Берекелі бастамалардың берері мол

Жұрт жағдайын жақсартатын жобаларға жол ашылды

 

Еліміздегі әр азамат мемлекеттің қорғауы мен қолдауын және қамқорлығын сезінетін жағдайға жету – орындалмас арман, қол жетпес сағым емес екен, бұйыртса, жуық жылдарда жүзеге асатын  жоталы жобалардың қатарына енгенін естіп-көріп, шынын айтсам, балаша қуандым. Президент Н.Назарбаевтың Парламенттің қос палатасының бірлескен отырысында жаңа әлеуметтік бастамалар көтеріп, жұртшылықтың әл-ауқатын жақсартуға жаңа бетбұрыс басталғанын жариялауы қоғам өміріне наурыздың жаңа лебіндей әсер етті. Елбасы өз Үндеуінде ұсынған 5 бастамасының баршасы мән-мағына, маңызымен жүрекке жылы тиіп, көкейге қонды.   

 

Егемен Қазақстан
07.03.2018 5291
2

Бірінші – әр отбасының бас­паналы болуына жағдай жасау мәселесі. «Отан от басынан басталады», «Үйі жоқтың – күйі жоқ» дейтін исі қазақ баласы бұл бастамаға қалайша мейірленбесін?! Қазіргі нарық қыспағында отырған кезеңде арзан баспана алу дегеніміз ас­пан­дағы айға қол жеткізгенмен бірдей көрінеді.

«Біз соңғы жылдары азамат­тары­мыздың үй алу мүмкіндігін кеңейту үшін көп жұмыс істедік. Өткен жылы ауданы 11,2 млн шаршы метр болатын қыруар тұр­­ғын үйлер салынды. Бұл – бұрын бол­ма­ған рекордтық көрсеткіш. Алайда бұл атқарылған жұмыс­тар жеткіліксіз. Әлі күнге дейін көптеген отбасында өзі­нің үйі жоқ. Бұл – әлеуметтік маңызы зор про­­бле­ма­ның бірі. Біз ипотекаға қолжетім­ділікті арт­тырып, осы мәселені шешу үшін бар­лық жағдайды жасауымыз керек», деді Елбасы.

Мемлекет басшысы ұсын­ған, тұрғын үймен жаппай қамту­ға арналған «7 – 20 – 25» бағдар­ламасы тығырықтан жол тапқан ұтқырлығымен көңілден шықты. Озық шетелдердің деңгейімен шендесетін жоба. Ең төменгі 7%-дық ипотекалық несиеге 20%-дық бастапқы жарнасын төлеп қалаған пәтеріңді алу, оны 25 жылдық мерзімде өтеу – қай отбасына болса да үлкен көмек, тәуел­сіздік тұсында бұрын-соң­ды болмаған жақсылық.

Біз қазір төртінші өнеркәсіптік революция дәуірінде өмір сүріп отырған елдердің қатарындамыз. Жер шарында жаһандық осы құбылыс қарыштауда. Бұрынғы үшеуі қандай еді дейсіздер ғой? Біріншісі – ХІХ ғасырда бу қозғалтқышын жаппай қолда­нысқа енгізу кезеңі, екіншісі – ХХ-ғасырдың басындағы электр­лендіру дәуірі, ал үшіншісі осы өткен ғасырдың соңында келген автоматтандыру мен компьютер заманы. Ентелеп келген соң­ғысы– осы үшінші кезеңнің жалғасы, бірақ анағұрлым жоға­ры деңгейдегі, кибер­фи­зикалық жаңа технологиялар дәуірі.

Біз технологияны өзгертумен шұғыл­данып жүргенде технологиялар біз­дің өзімізді өзгерте бастады. Жаһандану жық­пылында адасып қалмау үшін қандай қаре­кеттер керек?

Осы орайда еске түседі. Ұлы Бернард Шоудан бір тілші: «Сіз ғылыми-техни­калық революция жетістіктеріне қалай қарайсыз?» деп сұрағанда: «Біз осы ҒТР-дың арқасында суда балықша жүзуді, аспанда құсша ұшуды үйрендік, бірақ жер бетінде адамша өмір сүруді бәрібір үйрене алмадық», деп жауап берген екен.

