ШҚО әкімі тұрғындар алдында есеп берді

Жылдағы дәстүр бойынша Шығыс Қазақстан облысының әкімі Даниал Ахметов те өңір тұрғындары алдында есеп берді. Бүгін Өскемендегі облыстық драма театрда өткен есептік кездесуге Инвестициялар және даму министрі Жеңіс Қасымбек пен Президент әкімшілігінің мемлекеттік инспекторы Талғат Байзатов қатысты.

Егемен Қазақстан
23.02.2018 11844
2

Екі сағатқа жуық уақытқа созылған есепті жиында аймақ басшысы өңірдің өткен жылдағы жетістіктерін тізбелеп қана қоймай түйіні тарқамай жүрген мәселелерді де жасырмай айтып, тиісті орындарға тапсырма жүктеп отырды. Облыс әкімі Аягөз бен Семейде ет комбинаты құрылысы басталатынын, Өскеменде қазақстандық өнімдерді қытай стандартымен сертификаттайтын үлкен зертхана салынатынын, Еуропалық даму банкі арқылы облыс орталығында қоқыс өңдеу зауыты бой көтеретінін жеткізді. Өңірде дәрігерлердің біліктілігін арттырып, медициналық мекемелерді жаңа құрылғылармен жабдықтауға да көңіл бөлініп отырғаны белгілі. 2016 жылы 12 дәрігер (Англия), 2017 жылы 61 дәрігер шет елде (51-і Англияда, 10-ы Польшада) оқып келген-ді. Д.Ахметовтің сөзіне сенсек, үш жылда шет мемлекетте 150 дәрігер шеберлігін шыңдамақ. Былтыр аймақтағы емханаларға 9 миллиард теңгеге 1023 дана жоғары технологиялы құрылғылар сатып алынған. Соған қарамастан облыстың медицина саласында шешімін таппаған мәселелер де аз емес. Өңірдің медицина мекемелерін цифрландыру тұрғысындағы кемшіліктерді жиында әкімнің өзі де атап өтіп, денсаулық сақтау басқармасына арнайы бағдарлама әзірлеуді тапсырды. Аймақта құрылыс қарқын алғанымен жұмысқа кедергі келтіріп тұрған жәйттер де жоқ емес. «Биыл 200 көп пәтерлі үйдің құрылысы басталады. Алайда, отыз бес үйге тиісті құжат, бес үйге қажетті коммуникация тартылмаған. Екі қала әкімі мен құрылыс басқармасы бұл бағытта осалдық танытты. Орынбасарым мен қала, аудан әкімдеріне тұрғын үй құрылысын алдағы уақытта бес жүз мың шаршы метрге дейін жеткізуді тапсырамын», - деді Д.Ахметов.

Өңір басшысы есептік кездесуде облыстың білім саласындағы жетістіктерге тоқталып, кемшілікке жол берген аудан мен қалаларды сынға алып, жұмысты ширатуды жүктеді. Облыс әкімі ҰБТ тапсыру бойынша қала мектептерінің көрсеткіштері төмендеп, керісінше ауыл мектептерінің оқушылары биіктен көрінгенін сандармен салыстыра отырып айтып берді. Бұл ретте Көкпекті, Аягөз және Тарбағатай аудандарын ерекше атап өтуге болады. Мәселен, былтыр ҰБТ тапсыру кезінде 20 ауыл мектебі 100-ден жоғары балл жинаса, қаладан тек 9 мектеп қана осындай көрсеткішке қол жеткізіпті. « Аталған тізімде Өскеменнің 3 мектебі жүр. Семей мүлде тізімде жоқ. Бұл өңірдегі ірі қалаларда білім сапасының төмендегенін көрсетеді», - деді аймақ басшысы.

Өңір мектептерін бітірген түлектердің шет елге, оның ішінде Ресейдің жоғары оқу орындарына кетіп жатқаны да жиында назардан тыс қалмады. Д.Ахметов 11 жыл бағып-қағып, тәлім-тәрбие берген оқушыларымыздың өзге елге кетуіне жол бермес үшін өңірде «Білікті маман» атты арнайы бағдарлама әзірленіп, 2017 жылы 200, биыл да осындай көлемде грант бөлінгенін тілге тиек етті.

Облыс әкімінің есебі аяқталғаннан кейін сұрақ-жауапқа кезек берілді. Алайда сұрағын қойғанша аймақ басшысының атқарған жұмыстарын жіпке тізіп, уақытты алып, залдағы жұртты жалықтырған тұрғындар да болды. Қояр сауалынан айтар мақтауы көп тұрғындарды «Алғысты маған емес, Елбасыға айтыңыздар. Өңірдегі жұмыстардың барлығы Мемлекет басшысының тапсырмасы негізінде атқарылып жатыр» деп өңір басшысының өзі әрең тоқтатып, Семейдегі радиологиялық орталықтың құрылысы мен Зайсандағы Шілікті қорымына музейдің қашан салынатыны секілді өзекті сауалдарды қойған адамдарға жан-жақты, тұщымды жауап қайтарды.

Керек дерек

2017 жылы облыста 380 мың шаршы метр тұрғын үй пайдалануға берілді. 46 миллиард теңгеге 357 шақырым жол жөнделді. 8,3 миллиард теңге қаржыға 17 мың тұрғыны бар 21 елді мекенге ауыз су тартылды. Кәсіпкерлікті қолдау картасы аясында 381 милрд теңгенің 6 жобасы жүзеге асырылды. 

