары қатысады, деп хабарлайды Астана әкімдігінің ресми сайты.

Астанада тұңғыш рет инклюзивті спорт фестивалі өтеді

Шараға дені сау және сал, Spinabifida ауруларына шалдыққан, Даун синдромы бар, аутикалық спектрі бұзылған, құлақтарында мүкісі бар, көздері нашар көретін балалар қатысатын болады.

Шараның басты мақсаты - ерекше білімге мүдделі балалардың спортпен шұғылдануына жағдай жасау.

«Бұл - Астана үшін бірегей оқиға. Спорттық алаңда өз қабілеттерін бочче, бейімді жүзу, паракаратэ, паратхэквондо және хореография сияқты инклюзивті спорт үйірмелерінің шәкірттері көрсететін болады. Бұдан бөлек, фестиваль аясында паралимпиадалық спорт түрі «Голбол» федерациясы көзі нашар көретін балалар үшін шеберлік сабақтарын ұйымдастырмақ. Сондай-ақ, шеберлік сабағын StreetWorkout-тан ҚР-ның бас жаттықтырушысы Айтым Жақыпов та жүргізетін болады.