Шынымен, қалай адамша өмір сүруге болады? Әрине, жауап айқын – адам бола білу керек, адам болып қалу керек дейміз. Дегенмен, бір сәт төмен түсіп, құдай­шы­лығын айта­­йық­шы. Қарапайым адамға ең ал­­дымен керегі не нәрсе? Ең бас­ты қажеттілік – баспана, азық, киім, білім... Басқасы кейін... Ал бәрінің түбі айналып келіп қар­жыға тіреледі. Тапшылықтан зәру­лік туындайды. Мемлекетің бай болып, қарапайым адамың бас­пана­сыз, аш-жалаңаш, білімсіз болса, киберфизика мен нанотехнология көмектесе ала ма? Міне, Президент Н.Назарбаевтың осы бір қалың бұқара үшін аса маңыз­ды, әлеуметтік мәні зор, өте өткір де өзекті мәселені шешуді ба­тыл қолға алғаны сүйсінтті. Бұл – бас­­па­на­сыздық проблемасын мейлінше жеңіл­дететін игілікті, берекелі бастамалар.

Мемлекет басшысы өзінің Үндеуіндегі екінші бастамасында жалақысы төмен жұртшылық­тың жағдайын жақсарту үшін салықты 10 есеге азайтып, 1-ақ пайызбен салық салуды ұсынды. Мұндай жағдайда жалақы көлемі анағұрлым ұлғаяды. Бұл да білген адамға зор жеңілдік, үлкен көмек.

«Болашақ – жастардікі» деген­ді көп айтамыз. Біз «Бола­шақ» бағдарламасы­мен жастарымызды шетелдерде оқыту­ды сәтімен жолға қойдық. Ол тү­лектер өз Отанына мол біліммен оралып, Қазақ­станның даму жолына лайықты үлестерін қосу үстінде. Оларға хош көңілмен сүй­сіне қараймыз. Бірақ өз елі­міз­дегі білім беру жайы қалай? Сын көтере ме? Осы мәселеде, биыл бір жыл толып отырған «Бо­ла­шаққа бағдар: рухани жаң­ғыру» бағдарламасы бойынша қазақ тіліне аударылып жат­қан «100 озық оқулық» жобасы­ның келешегіне үлкен үміт артатынымыз рас.

Үндеуге үңілейік: «Үшінші бастама. Жоғары білім алудың қолжетімділігі мен сапасын арт­тыру үшін төмендегідей шара­ларды ұсынамын. Қазір жыл сайын бөлінетін 54 мың грант­қа қосымша 2018-2019 оқу жылында тағы 20 мың грант бөлу керек. Оның 11 мыңы техни­ка­­лық мамандықтар бойынша ба­калаврлық білім беруге тие­­сілі болады. Бұл төртінші өнер­кәсіптік революция жағ­дайын­дағы жаңа экономикада зор сұранысқа ие болатын сан мың жаңа маманды даярлауға мүмкіндік береді. Мұнда ең алдымен инженерлер, ақпараттық технология, роботты техника, нанотехнология саласының мамандары туралы сөз болып отыр».

Міне, мұның бәрі – болашаққа талпынған әрбір қабілетті жасқа туғы­зылған қосымша тың мүм­кіндіктер. Қарапайым қазақ балалары жаңа дәуірге лайық сирек те жаңа мамандықтарды меңгеріп жатса, еліміздің ертеңі жарқын болмай ма?

«Біз әлемдік стандарттарға сай білім беру жүйесін қалып­тас­тыра отырып, сту­дент­тердің білім алуына және тұрғын орны­на жағдай жасауға жете назар аударуымыз қажет. Өздеріңіз білесіздер, сырттан келетіндер қаланың шетіндегі ескі үйлерді жалдап, содан қиындық көріп, зардап шегіп жатады. Мұндайда, әрине, сапалы білім алу туралы айтудың да қажеті жоқ. Бүгінде жоғары оқу орындары мен кол­ледж­дердің студенттерін жатақ­ханамен қам­­та­масыз ету мәселесі өте өзек­ті. Бұл мін­­­детті шешу үшін ЖОО-лар, колледж­дер және девелопер-компаниялар мем­ле­кет-же­ке­­меншік серіктестігі бойынша жатақ­хана құрылысын бастауы қажет», деді Елбасы.