2018 жылы 82,3 миллиард теңге қаржыға «Қалбатау – Майқапшағай», «Алматы - Өскемен», «Омбы-Майқапшағай», «Таскескен-Бақты», «Өскемен - Зырян – Рахман қайнары» жолдарын реконструкциялау, «Өскемен – Семей», «Өскемен – Шемонаиха», «Қарағанды – Аягөз», «Таскескен – Бақты», «Маканшы – Жалаңашкөл», «Дмитриевка - Бородулиха – Шемонаиха», «Семей-Қарауыл» бағыттарындағы жолдарға орташа жөндеу жұмыстары жүргізіліп, 1,3 миллион шаршы метр тұрғын үй құрылысын пайдалануға беру жоспарланған. 14 мың халық тұратын 11 ауылды ауыз сумен қамту үшін 20 жоба әзірленген. Кәсіпкерлікті қолдау картасы аясында құны 114 миллиард теңгені құрайтын 9 жоба жүзеге асырылмақ.

Азамат ҚАСЫМ,

«Егемен Қазақстан»

ӨСКЕМЕН

СОҢҒЫ ЖАҢАЛЫҚТАР

15.01.2019

Елімізде бала асырап алу жөніндегі ұлттық агенттік құрылады

15.01.2019

Македония бұдан былай екі тілді мемлекет

15.01.2019

Астанада алғашқы медициналық-санитарлық көмек көрсетушілер саны ұлғаяды

15.01.2019

Жер үшін жетпіс мың арызды арқалаған Ақтау

15.01.2019

Нұрсұлтан Назарбаев Никол Пашинянға құттықтау жеделхатын жолдады

15.01.2019

Зарина Дияс Australian Open турнирінің алғашқы кезеңінде сүрінді

15.01.2019

Елбасының Жолдауы – еліміздің кемел келешегі

15.01.2019

Бүгін Википедияның он сегізінші туған күні

15.01.2019

Әулиеаталық «Ақкербез» би ансамблі Әбу-Дабиде өнер көрсетеді

15.01.2019

Мемлекеттік сатып алу жүйесін жетілдіру жалғасып жатыр

15.01.2019

Көкшетауда Құран жаттау орталығы ашылды

15.01.2019

2018 жылдың 11 айында Қазақстанның сыртқы сауда айналымы 20,5 пайызға өскен

15.01.2019

Аршалы ауданының халқы суды үнемдеуге көшеді

15.01.2019

ҚР ҰЭМ: 2018 жылдың қорытындысы бойынша Қазақстанның ІЖӨ өсімі 4,1% құрады

15.01.2019

Ақкөл – Қазақстандағы алғашқы «ақылды қала» болады

15.01.2019

Аида Балаева: Қазақ әдебиеті антологияларын БҰҰ-ның 6 тіліне аудару - ерекше жоба

15.01.2019

Полиция департаменті: Алматыдағы қылмыстық жағдай тұрақты

15.01.2019

Ж.Қасымбек: Өнімді ілгерілету кезіндегі техникалық кедергілерді жою бойынша жоспар әзірленді

15.01.2019

Екпеден бас тартудың салдары

15.01.2019

Артем Захаров: Азия чемпионатында күтпеген жайттар болды

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

Қарашаш ТОҚСАНБАЙ, «Егемен Қазақстан»

Ataý men aqaý

Dúken, meıramhana, qonaq úı, shashtaraz, sulýlyq, sán salondary, basqa da túrli nysandardyń ataýy mańdaıshaǵa japsyryla salǵan jáı ǵana jazý emes, ulttyq bolmysymyzdy, ulttyq rýhymyzdy, qoǵamdyq sanany qalyptastyratyn, tárbıelik máni zor mańyzdy faktor sanalady. Solaı degenmen ókinishke qaraı, bul qurǵyryń túbiri sýyrylmaı qalyp qoıatyn aramshópti qansha otaǵanyńmen qaıta-qaıta qaýlap shyǵa beretini sıaqty áli kúnge deıin sheshimin tappaǵan túıini kóp túıtkildiń birine aınalyp otyr.

Мирас Асан, «Егемен Қазақстан»

«Birlikten» – Jastar jylyna deıin

Tarıhı derekterge kóz júgirter bolsaq, Uly dalada qanat jaıyp, qaǵanat qurǵan túrki halyqtary, onyń ishinde kóshpendiler kóshiniń erekshe jaýjúrek qazaq ulysy el isine jas tulǵalardy erte aralastyra bilgen. Ol úrdis ult táýelsizdigin saqtap qalý jolynda sonaý Kúltegin zamanynan beri úzilmepti. Uly qaǵan jaıly kóne tas jazbalarda onyń on alty jasyna kelgende alty chýb soǵdylarǵa qarsy attanyp, jıyrma bir jasynda Chacha Seńmen shaıqasqany aıtylady. Odan beride úsh júzdiń basyn qosqan qazaq hany Abylaı sultan jıyrma jasynda erligimen elge tanylyp, memlekettik iske jastaı aralasqanyn bilemiz.

ҰҚСАС ЖАҢАЛЫҚТАР

Тағы да оқу

Пікір қосу