Оқу грантын көбейтіп, жатақ­хана тапшылығын жою деге­німізді – келешекке жол ашу, болашаққа жағдай жасау, жас буынға мемлекеттік қамқорлық, еліміздің ертеңіне салынатын отандық инвестиция деп есептеу керек.

Сондай-ақ шағын несие беру мен аймақтарды газбен қамтама­сыз ету туралы бастамалар да ха­лықтың көкейінен шығары анық.

Елбасы өз сөзінде ұсынылған бес бас­таманың ойдағыдай іске асуына бірден-бір кепілдік – елдің бірлігі екенін баса айтты. Шынында да, бүкіл берекенің бас­тауы мен түп қазығы ұлтымыз­дың тұтас­тығында жатыр.

Конституциямызда белгі­ленген әлеу­меттік мемлекет ұғымы әр азаматқа мемлекет тарапынан қамқорлық жасаумен өлшенеді. Бұл бастамалар, түбе­гейлі алған­да, әлеуметтік мемлекетті нығайтуға жасал­­ған нық қадам деп бағалауға ла­йық. Сонымен қоса қарыштап басқан Қазақ­стан­ның халықаралық қоғамдастық алдын­дағы абырой-беделін де айтарлықтай арттыра түсері сөзсіз.

Еліміздің тілегі – жастар, тірегі – ауыл. Ендеше, олардың мүд­десі мемлекет мүд­десіне айналғаны бізді неге қуант­пасын?!

Ұлықбек ЕСДӘУЛЕТ,

Мемлекеттік сыйлықтың лауреаты, Қазақстанның еңбек сіңірген қайраткері

АЛМАТЫ

 

 

 

 

 

СОҢҒЫ ЖАҢАЛЫҚТАР

22.01.2019

Батыс Қазақстан облысында «Сыбайлас жемқорлықтың  алдын алу» тақырыбында дөңгелек үстел өтті

22.01.2019

Алуа Балқыбекова: Қазақтың боксшы қыздарымен әлемде барлығы да санасады

22.01.2019

Қасиетті қамшы

22.01.2019

Соңғы төрт күнде шығыс өңірінің теміржолшылары шамамен 2 мыңнан астам шақырым жолды қардан тазартты

22.01.2019

«Шымкент - адалдық алаңы» жобалық кеңсесі жаңа жобаны таныстырды

22.01.2019

Ақырзаман жақын ба?

22.01.2019

Шымкенттің орталық аудандарындағы балалар әлі күнге дейін үш ауысымды мектепте білім алып жүр

22.01.2019

«Байқоңыр» кешеніндегі арнаулы өкілінің қызметін қамтамасыз ету басқармасының басшысы тағайындалды

22.01.2019

«Қызылорда облысы әкімдігінің іс басқармасы» КММ директоры тағайындалды

22.01.2019

Астана әкімдігінің аппараттық жиыны бұдан былай ашық форматта өтеді

22.01.2019

Бақытжан Сағынтаев «Президенттің бес әлеуметтік бастамасын» іске асыру бойынша нақты тапсырма берді

22.01.2019

Петропавлда алабай тұқымдас ит иелерін талап тастады

22.01.2019

Солтүстік Қазақстанда шетелдік мигранттар легі тыйылар емес

22.01.2019

Қ. Бозымбаев «Сарыарқа» магистральді газ құбырын салу жобасын іске асыру барысы туралы баяндады

22.01.2019

Шағын несие алушылар қосымша 12,6 мыңнан астам жұмыс орнын ашты

22.01.2019

Дәстүрлі өнер академиясы ашылады

22.01.2019

«Тал бесіктен жер бесікке дейін...»

22.01.2019

Жаңақорғандық кәсіпкер жүгеріден сусын шығарады

22.01.2019

Елбасының гранттар бөлу туралы тапсырмасы толық көлемде орындалды — ҚР БҒМ

22.01.2019

Мемлекеттік көмектің нәтижесін көріп отыр

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

ҰҚСАС ЖАҢАЛЫҚТАР

Тағы да оқу

Пікір қосу